حك راس الكاسكو في 4 أيام.....

[zaherdb]

تحية طيبة لكم جميعا أخواني الأعضاء جميعا
وهذا أول موضوع لي معاكم في المنتدى وإن شاء الله يكون خفيف عليكم..
فيه مقوله تقول إن اللي يربي الرمادي ويتركه لابد ويرجع له مرة أخرى في يوم من الأيام
قبل سنة كان عندي ببغاء أفريقي رمادي من النوع الجمبو وكان وحشي بشكل لايتصوره إلا من عانا مثل مشكلتي وبالرغم من محاولاتي بالتقرب منه إلا إنها باءت بالفشل الذريع وركز على كلمة الذريع بمعنى اللي ما عنده صبر على الرمادي لايشتريه لأن راسه أعند من الخرسانه المسلحه بس مافيه باب إلا وله مفتاح والشاطر اللي يلقاه...
المهم بعد تقريبا 3 أشهر صار أليف ولا أحلى منه وأضطرتني الظروف إني أخليه عند صاحبي لمدة أسبوع علشان عندي شغل في منطقة ثانية المهم ما أطول عليكم صاحبنا عنده حديقة مغلقه بس سقفها من الخشب وسوا فيها معلم وفتح الباب للرمادي علشان يتمشى في الحديقة والأخ ما صدق خبر وطاح لك أكل في هالخشب اللي بالسقف الين سوى له فتحه وطار منها المهم قررت إني الغي قصة الرمادي من حياتي وأظل على الدرة المطوقه نعرها وتعرفنا وسهل ترويضها........
قبل عشرة أيام من اليوم نزلت على سوق الطيور في الشارقة واشتريت لي فرخ درة لونه أصفر فاقع عمره تقريبا 6 أشهر بس وانا اتجول شفت فروخ الرمادي وفز قلبي ما قدرت اصبر اخذت لفه عليهم وسعرتهم وتحرشت في كم واحد منهم وأخذت درتي ورحت البيت وقلبي معلق في السوق ماني قادر انسى شكل فروخ الرمادي وفوق ذلك كان فيه فروخ تقريبا أعمارها من 6 الى 8 أشهر تسحر القلوب قبل الأنظار المهم أسبوع وانا راجع للسوق مرة ثانية وكان في بالي محل معين بس غالي شوي ورحت له وصمم على 2500 درهم للفرخ المحجل قلت له بآخذ لفه في السوق وأرجع لك...
وأنا أتجول لقيت فرخين بس واضح إن حالتهم تعبانه مرة وهزيلين وريشهم مغطى ببرازهم (أجلكم الله) وريحتهم واصله لآخر المحل فتحت باب القفص تفقدت العيون والخشم والصدر وكانوا تمام ولله الحمد سألت البياع الآسيوي بكم قال لي مافيه ضمان فلوس ما يرجع!!!!
قلت له بكم انا سألتك ما سألتك عليهم ضمان والا لا الضامن رب العالمين....
قال 1800 درهم انا قلت 1500 تبيهم والا باطلع قال طيب
المهم طلعت الفرخ برا وقلت له نظف لي الحجل جلس يطالع فيني مستغرب ليش ابيه ينظف الحجل..المهم جاب فوطه ومويه ونظف الحجل وطليت على الكود الموجود عليه شلت الفرخ ورحت البيت والفرخ المسكين في حاله لا يعلمها إلا الله من سوء معمله وتجويع ووسخ واليوم له عندي أربعة أيام بالضبط وهذي صورته من أول يوم إلى أن كتبت هذه الأسطر واسمحوا لي على الإطالة ولكن (سالفة تجر سالفة)....
ولا تنسوا ذكر الله

http://www.djzaher.com/images/1.gif

http://www.djzaher.com/images/2.gif
http://www.djzaher.com/images/3.gif
http://www.djzaher.com/images/4.gif
http://www.djzaher.com/images/5.gif
http://www.djzaher.com/images/6.gif
http://www.djzaher.com/images/6.gif
http://www.djzaher.com/images/7.gif
http://www.djzaher.com/images/8.gif
http://www.djzaher.com/images/9.gif
http://www.djzaher.com/images/10.gif
http://www.djzaher.com/images/11.gif
http://www.djzaher.com/images/12.gif
http://www.djzaher.com/images/13.gif
هذا كل شي واسمحوا لي على الإطالة وإن شاء الله لي عوده لكم في مواضيع أخرى تخص حبيب قلبي الرمادي الأفريقي.
تحياتي لكم جميعا ولا تنسونا بردودكم الطيبة
:):):)

[فدك]

صحيح اخوي انا امنت مليون بالميه ان الببغاوات طيور ذكيه جدا
انا كان عندي رمادي
وحاطينه في البلكونه والظاهر انه عجبه منظر الشجر وهو محبوس داخل القفص
ظل يكسر كل يوم في قفصه وكنا نقول خليه براحته ماراح يقدر يخرج
كل يوم وهو يكسر منه شويه
واذا لاحظ اننا انتبهنا يوقف
لين جا يوم تفاجأنا بالقفص فااااااااااضي:confused:

[كاسكوكيه]

ولا صورة ظهرت! بس تسلم ع الموضوع ^_^

[بوسارة]

الله يعطيك العافيه وقواك الله يالامير

[zaherdb]

العذر على عدم ظهور الصور للبعض لمشكلة بالسيرفر
سأقوم برفعها على سيرفر آخر فورا
وشاكر لكم مروركم الكريم

[كاسكوكيه]

مشكور و في الانتظار :)

[zaherdb]

تم رفع الصور مرة أخرى ونعتذر منكم مرة أخرى أيضا
تحياتي

[Nuha]

ما شاء الله
الله يحفظه يارب

ويهدي الحلوة اللي عندي>>>>>تراه كروان بس متوهقه فيه

[مايهم من أكون]

ماشاء الله تبارك الرحمن

طير روعه والله يحفظه لك

دمت بود,,,

[مووووودي]

ما شاء الله الله يخلي بس و الله انا تعبت من الببغاء و الله عشان كل ما كنت اربيها ما اقدر اخليها تتآلف علي و الله كان عندي ببغاء نيجيري و كمان ربيت غيره كتيييييييير بس ما قدرت اخليها تتآلف و وديتها هدية لصديق الي بس دحين بفكر اشتري واحد ايش تنصحوني اخواني الاعزاء بليييييييييييييز ابي نصائحكم ابي ببغاء يكون أليف جدا يعني نوعية تكون من اكثر الببغاءآت الفة شو رأيك اخوي اتمنى النصائح

[zaherdb]

ما شاء الله
الله يحفظه يارب

ويهدي الحلوة اللي عندي>>>>>تراه كروان بس متوهقه فيه
جزاك الله خير وشاكر لك المرور والصبر هو مفتاح كل شيء
ماشاء الله تبارك الرحمن

طير روعه والله يحفظه لك

دمت بود,,,
جزاك الله خير وشرفني مرورك الكريم
ما شاء الله الله يخلي بس و الله انا تعبت من الببغاء و الله عشان كل ما كنت اربيها ما اقدر اخليها تتآلف علي و الله كان عندي ببغاء نيجيري و كمان ربيت غيره كتيييييييير بس ما قدرت اخليها تتآلف و وديتها هدية لصديق الي بس دحين بفكر اشتري واحد ايش تنصحوني اخواني الاعزاء بليييييييييييييز ابي نصائحكم ابي ببغاء يكون أليف جدا يعني نوعية تكون من اكثر الببغاءآت الفة شو رأيك اخوي اتمنى النصائح
والله يا غالي بعد تجربة أغلب أنواع الطيور ما شفت في الألفة زي الرمادي بس بعد الترويض ومن زود تعلقه بصاحبه إذا حبه أنه 99% يموت بعد ترك صاحبه له أو وفاة صاحبه وهذا الكلام موثوق منه وتقدر تبحث في النت بنفسك وتشوف بس لازم تصبر وتعامله كأنه بشر وليس كحيوان وبتشوف سبحان الله ردة فعله وتفاعله معاك كالطفل الصغير حتى لمن تزعل منه في شغله وتحبسه في القفص يبدأ بالعناد وتنتيف الجرايد وضرب ارضية القفص علشان يرفع ضغطك زياده بس إذا طنشته ولا رديت عليه تلقاه يبدا يطلع أصوات وتصفير زي اللي يطلب انك تسامحه واللي عنده رمادي مدرب يقدر يأكد كلامي...
فإذا كنت يا أخي جاد وتريد تمتلك واحد من الببغاوات لازم تعامله معاملة الطفل الصغير وبعدين عليك بالمحجل الصغير فهو أسرع ترويض من الكبير وما ياخذله أكثر منأيام ,احيانا ساعات بس أنا أقول لك إنه راح يتأخر بالكلام لغاية 9 أشهر وأكثر أما الكبير فهو صعب الترويض شوي بس سريع الكلام ولك الخيار وكلن سعره فيه.....
تحياتي

[عاشق وتر]

مشاء الله تبارك الله

الله يخلية لك أنشاء الله

انا من أشوف صورة لرمادي يفز قلبي وأكرة الدرة الي عندي خخخخ

الله يبارك لك فية أنشاء الله

[zaherdb]

مشاء الله تبارك الله

الله يخلية لك أنشاء الله

انا من أشوف صورة لرمادي يفز قلبي وأكرة الدرة الي عندي خخخخ

الله يبارك لك فية أنشاء الله
جزاك الله خير أخوي عاشق وتر
وكلهم فيهم البركة والدرة درتهم ترى لا يغرك صغره
وشوف هذا المقطع وبيفز قلبك على الدره بعد
http://www.youtube.com/watch?v=9e73fqWONqM
سلام يا غالي

[سلفر9]

الله يحفظه لك

[عاشق وتر]

هههههههههههههههههههههه

عجبني صوتة وهو يقول توني ذكرني في واحد من أخويانا نسمية نفس الاسم هذا

أنا بلعكس ماخذت ببغاء الدرة ألا عن قناعه وعارف أنة قليل الكلام وعجبني شكلة وصدقني لو ألاقي فروخ منة خذت واحد وأنا مغمظ على طول
بس للأسف أنغشيت في عمر الدرة الي عندي أنا كنت أحسبها حول 7 شهور بس أطلعت أكبر من السنة بكثير
هذا السبب ألي خلاني افكر في الرمادي والسبب الثاني مالقيت فروخ درة

[افريكانو]

مشاء الله تبارك الرحمن ببغاء جدا رائع الله يحفظة لك ويرزقني مثله

[zaherdb]

هههههههههههههههههههههه

عجبني صوتة وهو يقول توني ذكرني في واحد من أخويانا نسمية نفس الاسم هذا

أنا بلعكس ماخذت ببغاء الدرة ألا عن قناعه وعارف أنة قليل الكلام وعجبني شكلة وصدقني لو ألاقي فروخ منة خذت واحد وأنا مغمظ على طول
بس للأسف أنغشيت في عمر الدرة الي عندي أنا كنت أحسبها حول 7 شهور بس أطلعت أكبر من السنة بكثير
هذا السبب ألي خلاني افكر في الرمادي والسبب الثاني مالقيت فروخ درة
حياك الله مرة ثانية أخوي عاشق وتر
وهذي صورة الدرة اللي تكلمت عنه أول الموضوع وقلت اني شريته قبل الرمادي باسبوع
وبعده فرخ ومحجل بعد عمره 6 شهور ونص بس مو رخيص سلخما بـ 1100 درهم ..
بس وش نسوي الهوى غلاب وانا اذا رحت سوق الطيور ما يطاوعني قلبي اطلع بدون رفيق....
http://www.djzaher.com/images/14.gif

[عاشق وتر]

اللهم صلي على سيد المرسلين

مشاء الله تبارك الله هذي أول مرة أشوف درة صفراء تصدق لونها احلا من الأخضر
بس كأن سعرة غالي شوي بس زي ماقلت الهوى غلاب
الله يبارك لك في أنشاء الله

عندي سؤال أنت ماخذ التربية عن هواية او تجارة ؟؟؟؟؟؟؟؟؟

[zaherdb]

اللهم صلي على سيد المرسلين

مشاء الله تبارك الله هذي أول مرة أشوف درة صفراء تصدق لونها احلا من الأخضر
بس كأن سعرة غالي شوي بس زي ماقلت الهوى غلاب
الله يبارك لك في أنشاء الله

عندي سؤال أنت ماخذ التربية عن هواية او تجارة ؟؟؟؟؟؟؟؟؟
هلا بك حبيبي
لا والله هواية وتركتها من سنين والآن رجعت لها
بس الحمد لله الخبره متوفره وطولت البال موجوده والرغبه وحب الطيور موجودين..
بس إذا توفر المكان المناسب لمزرعة تفريخ الببغاوات أنا جاهز لأنه متعه قبل ما تكون تجارة.
ومنها نكون ساهمنا ولو بجزء بسيط بالتعريف بهذا الطائر الرائع..
ولي عوده في موضوع جديد قريبا إن شاء الله مع الدرة

[عاشق وتر]

بتوفيق لك أنشاء الله نسيت أهم شي السيولة

وفي أنتظار باقي مواضيعك

تشكرات أفندم

[hawi56]

مشاء الله تبارك الله

اللهم صلي على محمد ..

الله يباركلك اخوي ويوفقك مع بوبي

صراحه الطير حلو ويستاهل كل قرش...

يتربى فعزك وعقبال ما تشوفو يرطن معاك

[zaherdb]

مشاء الله تبارك الله

اللهم صلي على محمد ..

الله يباركلك اخوي ويوفقك مع بوبي

صراحه الطير حلو ويستاهل كل قرش...

يتربى فعزك وعقبال ما تشوفو يرطن معاك

جزاك الله خير أخي الكريم
وشاكر لك مرورك الجميل

[أبــو محمد]

ما شاء الله عليك ..,
ويتربى في عزك ان شاء الله ,,.


ما قلت اخوي وش طريقة الي تسويها مع الببغاء

[كاسكوكيه]

ما شاء الله :)

ربي يخليه لك

و ربي يحفظه امين من العين ^_^

[مخاوي برشلونة]

ما شاء الله
الله يحفظه يارب

وبصراحة الصور في غاية الروعة وبوبي وعلى فكرة وشكل القفص باين علية حلو

[حب استطلاع]

العنوان بعيد كل البعد عن المحتوى
عنوان موضوعك (( حك راس الكاسكو في 4 أيام ))
واللي قريته قصة شرائك لطيرك
على العموم يعطيك العافية

[zaherdb]

العنوان بعيد كل البعد عن المحتوى
عنوان موضوعك (( حك راس الكاسكو في 4 أيام ))
واللي قريته قصة شرائك لطيرك
على العموم يعطيك العافية

حقك علينا حبيبي بس ما نقدر نعدل شي على عنوان الموضوع ولكن هذا اللي صار معاي حكيت راس الكاسكو في 4 أيام ولو تابعت الصور وقريت الملاحظات اللي عليها كان عرفت تسلسل الأحداث حبيبي.
على العموم شاكر لك مرورك الكريم
ونعتذر عن تضييع وقتك الثمين..
تحياتي

[زوو]

اخوي رسلت لك ع الخاص اذا ما فيه ازعاج

[zaherdb]

اخوي رسلت لك ع الخاص اذا ما فيه ازعاج

تم الرد يا غالي

[جيتارو]

ماشا الله تبارك الله

الله يهنيك