echo
19-06-2006, 01:29 AM
صاحبكم مسوي نفسه خبير
المهم والله اني جلست العصرية كلها عند احد مربين الأمازون (في رأيي هذا الشخص هو
الأفضل في مجال تلقين الأمازون الجمل وبصوت عالي وواضح جدا)
المهم هذا الشخص له في تدريب الأمازون اكثر من 12 سنة
وله عدة طرق لتعليم الأمازون الكلام
يقول في البداية انتقي الطير الجيد (الصاحي) واذا كان في الطير علة او كسل ابدأ بعلاج ذلك
قبل فترة التدريب (طبعا كل ما كان عمر الطير اصغر كان هذا في مصلحتك) المهم قبل بداية التدريب
الفعلي لازم يكون الطير غير مريض وحسب مافهمته منه انه بعض الأمازونات يجيك فيها كسل وعدم
نشاط والسبب على حد قوله اما علة مرضية او حالة اكتئاب وزعل من موقف معين
طبعا المرض انشاء الله الشفا من عند الله والعيادات البيطرية الجيدة موجودة
ولكن مشكلة الاكتئاب وحسب قوله خروج الطير منها يحتاج الى وقت ومثابرة
واذا شفت في طير المواصفات اللي تبيها وعالجته ومازال يعاني الخمول
فطريقة خروج الطير من هذه الحالة تعتمد عليك وعلى تطبيق النصائح الثلاث التالية
1- معدة الطير (الأمازون ضعيف جدا امام الأكل خصوصا (الفواكه والذرة والخبز ) حاول تنويع الطعام
له في الشهر الأول وقد ماتقدر اطعمه بيدك
2- تجنب تخريج الطير من قفصه وتعريضه لضغوط وخوف (على حد قوله :حتى لو كان الطير
وليف جدا فخروجه معك سيشعره بالخوف قليلا ) حاول تخريجه من قفصه اقل شي بعد شهر
طبعا حتقول الطير وليف ومايحتاج كلها يومين وانا حاطلعه بره القفص لكن الرجال مانصحني
بالاستعجال خصوصا اذا كان هدفك تدريب الطير على الكلام
3- عندما تكلم الطير لاتنظر مباشرة له الى عينه ولا ترفع صوتك وحاول استخدام صوت هاديء
وحنون في اول شهر
بعد تطبيق هذه النقاط الثلاث يقول انشاء الله مية المية الطير حيخرج من حالة الاكتئاب
وحتكون كسبت بالتأكيد ثقة الطير وحبه لك وحسب كلامه (الطير حيصبح متقبلك)
تستطيع معرفة ذلك حتلاقي الطير يبدأ يتكلم وتتلون عيونه ويفرد ذيله غالبا لمن يشوفك
اذا وصلت الى هذه النقطة حتكون كسبت الشوط الأول بالمباراة وباقي الشوط الثاني
وهو تلقينه فعليا (الكلام)
الرجال له طريقة لتعليم الأمازون الكلام وحسب كلامه انها نجحت مع اكثر من 80 %
من الطيور اللي دربها
بعد انقضاء الشهر الأول والبدء بالتدريب الفعلي
ضع قفص الطير في مكان مناسب ومرتفع عن الأرض يشعر الطير بالأمان
لاتحاول تدريب طيرين في نفس الوقت لأنه حيفقد الطيور التركيز
(طبعا طريقته لتدريب طير وحيد فقط )
ومعروف انه ممكن الطير يلقط كلام من نفسه اذا وضعته في مجلسك او جنب
طيور اخرى ولكن طريقته طريقة محترفين وبالفعل بيتخرج من مدرسته
طيور رائعة ومميزة
اجعل لك أوقات ثابتة للتدريب واجعل هذه الأوقات هي اوقات تقديم الأكل له
هو له ثلاث اوقات واحدة في الصباح والثانية عند المغرب وواحدة قبل ماينوم الطير
اجعل الأكل في المأكل قليل جدا يعد بالأصابع
واعطيله الأكل بيدك وفي نفس الوقت اعطيه الجملة وكررها الين ماتشوف تفاعل منه معاك
وبعدين اعطيه مرة ثانية وهكذا كل ماتفاعل تعطيه الأكل
طبعا هذي الطريقة يستخدمها في الصباح والمغرب
فترة ماقبل النوم يقول اعطيه الجملة وكررها مرات كثيرة بس اهم شيء
انك انت مو معلق القفص انك تكررها مرة من بعيد ومرة من جنبه وهكذا (حاول تنويع مكانك وانت
تردد الكلام) صراحة مافهمت فائدة هذي الحركة ولكن حسب قوله لتنويع زوايا الصوت للطير
وتعود الطير بترديد الكلام لك في اي وقت ومكان مو شرط انك تكون جنبه عشان يتكلم
نصائح عند ترديد الكلام للطير
حاول رفع صوتك وتوضيحه واستخدام النبرة الأوبرالية الموسيقية لكل كلمة
حاول توضح اول كلمة وآخر كلمة اذا كنت تردد عليه جملة طويلة
عليك بالصبر والتكرار ولكن حاول تغير وتيرة صوتك عشان مايشعر الطير بالملل
احيانا بعض الجمل ماتعجب الطير وممكن تقعد ترددها عشر سنوات ولاحيجيبها
في هذه الحالة ان شفت الطير طولها وحسيت انه قفل النظام عنده
غير الجملة وغالبا حيجيب الجملة الثانية بسرعة كبيرة (سبحان الله)
المهم ثق بطيرك ولاتستعجل وكل مازاد حبك له حتشعر بتكون علاقة جميلة بينك
وبين الطير وحيبادلك نفس الشعور وحتصل لمرحلة تلاقي فيها طيرك يقتل نفسه عشان
ياخذ منك جملة او كلمة جديدة
(ان شاء الله الموضوع الجاي عن ثلاث طرق جميلة اعطاني هي عن تدريب وترويض
حتى اشرس طير)
آسف على الاطالة
والله ولي التوفيق
المهم والله اني جلست العصرية كلها عند احد مربين الأمازون (في رأيي هذا الشخص هو
الأفضل في مجال تلقين الأمازون الجمل وبصوت عالي وواضح جدا)
المهم هذا الشخص له في تدريب الأمازون اكثر من 12 سنة
وله عدة طرق لتعليم الأمازون الكلام
يقول في البداية انتقي الطير الجيد (الصاحي) واذا كان في الطير علة او كسل ابدأ بعلاج ذلك
قبل فترة التدريب (طبعا كل ما كان عمر الطير اصغر كان هذا في مصلحتك) المهم قبل بداية التدريب
الفعلي لازم يكون الطير غير مريض وحسب مافهمته منه انه بعض الأمازونات يجيك فيها كسل وعدم
نشاط والسبب على حد قوله اما علة مرضية او حالة اكتئاب وزعل من موقف معين
طبعا المرض انشاء الله الشفا من عند الله والعيادات البيطرية الجيدة موجودة
ولكن مشكلة الاكتئاب وحسب قوله خروج الطير منها يحتاج الى وقت ومثابرة
واذا شفت في طير المواصفات اللي تبيها وعالجته ومازال يعاني الخمول
فطريقة خروج الطير من هذه الحالة تعتمد عليك وعلى تطبيق النصائح الثلاث التالية
1- معدة الطير (الأمازون ضعيف جدا امام الأكل خصوصا (الفواكه والذرة والخبز ) حاول تنويع الطعام
له في الشهر الأول وقد ماتقدر اطعمه بيدك
2- تجنب تخريج الطير من قفصه وتعريضه لضغوط وخوف (على حد قوله :حتى لو كان الطير
وليف جدا فخروجه معك سيشعره بالخوف قليلا ) حاول تخريجه من قفصه اقل شي بعد شهر
طبعا حتقول الطير وليف ومايحتاج كلها يومين وانا حاطلعه بره القفص لكن الرجال مانصحني
بالاستعجال خصوصا اذا كان هدفك تدريب الطير على الكلام
3- عندما تكلم الطير لاتنظر مباشرة له الى عينه ولا ترفع صوتك وحاول استخدام صوت هاديء
وحنون في اول شهر
بعد تطبيق هذه النقاط الثلاث يقول انشاء الله مية المية الطير حيخرج من حالة الاكتئاب
وحتكون كسبت بالتأكيد ثقة الطير وحبه لك وحسب كلامه (الطير حيصبح متقبلك)
تستطيع معرفة ذلك حتلاقي الطير يبدأ يتكلم وتتلون عيونه ويفرد ذيله غالبا لمن يشوفك
اذا وصلت الى هذه النقطة حتكون كسبت الشوط الأول بالمباراة وباقي الشوط الثاني
وهو تلقينه فعليا (الكلام)
الرجال له طريقة لتعليم الأمازون الكلام وحسب كلامه انها نجحت مع اكثر من 80 %
من الطيور اللي دربها
بعد انقضاء الشهر الأول والبدء بالتدريب الفعلي
ضع قفص الطير في مكان مناسب ومرتفع عن الأرض يشعر الطير بالأمان
لاتحاول تدريب طيرين في نفس الوقت لأنه حيفقد الطيور التركيز
(طبعا طريقته لتدريب طير وحيد فقط )
ومعروف انه ممكن الطير يلقط كلام من نفسه اذا وضعته في مجلسك او جنب
طيور اخرى ولكن طريقته طريقة محترفين وبالفعل بيتخرج من مدرسته
طيور رائعة ومميزة
اجعل لك أوقات ثابتة للتدريب واجعل هذه الأوقات هي اوقات تقديم الأكل له
هو له ثلاث اوقات واحدة في الصباح والثانية عند المغرب وواحدة قبل ماينوم الطير
اجعل الأكل في المأكل قليل جدا يعد بالأصابع
واعطيله الأكل بيدك وفي نفس الوقت اعطيه الجملة وكررها الين ماتشوف تفاعل منه معاك
وبعدين اعطيه مرة ثانية وهكذا كل ماتفاعل تعطيه الأكل
طبعا هذي الطريقة يستخدمها في الصباح والمغرب
فترة ماقبل النوم يقول اعطيه الجملة وكررها مرات كثيرة بس اهم شيء
انك انت مو معلق القفص انك تكررها مرة من بعيد ومرة من جنبه وهكذا (حاول تنويع مكانك وانت
تردد الكلام) صراحة مافهمت فائدة هذي الحركة ولكن حسب قوله لتنويع زوايا الصوت للطير
وتعود الطير بترديد الكلام لك في اي وقت ومكان مو شرط انك تكون جنبه عشان يتكلم
نصائح عند ترديد الكلام للطير
حاول رفع صوتك وتوضيحه واستخدام النبرة الأوبرالية الموسيقية لكل كلمة
حاول توضح اول كلمة وآخر كلمة اذا كنت تردد عليه جملة طويلة
عليك بالصبر والتكرار ولكن حاول تغير وتيرة صوتك عشان مايشعر الطير بالملل
احيانا بعض الجمل ماتعجب الطير وممكن تقعد ترددها عشر سنوات ولاحيجيبها
في هذه الحالة ان شفت الطير طولها وحسيت انه قفل النظام عنده
غير الجملة وغالبا حيجيب الجملة الثانية بسرعة كبيرة (سبحان الله)
المهم ثق بطيرك ولاتستعجل وكل مازاد حبك له حتشعر بتكون علاقة جميلة بينك
وبين الطير وحيبادلك نفس الشعور وحتصل لمرحلة تلاقي فيها طيرك يقتل نفسه عشان
ياخذ منك جملة او كلمة جديدة
(ان شاء الله الموضوع الجاي عن ثلاث طرق جميلة اعطاني هي عن تدريب وترويض
حتى اشرس طير)
آسف على الاطالة
والله ولي التوفيق