تسجيل الدخول

مشاهدة النسخة كاملة : السلام عليكم ابي help

الرايـق
29-11-2008, 03:16 PM
انا عندي بسه صغيره ابي طرق اعلمها او الطرق الي تتعلم عليها البسس غير كذ1 اسمع كثير

تقولون مكافات القطط كيف يتكافأ القط بايش وياليت تعطوني انواع وصور للتدريب ..


شكرا...
sisi_moon
29-11-2008, 03:27 PM
مكافآت

هي عباره عن اكله تعطيها للقط اثناء ما انت تعلمه ..

هي اسمها تريت .. بس نااااااااااااااااااااااااااااادر تحصلها عندنا ..

فـ البديل عنه الدراي فود او من اكل القطوه العاادي ..

اما عن التدريبات ..

فيك تدربها على أمر ( لا ) يعني اذا بغيت تنهيها عن شي انهرها بهالكلمه .. ولين شفتها تراجعت اعطيها مكافأه ..

ايضا الامر ( قف ) وهو انك تحط مكافاه بيدك وترفع يدك لفوق هي بتووقف عشان تاخذها .. قبل لا هي توقف انت انطق الأمر ..وهي بتوقف وعطها المكافأه ..

وبعد أمر ( تعاال ) يعني وقت الوجبه تمسك انت بصحن الاكل وتقولها تعااااالي وهي بتجي عشان الاكل طبعا ..

وسو هالحركه عند كل وجبه .. وحتى بين الوجباات اذا بتعطيها مكافاه او مثلا جبن ولا اي شي .. المهم أكل ..

هذا أسهل الاوامر والي القطط تقدرر تدرب عليها بسهووله ..

اما مثلا أمر اجلس .. او ناااام .. اقفر .. وغيره هذي صعبه .. يعني القطط الذكيه جدا مثل السيامي بيكون سهل التعليييم فيه .. اكثر من الانواع الثاانيه ..

وطبعا حط ببالك وقت التدريب لازم لازم لازم القطوه تكون جوعانه .. وهي شبعانه ماينفع .. لانها مراح تنجذب للأكل الي بيدك ..

و حط ببالك ان هي قطوه مو كلب .. يعني مو سهل تدريبها زي الكلاب .. القطط تاخذ وقت اكثر .. يعني مثلا اذا الكلب يتعلم الامر بكمن يوم .. القطوه تتعلمه باسبووع وكمن يووم ..

ولازم تكرر الامر كل يوووم .. عشان القطوه تحفظه ويثبت عندهاا .. وبعدهاا لين تأكدت انها حافظه الامر ... ماله داعي تكرره يومياا ..

وبالتووفيق
مدرب نمور
29-11-2008, 03:30 PM
او شى انتا تبغى تعلمها ايش بالضبط ؟؟

والمكافأت اذا مثلاً سوت شى يعجبك

اعطيها وصله لحمه عشين تعرف انها اذا سوت هذا السلوك حتحصل على مكافئه
قطوتي لوسي
29-11-2008, 04:31 PM
انا عندي بسه صغيره ابي طرق اعلمها او الطرق الي تتعلم عليها البسس غير كذ1 اسمع كثير

تقولون مكافات القطط كيف يتكافأ القط بايش وياليت تعطوني انواع وصور للتدريب ..


شكرا...

صراحه ما فهمت عليك
Octopus
29-11-2008, 04:49 PM
كم عمر البسه:confused:
الرايـق
29-11-2008, 05:30 PM
يعطيكم الف عافيه على المساعده

الله لا يهينكم كفيتو ووفيتو..