سؤال ارجو الاجابه عليه

[Robalo]

السلام عليكم

اول شي مشكورين على المنتدى الروعه

عندي سؤال واتمنى من اصحاب الخبره الرد عليه

انا ناوي ان شاء الله اني اشتري بغبغاء بس حيران بين الانواع ابي احد يقدر يفيدني عن ينصحني بنوع اقدر استانس فيه مع العلم اني ما ابي التفريخ ابي بغبغاء بس يكون مدرب وعمره صغير احطه علي ايدي يسويلي جو بالبيت بس هذا الي ابي والانواع الي حيران فيها اهي:
1- الافريقي.
2-كيكاتو ( عاجبني شكله حيل )
3- مكاو .
4- امزون.

شنو تنصحوني فيه بين هل الاربع انواع حق تربية مدة طويلة.
وهل صحيح انه الكيكاتو يبدل ريشة كل سنة صحيحة هل المعلومة وله لا.

[سلفر9]

والله انا ارشح

اما افريقي او امزوني


بس الامزوني غااااااااالي شوي

تقبل مروري

[hawi56]

اخوي ان كان لك خبره وعندك ماده عليك بالأمازوني او المكاو.. الأمازوني كلامو رائع والمكاو شكلو يخبل بس يحتاج مساحه (فوق ال4000)

وان كان عندك خبره والميزانيه شويه (تحت ال3000) عليك بالإفريقي كلامو حلو وتصرفاتو احلا او الكوكاتو كلامو قليل بس يحب اللعب.

اما لو ما كان عندك خبره فأنت قدام حلين
1- تشتري طير صغير ورخيص تدرب عليه ويكون يتحمل البرد كوكتيل او دره
2- تستنى الشتا يخلص وتشتري الببغان الي ودك فيه (لانو في الشتا تحتاج عنايه خاصه جدا واحتمال وفاتها كبير).


اعتذر على الإطاله واتمنى تقبل نصحي

[Robalo]

مشكورين على المرور يا اخواني

وعلى نصايحكم الثمينه

[الجناحي 10]

افريقي اوامزوووووووووووون

[ابو سفر]

انصحك بالافرييييييييييييييييييقي

[Robalo]

مشكورين يا اخوان ياخواني صراحه احرجتوني في تواصلكم مشكورين وماقصرتو

بس بغيت اعرف في واحد من الشباب يقول استنى الشتاء يخلص ليش يعني مثلا اذا خذيت كاسكو افريقي وبعز الشتاء احتاج احطله دفايه وله عادي بجو الغرفه العادي

وشنو احسن حق الطير اشتريله استاند وله قفص واطلعه من القفص بين فتره وفتره ودي اعرف ايهو احسن ومشكورين على طولت بالكم يا اخوان

[ابو سفر]

لا عادي اشتري كاسكو ولو انك تطلعه برى القفص راح يرتاح الطير مو لازم استاند
ومن ناحية شراء الطير انا انصحك اذا مالك خبرة في ترويض الطيور خذلك واحد جاهز اليييف ويتكلم
اسعارها تبدا من 2000 وما فوق والراي يرجعلك

[Robalo]

مشكور اخوي ابو مسفر انا ان شاء الله بشتري واحد فرخ صغير اصغر من سنه

والصراحه المواضيع الي بالمنتدى وايد فادتني

وان شاء الله خلاص قررت اشتري افريقي اهم شي يكون اليف ويطلع على اليد

ومشكور مره ثانيه ياخوي