الأكل.. !!

[كاسكوكيه]

السلام عليكم و الرحمه

بغيت اتخبركم شو هيه الطريقه اللي ممكن تقنع شامبيه انه ياكل اي شي غير حب الشمس؟

صار لي اكثر من شهر معاه اجرب التفاح.. و كل اللي سواه انه يقطعه و يرميه ع الأرض.. بعدني صابره عليه.. بس كيف اقنعه ياكله.. عادي يفتت تفاحه كامله .. بس ماياكل ولا شي منها.

جربت البطاطا المطبوخ.. و قريت مره نخلطه مع القرفه المطحونه.. بس بعد ما فاد معاه.. اللي يسويه شامبيه انه يفتته لقطع و يرميه =\


اريد انوع له الأكل.. بس هوه مب راضي ياكل... هل فيه اسباب لهالشي؟؟ >_<

ارجو الأفاده :)

[الجناحي 10]

يعطيج العافيه

[كاسكوكيه]

=\

شكلك ما قريت الموضوع! اريد جواااااااااااااااااب!

[الجناحي 10]

الفلونزا مب راحمتني اليوم حدي مب قادر اشوف شي
انا اسف

[البطريقه]

الكاسيكو الي عندي مثل ببغائك ماياكل شيء غير االحبوب:(

[moussab]

السلام عليكم ورحمة الله وبركاته
عاد إتصدقين يا أختى نفس المشكله إلى إنتى إتعانين منها أنا أعانى منها كمان :confused:
ودى بس واحد من حقين الخبره للببغووات يعلمنى ويش الحل:D
وأكون شاكرله كثير
ومشكور أختى على الموضوع وسامحينى إنى ما عندى الحل لمشكلتك تقبلى مرورى ^^

[hawi56]

صحيح الكثير من الببغاوات لا تتقبل الأطعمه المنوعه لسبب انا تربت على الحب الشمسي من مده طويله فأمست لا تعرف غيره ...

وكما نعرف الببغاء حيوان حذر بطبعه ....

الخطوات :
1- اشتري الحب الشمسي الهولندي المخلوط مه فواكه مجففه وحبوب وامور اخرى وعوديه عليها لمده شهر
2- بعد ان بدا ينوع في اكله من المخلط لاحظي الأطعمه غير الحب الشمسي التي اكلها ... واعزليها مع القليل من انواع الفواكه او الخضار وضعيها له...
3- بعد فتره جربي تحطي الخضار او الفواكه لحالها ... وانشالله بياكلها
4- بعدين نوعيلو مره شمسي مره فواكه .....

[عاشقة الطيور]

وعليكم السلام ورحمة الله وبركاته

اختي تقريبا كل عضو ببغائه سوه جذي في البدايه .. انا من رايي انج اتصبرين عليه لتعطينه تفاحه كامله ربع كفايه وخليه ينتف كثر مايبي لكن صدقيني اهو يذوق وشوي شوي بيتعود .. جربي الخيار .. الرمان.. البرتقال ...المانجو..الخ

سيكو قبل مثل شامبيه لكن الحين ماشاءالله عليه يحب الفواكه اكثر من الحبوب .. اهم شي انج ماتتمللين وتقطعين محاولاتج واذا كلش مايعجبه يوعيه بس مب وايد:D وبعدين قدمي له الفواكه الي تبينها ..في البدايه يمكن يدلع ويقطع خليه مرده بيوع وبروح للقطع:p..

وبالتوفيق ان شاءالله

والله يشافيك يالجناحي

[الجناحي 10]

صبري بعد ليش مستعجله الله يهديج
في ناس تشيل منه الاكل وتجوعه وبعدين يجيب اي شي ثاني
من الاكل ومن الجوع ياكله انتي حاولي نج تعطينه عظم الفخذ حق الدجاج ترى زين
ومفيد ياكل الي داخله
بس عاد انشالله راح ياكله

[كاسكوكيه]

مشكور اخوي hawi

خطط ولا احلا :D

ان شاء الله بجربهن جريب ^^

[كاسكوكيه]

الجناحي.. مب مستعيله ولا شي.. بس لانه البرد وايد هالايام... اريد ازيد من الاكل المفيد عشان يفيده من فيتامينات و غيرها :)

[كاسكوكيه]

عاشقة الطيور.. مستحييييييييييييل أمل من الأخ الكريم :D

[moussab]

أخوى hawi الله يعطيك العافيه على الكلمات
إلى قلتها بس بغيت أستفسر منك أنا رحت الفيفا مركز عندنا فى جده موجود فيه جميع أنواع الطعام للطيور ولقيت عندهم طعام غريب للبغبغاء فيلو انواع غريبه من الحبوب غير الحب الشمسى وتتفاوت أحجامها بعد من صغير لكبير بس بغيت أعرف هاذى الأنواع من الحبوب هتجيب نتيجه إنها تخلى بغبغائى ياكل الخضروات لأنى ما أبغى أشترى الحبوب على الفاضى لأن سعرها غالى بصراحه :D

[ابو دانيال]

صحيح الكثير من الببغاوات لا تتقبل الأطعمه المنوعه لسبب انا تربت على الحب الشمسي من مده طويله فأمست لا تعرف غيره ...نفس الشي حصل معي ببدايتي مع طيري، بس مع السرلاك الخاص فيه، ما كان ياكل اي شي غيره

1- اشتري الحب الشمسي الهولندي المخلوط مه فواكه مجففه وحبوب وامور اخرى وعوديه عليها لمده شهر
2- بعد ان بدا ينوع في اكله من المخلط لاحظي الأطعمه غير الحب الشمسي التي اكلها ... واعزليها مع القليل من انواع الفواكه او الخضار وضعيها له...
3- بعد فتره جربي تحطي الخضار او الفواكه لحالها ... وانشالله بياكلها
4- بعدين نوعيلو مره شمسي مره فواكه .....ما شاء الله عليك يا هاوي، كفيت ووفيت، بس بضيف من عندي صورة لأكل طيري الحالي :o

http://www.pusup.com/up/get-11-2008-1jje9w2r.jpg

سعره، الكيلو بسبع ريالات فقط :p

اللي عملته معاه اني ما قمت اعطيه السرلاك الا مرة باليوم بس..
بعد كذا احبسه في القفص وقت اللي يبين انه جوعان..
طبعا بالبداية ينقي اللي يحبه من الحب، بس مع الوقت، والجوع كافر :D، يضطر ياكل باقي الأكل الموجود، خاصة اني ما قمت اغيره الا لما يخلص على الباقي منه، والحمدلله خلال 3 ايام فقط تعلم ياكل باقي انواع الحبوب، ما عدا الموز المجفف والذرة لأنهم يابسين مثل الحجر، وماهي مشكلة لأنه بعده صغير عليهم :p

[عاشق وتر]

بتوفيق لكم جميعاً أن شاء الله

وهذ المشكلة مرة على الكل مش بس أنتي

والأعضاء ردو بحلول جداً حلوة

[عاشق وتر]

أبو دانيال من وين تشتري هذا الاكل ؟؟؟؟

لانك تقول شارية بـ 7 ريال وأنت في البحرين ......

[الببغاء الافريقي]

من ناحية التفاح اذا عطيت الببغاء قطعه كبيره يقطع ويرمي منها اما اذا عطينه قطعه بحجم رجله تقريبًا او اصغر يقرضه قرض اما اذا صار تفاحه كامله عنده يصير مسرف ما يعرف يقتصد بس لو يدري عن الازمه الاقتصاديه كان ما رهمها ههههههههه

[hawi56]

اول شي اشكر الأخ ابو دانيال.... وراح ارجع اعقب على كالامو..

احب اشكر الببغاء الأفريقي على المعلومه الي كنت ناسي اقولها وهو سبب كلامي انو اديه ربع تفاحه هو انو يقدر يمسكها برجلو وياكلها .

اخوي مصعب بالنسبه لسؤالك عن مركز الفيفا فأقلك لا تشتري من عندهم حراميه مره غاليين....

في اماكن تانيه كتير ,,, والصوره الي حطها ابو دانيال هي بالضبت المشكل الهولندي ولاكن سعر الكيلو فجده تقريبا 20 ريال يزيد وينقص حسب المحل...

بالنسبه لجده
في محلات في كيلو 2 وافضلهم الهدهد...
وفي محلات على كبري المينا كأنك طالع مكه قبل الإستاد تحصل لوحه مدري ايش الإتصالات تنزل معاها وتروح يمين هناك محلات مره كتير واسعارا رخيصه.


بالنسبه لمكه: في محلات في الأبواب
وفي محلات قريب سوق الجمعه
وفي محل في العزيزيه عند مكدونالدز ومحل في العوالي تعدي بن داود على يمينك وتمشي حوالي 250 متر تحصلو على اليسار

بالنسبه للمدينه:
تتركز المحلات في قربان عدد 4 محلات.
وعندك فسوق الطيور الي خلف سوق الخضار المعروف ... هناك رخيص


باقي مدن المملكه ما ادري عنها.

واسف على الإطاله



وبالنسبه لتقبل الطير هادي ترجع للمربي وللطير نفسو .. وانا سارتلي قصه مع طير شيبني في الترويض انشالله لا فضيت بنزل قصتي معاه

[عسولي]

اخواني الاعزاء

الكاسيكو يكتفي بهذه الطريقة بالاكل يعني هو مش مثلنا الا يخلصها بالكامل

وبالنسبة للاكل الرمان ، الفلفل الحو ، القرع ، الذرة الطازجه وهذي يفضلها ويموووووت عليها بس بيخاف منها اول مره بعدين بيدمن عليها

تحياتي للجميع

[hawi56]

سولي صحيح كلامك لمن تحطلو تفاحه كامله معنا انو يقطعها ويرميها هو بياكل بس مو قادر يتحكم بالتفاحه...

عكس لما يكون ماسكها برجلو باكل الوصله كامله لانو متمكن منها

وبالنسبه لأشياء الي يدمنها الطير فهي تختلف من طير لآخر.

[كاسكوكيه]

^________________^ انا ما احط له تفاحه كامله مسكين ما بيقدر عليها :D

اقطعها له قطعه قطعه و كل مره اجرب مع جزء منها.. و غير جيه اقطعها مكعبات صغيره مع مجموعه مختلفه من الفواكه الثانيه اسوي له سلطة مشكله :D

خلاص انا بجوف شو اقدر انفذ من الحلول السابقة الذكر :D

[ابو دانيال]

أبو دانيال من وين تشتري هذا الاكل ؟؟؟؟من البحرين، أغلب محلات الطيور تبيعه..
لانك تقول شارية بـ 7 ريال وأنت في البحرين ......خليته بالريال تسهيلا على الأعضاء، خفت ما يعرفو ايش معنى 700 فلس :D

[moussab]

مشكور أخوى hawi

تصدق نفس الكلام إلى قلته قالى عليه صاحبى إنهم نصابين وأسعارهم فوق على الفاضى :eek:
الضاهر بروح للمحلات إلى قلتلى عليها وأريح راسى :rolleyes:
مشكور أخوى وما قصرت وأسف إذا كنت أزعجتك تقبل خالص تحياتى
اخوك مصعب :D