سااااااااعدوني

[سموكي الشيرازي]

انا قطوي عمره سبع شهور تقريبا قبل فتره بدأ يتساقه شعره هو شيرازي مون فيس يعني شعره كثيف اللحين صار كانه عادي
المهم اللحين واحد من اخوياي عنده اخته من بطن واحد يعني نفس العمر هو سافر وعطاني قطوته

قلنا فرصه يتزاوجون ويرجع قطوي مثل ما كان ونخليه يوسع صدره لكن طلعت علينا اكثر من بيع السوق

اولا قطوي ما عنده سالفه بس يلحس فيها وهي تعطيه كفوف على وجهه وينحاش
والاهم والمهم قطوه الرجال ما تاكل ولا شي له اللحين يوم تقريبا ما كلت ولا شي انا خاااايف ومتوهق فيا

ابي حل اخليهم يتزاوجون وحل اخلي القطوه تااااكل لا تموت علي

[عاشق الكلاب]

السلاااام اخوي سموكي الشيرازي

اول شي عن القطو مالك لازم يطيح ريشه كل القطط يتصاقط ريشه كلها اسابيع ويرجع ريش
قطتك وعن قطت الرجال لئنه اول يوم تجوف البيت لا زم شوي شوي وتتعود عليك وشرررر ااص

[سموكي الشيرازي]

يعني ما يصير شي لقطو الرجال له يوم كامل ما كل شي

وش لووووون اخليهم يتزاوجون

[عاشق الكلاب]

اتن خلهم في حجره بروحهم او يتزاوجون انشاله

[سموكي الشيرازي]

ما يصلح اشوف والا ما يتزاوجون قدامي


سؤال مهم كيف اعرف ان قطوي تزاوج يعني راح يرجع لوضعه الطبيعي من الشعر لان شعره قل كثير ومن زمان يعني له شهر وشكله صاير غبي

[الاربش]

بالنسبه للأكل لا تخاف عليها لانها مستنكره المكان

اما التزاوج هذه الشغله مو بيدك انت ... التزاوج يأتي من الانثي وهي موسميه وغالبا ما تتزاوج القطط شتاء ... وهي رائحه تخرج من القطه يشمها الذكر ومنها تتم عمليه التزاوج بينهما

وبخصوص تصاقط الشعر من المحتمل ان يجب عليك تغيير الطعام او ارساله للبيطري للكشف عليه وربما نقص فيتامينات
والله اعلم

[سموكي الشيرازي]

وبخصوص تصاقط الشعر من المحتمل ان يجب عليك
تغيير الطعام ..... اخوي هو ما ياكل الا الطعام المخصص للقطط اشتريه من المحلات المخصصه
او ارساله للبيطري للكشف عليه........ وديته البيطري وطعمته وقالي فتره تزاوج
وربما نقص فيتامينات ........ ايش الحل يعني ايش اعطيه عشان يرجع مثل اول


مشكور يالغالي

[فطوم]

بس حبيت اوضح شغله لاخوي عاشق الكلاب اسمه شعر القطه وليس ريشها

[قطو_Q8te]

ههههههههههههههههههه فطوم :)
خوي سموكي..
يما صاارت ويا بسبوس حبيبي
ايي يبي يتزوج مع اتواد تكفخه بايدها وتهرب واهو يللحقها ويلحسها اوقات
عملية اللحس هي مثل عملية جذب لها واغرائها لوولـ ! فماعليك خلهم عادي
وتو الناس عليهم يبيلهم تقريبا اسبوع يتعرفون على بعض
واعراض انتهاء عملية التزاوج انه القطه النثيه رح تتلوا وتلحس فتحة اخراجها كثير والذكر يلحقها
واعراض الحمل بتشوف الحلمات كبرو وصارو ورديين حيل هذا غير الاستفراغ " بترجع من فمها " واسهال ببعض الاحيان

اما طريقة انهم يتزوجون انت امسح على جسم الذكر بعدين امسح على النثيه وانشالله يتزوجون
وطريقة الاكل يمكن اهي متعوده على اكل انت ماعندك ياه فترفض تاكل
ياريت تسئل رفيجك شنو كان يوكلها واكيد رح تاكل :)
او اطيب اكله يموتون عليها القطاوه
شرائح مرتديلا يفضل بقر او دجاج

ننتظر النتائج

[سموكي الشيرازي]

الحمد لله الان تأقلموا مع بعض وصار اوكي قدر يقنعها الذيب
ههههههههه

بس سؤال
شوفوا بالتوقيع حقي سموكي واخته طبعا واضح الفرق في كثافة الشعر رقم انهم من بطن واحد
هل بعد عمليه التزاوج سموكي يكثر شعره مثل جولي

[قطو_Q8te]

اخوان !!!!
غلطان اخوي ليش زوجتهم من بعض؟
اذا من بطن واحد اليهال رح يكون فيهم تشوه واغلبيتهم يموتون !!

هذا موضوع بهالخصوصـ !


س،.-هل من الممكن تزويج القطط ((الاخوان)) مع بعض؟

ج
من الممكن طبعاً ولكن النسل سيكون ضعيفاً وسيكون من الوارد جداً وجود تشوهات كالعمى أو الصمم فى المواليد
هذا إذا لم تلدهم الام أمواتاً من الأساس ...
تخيلوا أن هناك عائلة ما لا يتزوج أفرادها سوى من بعضهم البعض ولا يتزوجون من خارج العائلة أبداً ، من المؤكد أن إحتمال اصابة المواليد لديهم بالتشوهات الخلقية سيكون وارداً جداً !


وتأكيداً على صحة هذه النظرية ...

التكمله في الرابط.
http://www.2zoo.com/vb/showthread.php?t=5297

[قطو_Q8te]

بخصوص انه شعره يطيح
في اسباب لذلك
اذا كان وايد يطيح ففيه دود لازم تاخذه البيطري ويعطيك نفس هالدوا :
http://www.q8boy.com/uploads/98fe947d52.jpg (http://www.q8boy.com)

اذا كان خفيف يعني
1- بسبب تغير االجو
2-تغير البيئه اذا غير مكانه
3-الزواج
4-نوع الاكل تغير او مايحبه

بخصوص الزواج بعد مايتزوج شعره يرد طبيعي لااتخاف

[ابووو^القطاوة]

اهلين اخي العزيز ....
اول شي حبيت اقولك عن تساقط الشعر مال عتوييك
ترا شي عادي ووطبيعي جدا من الصورة يبين انة القطو شكلة طبيعي الحمدللة ومافي شي
وعلى فكرة القطو واهو صغير شعرة يكون اكثف وايد وكل ما يكبر يصير انعم ويقل شوي هذا عادي
والذكر مالك مو شرط يكون مثل الانثى بالشعر لانة يمكن الابو والام مو نفس الشي.

وسالفة انة الانثى ما تاكل شي هذا شي طبيعي لانها غيرت المكان واهي شوي خايفة ومو متعودة و صدقني بس تاخذ ع المكان وترتاح راح تنفتح شهيتها.

اما عن التزاوج فالانثى تبلغ السن الملائم للانجاب في عمر من 6 شهور الي 12 شهر تقريبا.
اما الذكر فبلوغة بعد الانثى عادتة بشهر او اثنين.

وعندي لك نصيحة صغيرة لا تخليهم يتزاوجون مو زين لانهم خوان وخصوصا من بطن واحد
وهذا ترا يسبب مشاكل وايد خصوصا عند الولادة مثل التشوة او موت القطط الصغير اول ماتولد او بعد ايام او انها تعيش بس مو طبيعية تكون مريضة فانت لا تحط روحك بهالمجال و اشتر لة نثيا غير .
;) شكرا