التنويع الغذائي للرمادي؟

[هاوي رمادي]

السلام عليكم

كيف اقدر انوع الغذاء للرمادي؟؟

انا تعبت معاه ومنعت عنه الشمسي والفول السوداني وحطيت له فواكه وخضار بس مو راضي ياكلها ورجعت عطيته شمسي لاني خفت انه يموت لانه ماياكل غيرها.

عطوني الحل الله يعطيكم العافية.


ثانيا استفسار اخر....
الرمادي مايخاف في البيت الا مني بس وباقي الاهل عادي مايهرب منهم.
للمعلومية انا اللي ااكل بيدي دايم.
وش تتوقعون مع العلم اني لاسخدم القسوة معاه ودايم اضحك معاه ولا يمكن وجهي مايأهل؟؟

[انا و سمسم]

اخوي طريقتي انا في تقديم الاكل لهم وهي قريت عنها :cool:
حط الاكل العادي حقه الصبح الين الظهر تقريبا
بعدها شيل الاكل حقه وحط بداله خضار وفواكه
واذا جا الليل يعني حول الساعه 7 شيل الخضار
وحط مكانه الاكل الطبيعي حقه

وفي طريقه ثانيه انك تخلي الاكل حقه جوا القفص
وتحط زياده جنبه علبة اكل مليانه خضار وفواكه مع وجود علبه الاكل
العاديه جنبها :D

بينما الاستفسار حقك اخوي حاول انك تحطه في غرفه تقعد فيها
انت كثييييير بس اغلب الاحيان ما يكون معك احد عشان يتعود عليك
بس وبعتبرك صدديقة في الغرفه لانها طيور اجتماعيه وبعدين اذا تعود
عليك حاول انك تقدمه لافراد الاسره الثانين :D

[هاوي رمادي]

ماقصرت يالغالي واشكرك على حرصك بالرد على السؤال ,
نخدمك في الافراح ان شاءالله.

[TOP-GUY]

سلامفيه طريقة ذكرها أحد الأخوان بالمنتدى وأعتقد انها جيدة, واللي هي انك تحط شوية عصير تفاح على البذور (طبعا عصير تفاح معمول في البيت)لمن ياكل الحبوب بيتذوق طعم التفاح معاها وان شاء الله يحبه وخليك على هذي الطريقة فترة بعدين حط له قطع (شقف) تفاح صغيرة مع الحبوب ونامل بكذا انه يبدا يتلقف ويتحسس ايش القطع هذي ويبدا ياكل منها وعطنا خبر وايش ضار معكوبالنسبة لخوفه منك دون أفراد العائلة, فالسبب والله أعلم منك انت, راجع نفسك وشف وايش سويت من قبل ما يخاف منك, فلهذي عدة أسباب:- قد تكون لابس شي مو عاجبه كاللون الأحمر, ووردني من شخص ان طيره كان يزعق منه لمن يقرب منه لكن اكتشف بعد فترة انه كان يلبس فنيلة حمرا.- قد يكون غيرت من هيئتك, مثلا ربيت لحية, أو حلقتها أو الشنب حفيته مرة وحدة أو ربيته أو شعر راسك أو أو أو أو.....الببغاء -عموما- لازم تمشي على مزاجه ياحبيبي عشان ما يزعق عليك أو يخاف منك, تصدق انه ممكن يتاثر إيجابا أول سلبا بسبب مثلا التغيير من أثاث البيت أو تغيير مكان وجود القفص الللي هو فيه؟!؟!؟!؟!؟صدق أو لاتصدق..

[هاوي رمادي]

يسلمووووو ياعسل على هالنصائح وبالنسبة لي انا انسان مافيه بدل تجي مقاسي يعني لا احمر ولا اخضر كل اللي البسه ثوب ابيض وثوب النوم............... وانا معاك يمكن خايف مني من ناحية الشعر لاني كل مابي اقول ابحلق اقول خله بكرة لكن ابشرك اليوم شلت الشوشة اللي في راسي وابشوف وش نهايتها مع ابوالشباب يمكن يبيني اسوي ريجيم؟؟؟

على العموم يعطيك الف عافيه على هالمعلومات.

[الرحال2222]

الحمدللة اللي عندي مقبرة ما ترد ميت
ياكل اي شي
بس لاحظت علية شي بالذات التفاح قبل ما اعطية اكل منها قظمة صغيرة واعطية بيدي
وبعدها ياكلها واستمر الى ان ينهي القطعة ممكن تنفعك جرب منت خسران شي

[هاوي رمادي]

فكرة حلو يالرحال بس المشكلة ان الطير اللي عندي مو طايق شوفتي وشلون بياكل من بعدي :)