باركوا لي يا شباب شريت كوكاتيل ( بس فية مشكلة )

[عاشق وتر]

بسم الله الرحمن الرحيم

السلام عليكم ورحمة الله وبركاتة

الحمد لله ربي وفقني وشريت كروان عمره ثلاث شهور ألى أربع شهور تقريباً لونه أصفر يميل للأبيض
ألي باعني الطير يقول أنة ذكر بس أنا أشك في ذالك اتوقع أنه أنثى مدري لية
أنا اخذتة لأنة كان كثير حركة بعكس البقية ألي معه في القفص وعجبني لونة كثير


المهم انا ماني عارف كيف أتصرف معه أهو مايعض بس دايم يحاول ينحاش ويخاف مني

والمشكلة لين الحين ما أكل شي من أمس الصباح وش الحل ؟؟؟؟

شباب أنتم كيف تنصحوني أتعامل معه يعني كيف أخلية يتوالف معي
مع العلم أني اول مرة أتعامل مع كوكاتيل


في أنتظار مساعدتكم ولو بلقليل

[البطريقه]

مبروك الف مليون مبروك
بتربى بعزك

[% مــجـــروح %]

مبروووووووووووووك...

يارب تفرح بهم ويونسوك كل ساعة وكل دقيقة ...

يتربوا بعزك...

[عاشق وتر]

مبروك الف مليون مبروك
بتربى بعزك

الله يبارك في عمرك أن شاء الله

يعطيك الصحة والعافية على مرورك الطيب


والله مدري لية يا البطريقة من أقراء أسمك تجيني الضحكة هههه ماني عارف لية:p ....:p

[عاشق وتر]

مبروووووووووووووك...

يارب تفرح بهم ويونسوك كل ساعة وكل دقيقة ...

يتربوا بعزك...

الله يبارك فيك أن شاء الله
ربي يسلكم يا الغالي

أنا الحين غرفتي فيها كوكاتيل ودرة وطبعاً شيخهم البلبول وأن شاء الله في أزدياد

مشكور على مرورك الطيب

على فكرة توقيعك هذا أحلا من توقيعك القديم

[عاشق وتر]

وينكم ياشباب أبي مساعدتكم في أسرع وقت

الطير ما أكل لين الحين ويش أسوي معه

وأنا ماني عارف كيف اتعامل معه
هل ادربة زي الببغاوات أو أني أعاملة كالطيور المغردة الصغيرة

تكفون رد بسيط يساعدني

[diiie_hard]

اولا اتركة لمده اسبوع او اتنين في مكانة ولا تحاول تشاغبه الان

وقدم له الاكل واتركه وهو سوف ياكل ممكن بعد يوم او اتنين علشان تغيير المكان

بعد اسبوع او اتنين هياخد عليك وانت بتحطله الاكل علي طول

ممكن بعد كده تحاول ان تضع الاكل مرة في ايديك وانت بتطعمه وهكذا لحد ما يقف علي ايديك

وممكن بقي تدربه علي اي حاجة انت عايزها

يارب اكون افدتك ولو بالقليل

تحياااااااتي

[عاشق وتر]

مرحبا فيك يا كابتن

يعني تقريباً تربيتة مثل ببغاء الدرة صح أو لا ؟؟؟

على العموم انا بسوي الي قلته وأن شاء الله بنشب مرة ثانية بعد أسبوع

يعطيك العافية يا diiie_hard
وألف شكر لك على مرورك

[عاشق وتر]

على فكرة تغريد طيرك حلو مرة
بس ما كأن القفص صغير على جوز ؟؟؟؟؟

[the-gray]

بالنسبه للأكل
طبيعي لأن اللي عندي قعد يومين ما أكل إلا قليل جدا جدا
بس تأكد انه مفطوم يأكل من نفسه

التدريب زي الببغاوات
بس اصبر عليه اسبوع اسبوعين إلى ان يتعود على المكان

وإن شاء الله يكون ذكر
وإن شاء الله تنبسط من تغريده ومن شكله لأنه من اجمل الطيور


معليش عندي سؤال خارجي
بالنسبه للبلبل هل يغرد ؟
وتدريبه سهل ؟

لأن ابى اشتري واحد ابيض الخدين

وشكرا

[عاشق وتر]

أنا ماشريته ألا يوم شفته ياكل قدامي
بس ابشرك من قبل ساعتين أكل قدامي وشرب ماء كمان

بما أنا التدريب زي الببغاوات أن شاء الله الأمور سهلات لان خبرتي حلوة في هذا المجال

بس لية أنت قلت أن شاء الله يكون ذكر ؟؟؟؟

أتفق معك أنه من أجمل الطيور شكلة تمام وألوانه حلوة مرة وتغريدة أحلا

بنسبة للبلبول فا تغريدة حلو خاصتاً أذا كان معه طير ثاني يتعلم منه ويتنافس معه في التغريد
أما بنسبة لتدريب والله ماعندي علم لأني شريته من حوالي ثلاث سنوات وكان مدرب يعني مش انا ألي دربتة

بس الي اعرفة أن تدريبة أسهل بكثير من الببغاء أذا كان فرخ وأذا كان انت الي مأكلة وأهو صغير
بتوفيق لك وانا أشوف أن الطيور ألي عندي شيخهم البلبول يمكن لانه الأقدم معي

الشكر لك على مرورك

[المري1]

هلا عاشق وتر

شتسوي هنا

لايكون مضيع الطريق


لا لا الظاهر انك تجرب طريق ثاني


عموما الله يوفقك وتستاهل كل خير

وعطنا كيف تفاعل الببغاء مع الكروان

عشان اذا كان الوضع زين شكلي انا بسويها بعد وبشتري كروان

بس انت درة وكروان وانا كاسكو وكروان يعني يمكن التجربة تكون مثل بعض ويمكن تختلف

عموما ننتظر اخبارك

وسلامي لك

[the-gray]

انا اللي اعرفه انه يغرد
البائع قال لي ما يغرد !!!!
خله يتنافس هو الكروان

انت قلت تشك انه انثى
انا قلت إن شاء الله يكون ذكر
علشان الذكر يغرد وتستمتع به
اما الأنثى تصفر

الله يحفظلك طيورك

وشكرا على ردك لأسئلتي

[عاشق وتر]

هلا عاشق وتر
شتسوي هنا
لايكون مضيع الطريق
لا لا الظاهر انك تجرب طريق ثاني
عموما الله يوفقك وتستاهل كل خير
وعطنا كيف تفاعل الببغاء مع الكروان
عشان اذا كان الوضع زين شكلي انا بسويها بعد وبشتري كروان
بس انت درة وكروان وانا كاسكو وكروان يعني يمكن التجربة تكون مثل بعض ويمكن تختلف
عموما ننتظر اخبارك
وسلامي لك

وعليكـــــــــــــــــــــ السلام ورحمة الله وبركاتة ـــــــــــــــــــــــم

ياهلا بيك يا المري والله قلت أجرب طريق ثاني هههه
على فكرة انا شريته الخميس الصباح يعني ماطول معي
لين الحين ماصار شي بينهم بس يوم الخميس العصر قبل أذان المغرب بشوي
كنت نايم ماخذ قيلولة خخخخخ المهم أشوي وأسمع صوت صرخة وأقوم فازع من النوم شسالفة
يوم طالعت قفص الدرة شفته فاضي ولقيته في قفص الكروان مسوي مداهمة الحبيب ههههههه
وجالس يتحرش على الكروان والحمد لله جات سليمة بس عضة وحدة في ذيل الكروان زين اني لحقت عليهم قبل الهوشه القوية


ألأي انا مستغرب منه كيف وصل الببغاء للكروان وأهو مايطير مقصوص جناحة والمسافة بينهم مترين تقريباً :eek:

الله يوفق الجميع أن شاء الله
والله أنك تستاهل الطيب وأن شاء الله أبلغكم في الجديد ....
يعطيك العافية على مرورك يا المري

[عاشق وتر]

انا اللي اعرفه انه يغرد
البائع قال لي ما يغرد !!!!
خله يتنافس هو الكروان
انت قلت تشك انه انثى
انا قلت إن شاء الله يكون ذكر
علشان الذكر يغرد وتستمتع به
اما الأنثى تصفر
الله يحفظلك طيورك
وشكرا على ردك لأسئلتي

أجل أن شاء الله يكون ذكر بس كيف اعرف لأني قريت المواضيع المثبة عن معرفة جنسة
ولا فهمت شي منها ...

يعطيك الصحة والعافية وأنا حاظر لأي سؤال تبية ...

[بيديك]

مبروك يربا بعزك انشاء لله

[عاشق وتر]

الله يبارك فيك

[faisalro000ck]

هلا والله اخوي شوف اول شي خليه يتعود علا المكان بعدين حاول تأكله من يدك بعدين طلعه من القفص بس لازم تكون قاص جناحينه وحاول تطلعه علا يدك بعدين بيتعود ويغرد ويزعجك:D

[Moz3ej]

^
فيصل ليتك شفت تاريخ الموضوع قبل ماترد :D

[عاشق وتر]

ههههههههههههههههههههههههههههههههههه

خله ياخذ راحتة

[Cocktail Bird]

اخوي الكوكتيل او ل شيء خليه يتعود ع المكان

انا عندي 2 ذكر وانثى عمرهم 3 شهور اول ما جبتهم ما كانوا ياكلون ولا يشربون

حتى ما يتحركون من مكانهم كل ما حاولت اقرب منهم يخافون

لكن لا تقرب منهم لمدة اسبوع او اسبوعين عقب يتعودون ع المكان

اما اذا تبي تاكله من يدك..

تجوعه .. لين ما تشوف حوصلته فاضية..

تطلعه من القفص تاكد ان قصيت جناحه علشان ما يطير

واغلق الابواب والدرايش..

وحط اكل في يدك وقربه منك يمكن اول شيء يعضك علشان اغلب طيور الكوكتيل يستعملون فمهم وارجلهم للتعلق في شيء والتأكد من ان هو امن..

ومرة ومرتين لا تيأس راح ياكل من يدك ويعلب معاك بدون ما يعضك..

:)