عندي ببغاء ماعرف نوعه ارجو المساعده

[قلب الماس]

خذت ببغاء جديد
فيه كل الحالات :D العصبيه
والتوتر النفسي
:rolleyes:
لنه ريشه منتف
اغلب جسمه الراس واغلب الراس المنقار
شكله عجيب
والحمدلله انه مايعض ومايخاف وياكل من اليد :D يقولون افريقي
حجمه بحجم الكاسكو :rolleyes:
يالله فكرو وياي
حاولو تعرفون لي نوعه
وشكرا الكم مقدما
http://www.9oorty.com/uploads/5767ddbd4c.jpg (http://www.9oorty.com/)

[FAWAZ]

على البركه الطير الجديد ياقلب .... وهذا ما هو افريقي ولله العالم انه سنغالي بس تقولين بحجم الكاسكو غريبه !!!!

[قلب الماس]

شكرا اخوي فواز على الرد والله يبارك في حياتك
بالفعل وانا اقول يشبه من يشبه
تقدر تقول نسخه مكبره عن السنغالي
وهذي صور تبين فرق الحجم
لنه السنغالي اصغر من الدره المطوقه
http://www.9oorty.com/uploads/ac23b5b4a4.jpg (http://www.9oorty.com/)
http://www.9oorty.com/uploads/6bef7b592c.jpg (http://www.9oorty.com/)
ماقدرت اصوره مع الكاسكو لنها خافت منه بعتباره طير جديد بينهم وانا حطيته قربهم بس عشان اصوره ويبين الفرق لني احب اعزل الطيرالجديد لمدة شهر اقلها عن باقي الطيور:D
ممممممم الببغاء المجهوله لول يمكن شكلها يطلع احلا من الحين لنه ملعوب فيها لعب لاذيل او جناح قاصينه قص ان احسبت انه ينتف ريشه الحين وانا اصور لاحظت انه مقصوص اما الذيل الله اعلم :D

[بو ناصر]

السلام عليكم
اتوقع اختي انه يكون

Jardine parrot
http://www.eqtri.com/up-pic/uploads/86aa665099.jpg (http://www.eqtri.com/up-pic)

[تو zoo]

لوووووووووول صج الطائر المجهول
مبروك اختي قلب على الطائر المجهول
وان شاء الله يطلع من الطيور النادرة :D ههههههههه
ويلة يا خبراء نبي نعرف نوعة ما يصير يبقى مجهول الهوية
وبتوفيق

[بو ناصر]

واخيرا

CAPE PARROT


http://www.eqtri.com/up-pic/uploads/c8135c7a2b.jpg (http://www.eqtri.com/up-pic)

http://www.eqtri.com/up-pic/uploads/01a95d5154.jpg (http://www.eqtri.com/up-pic)

http://www.eqtri.com/up-pic/uploads/bc8248f625.jpg (http://www.eqtri.com/up-pic)

http://www.eqtri.com/up-pic/uploads/7240197094.jpg (http://www.eqtri.com/up-pic)

http://www.eqtri.com/up-pic/uploads/9cbb2c922e.jpg (http://www.eqtri.com/up-pic)

ها بشري ياقلب الماس هو ولا لأ

[تو zoo]

وااااااااااااااااو
ما شاء الله
صور حلوة واتوقع انة نفسة :)
الطائر المجهول = Cape Parrot
لووووووووووووووووووووووووووووووول

[قلب الماس]

ماشاء الله عليكم
شكراااااااااا لك اخ خالد ماقصرت
:) واخيرا عرفت نوعها وقرأت عنها اكتشفت انها من الانواع المهدده بالانقراض ويوجد منها القليل بس
غريب امر اسواقنا ههههه شلون يوصلون الطيور طالما هيه نادره
:d والشي الحلو انهم موعارفين قيمه الطير

[فطوم]

الف مبروك عالطييييييييير قلب الماس ويتربى بعزج وتلقينله عروس وتفرخينهم ويحطونج بالتلفزيون انج انقذتي السلاله من الانقراض :)

[ابوفيصل]

http://www.craigharris.org/parrot/amazona/amazona42.jpg
وهذا موقع خاص فيه
http://www.craigharris.org/parrot/index2.html
ويفرخونه في مزارع في جنوب افريقيا ولاهو معرض للانقراض ولاهم يحزنون
موجود بس بكميات محدودة وهنا وهناك
بس الطير حلو ويطلع منها هالنوع احيانا طير متكلم جيدجدا
مقطع كلام http://www.craigharris.org/parrot/images/yummyyummy.avi
يسلم على صاحبه وقاله وش اللي معي قاله يامي يامي يعني مويه ههههههها:D
مقطع ثاني http://www.craigharris.org/parrot/images/thorsbox.avi
مقطع ثالث http://www.craigharris.org/parrot/images/thorbyebye.avi
مقطع رابع http://www.craigharris.org/parrot/images/thorscratch.avi
مقطع خامس ولاتدرون يكفي:D
واللي يبي صور بالهبل وبعدين بعد اذنك ياقلب الماس بحطه موضوع مستقل عشان كل واحد يستفيد
http://www.craigharris.org/parrot/pictures_thor.html

[addiction]

الله الله مشاء الله شكله روعه الف الف مبرووك حبيبي

[fan]

الف مبروك عليش الطير الجديد
حافظي عليه......... يتربى في عزك
لكن ياليت تقولين لنا مميزاته اكثر

[قلب الماس]

الله يبارك في حياتكم وتسلمون على الرد
بنسبه للحين ماعرف شي عنه اقصد مميزاته
غير انه يحتاج له وقت لين مايدرب ويرد ريشه ويصير حلو
ممم بنسبه انه نادر انا هلي فهمته من الكلام المكتوب فالموقع اي يوجد بقله في البريه وفالاسر:)
بنسبه للسعر لني شفت مكتوب انه ينعرض برياض ب800 او900
انا خذته رخيص الجوز ب500 درهم ذكر وانثى
وبتكون اول محاوله لي اني اول شي اخليهم يردون لحالتهم الطبيعيه وبعدين للانتاج :d ادري خطوه كبيره ولكن مع مساعدتكم لي بإذن الله ثم خبراتكم كل شي يصير ممكن

[ابوفيصل]

بالتوفيق عزيزتي ولاتخلينا من الفروخ

[عاشق الهامستر]

:D الله الله مشاء الله شكله روعه الف الف مبرووك :D :D :D

[عاشق الكاسكو]

هلا والله اختي / قلب الماس

مبروك الطائر المجهول وان شاء الله شوفين عياله

ولو سمحتي ارشديني من وين شارتنه الانه انا عضو جديد في هذا المنتدي المتميز

[قلب الماس]

شكرا الكم على ردودكم والله يبارك في حياتكم
عاشق الكاسكو الببغاء اخذته من سوق الحمام بشارقه محل رقم 5
ممممممم كوكو انا اخاف اشيله عندي الخدامه اثيوبيه تشيله ماتخاف منه وقلت الها دربيه لو تقدرين ولج مكافأه لول وشكلها مشجعه والحين يجي على ايدها يوم تريد تشيله

http://www.9oorty.com/uploads2/1160557157.jpg (http://www.9oorty.com/)

[طلالو]

الف مبروك عالطييييييييير قلب الماس ويتربى بعزج وتلقينله عروس وتفرخينهم ويحطونج بالتلفزيون انج انقذتي السلاله من الانقراض

[قلب الماس]

الله يبارك في حياتك طلالوووووو
ماسكيني على كلمة الانقراض هههههههههههههه
احب التحدي واتمنى الله يوفقني واقدر اعتني بهم بالطريقه الصحيحه :*_*: يبي الهم اول شي علاج نفسي مكثف خخخ لول يا تشوفونهم بدون ريش او بإذن الله يتعافون ...

[رعوود]

الف الف الف مبروك
يا قلب ماس على الطير المجهول والمهدد بالانقراض

وعقبال ما تكونين من اشهر من يفرخون هذا النوع وغيره

[عاشق الكاسكو]

السلامـ عليكمـ ورحمه الله وبركاته

أما بعد

فلقد ذهب الي سوق الحمام وبحثت عن هذا الطائر فلم اجد شي يشبهه

وان سوق الحمام لا يوجد واذا تعرفين محل غيره ارشديني عليه

اخوكمـ عاشق الكاسكو

[قلب الماس]

وعليكم السلام ورحمة الله
مرحبا بك اخوي الظاهر خلصن من السوق الشارجه لكن بسألك لو فيه في سوق ابوظبي او بمحل كناري بدبي
لني شفت منهم عنده قبل بس اغلا لنه لي عنده كانن محجلات وباوراق