لأهل البحرين.....!!

[ملك الكاسيكو]

السلام عليكم ورحمة الله وبركاته

اريد ان اسال الاخوة في البحرين... وين أحصل ستاند للكاسيكو مثل او يشابه هذه الصورة


http://www.pusup.com/uploads/dd3dac7577.jpg

أعتقد أن الستاند افضل للكاسيكو من القفص..

اتمنى من الاخوة افادتنا


مع جزيل الشكر

[بوسارة]

ان شاءالله يردون عليك اخوانه في دولة البحرين ويفيدونك

[ملك الكاسيكو]

شكرا اخي على مرورك...

وننتظر رد الاخوة

[parro0ts]

انا كان عندي مثله و للحين عندي ما استخدمه و اعرف وايد محلات ايبوعون فيها مثله بس المشكله انا مب من البحرين :(

[hawi56]

اخوي فكرة الستاند بسيطه بإمكانك تسويها بنفسك في البيت

القاعده تجيب مركن زرع وتعبيه اسمنت وتحط فيه العامود المحوري من الخشب بطول ما يقارب متر وربع الى متر ونص ..وتجيب تبسي بلاستيك وتخرمو من النص وتسقطو في العمود وتغريه بالسليكون

بعدين تجيب خشبه بالعرض وتغريها وتسمرها في العمود المركزي بطول يقارب النص متر او متر ألا

وصحون الاكل هي الستانلستيل الي تنباع حقت الشربه يا تغريها يا تخرمه وتخرم محلها في الخشبه وتركب صواميل تمسكها....

الشكله كلها تاخد نص ساعه ومبلغ 40 ريال تقريبا .(حسب نوعيه الخشب والمواد)

[طلوبه]

روعه بس هل ممكن النجار يسويلي ؟؟؟... أنا من الامارات؟؟؟؟؟؟

[محب السمك]

اخوي تحصل في جد علي عند عرش الطيور و عند دريم لانداللي في محرق او جدعلي

وسوق المقاصيص وانشاء الله ماقصرت وياك

[الجناحي 10]

مبرووووووووووووووووووووووووك ردو عليك
وانت ماشكرتهم افا عليك بس

[لوتيه]

طلوبه الاستاند ينباع فالميناء اذا كنتي من بوظبي
و تحصلينه بعد عند محلات الحيوانات

[رحمه من المولى]

أنا عندي واحد يشبه هذا للمكاو تبعي بس المشكله أنا موب من البحرين ..

تحيااااااتي ..

[ملك الكاسيكو]

شكرا جزيلا على هذا التجاوب ..

ايضا سمعت عن محل اسمه Pet Shop في منطقة السنابس يبيع طيور الزينة واكسسواراتهم ..


راح اسال عند المحلات الي ذكروها الاخوة .. وان شاء الله احصل عندهم .. لانه وقفة الكاسيكو على القفص كلش ماتعجبني ..يخلي الستاند الي في القفص ويوقف على القفص نفسه :confused:

اخوي الجناحي 10 ..الله يبارك فيك ..الاخوة مب مستعجلين على الرد هلكثر:p


وشكرا مرة اخرى على الافادة:)