وش الدواء اللى يوقف الاسهال للرمادي

[نوماس]

:confused: اخواني السلام عليكم حقيقة ردودكم السريعة تغريني بالمشاركة مع أني كسول في المنتديات بس انتم شجعتونا على المشاركة سؤالي:
وش الدواء أو الأكل اللى يوقف الإسهال عن الرمادي وكذلك وش الأكل اللى يجيب الإسهال له؟؟

[فطوم]

والله انا ماعندي خبره اتمنى الخبراء يجاوبونك لكن من تجاربي مع الرمادي فانه ماله علاج يعني خلاص يموت اسفه على هالكلام لكن انت حاول تعطيه فيتامينات تعوض السوائل اللي تنزل منه وعطه شاي دافىء ولوتقدر توديه البيطري اب اسرع وقت واتمنى انه الخبراء يكون عندهم حل فعال

[انا و سمسم]

اختي فطوم شدعوووه على طول موت لحوووول :eek:
ههعهعهعهعهعهعهعهعهع :D :D
لا اخوي انشاء الله خير انا كانت حالة افريقي اسوأ :)
بس وديه بيطري خليه يفحصه
وانشاء الله بيعطيك الدواء المناسب
بس حاول تروح لاكثر من بيطري عشان تتاكد
بس وانشاء الله ما يصير الا الخيرر :D :D

[فطوم]

انا وسمسم شسوي هذا الي يصير معاي يعني من وانا صغيره ابوي دايم اييب افريقين وبعد كم سنه يصيبهم اسهال ويموتون ونفس الشي مع كل قرايبي واليي اعرفهم ومره سالت الطبيب وقالي اذا صابه اسهال ماله علاج فعال وغالب الظن انه يموت

[انا و سمسم]

اختييي فطوووم ويييييين هذا الطبيب
الله وعلم بس انا الافريقي حقي جاه زكمه وحراره وانتفاخ فوق العين (يدل على الزكمه)
وكان جناحه مو ماسكه على جسمه زين
يعني تعباااااااااان وعينه حتى بعد كم يوم من المرض صارت تطلع سائل وحالته صعبببه
بس الحين الحمد لله زييييييييييي الفلللللللللللل وتصفر وتتحرك وتروح وتجي
طبعا لسه انا ما روضتها بس نص ترويض هعهعهعهعهعهعهعهعهع
لاني ناوي افرخها انشاء الله
بس اهم شي بيطري ممتازززز
انا رحت لاستشاري بيطري والحمد لله بفضل الله ثم بفضله الحين
هي زي الفل :D :D

[تركي .ي.م]

ودية حق البيطري بيعطية إحبوب على ماأضن تراني مب متأكد أو روحي قسم بيطرية الطيور وإعرضي الموضوع عليهم عاد إخوانا إلي مناك مايقصرون

[PINK COCKATOO]

وش الدواء أو الأكل اللى يوقف الإسهال عن الرمادي

افضل شي وديـهـ البيـطري بـيـعـطـيك الـدواء المـناسـب

وكذلك وش الأكل اللى يجيب الإسهال له؟؟

كثره الفواكه وخصوصا التفاح و الحمضيات

[ابوفيصل]

حبيبي نوماس لا توديه حق بياطرة تراهم بيقلعون به
الاسهال من الحر حطه بمكان بارد شوي او معتدل يميل للبروده بس مايكون بوجه المكيف ترى الاسهال من اكبر اسبابه الحر وشرب المويه واجد وبعدين الاكل لاتعطيه الا فول سوداني وشمسي بها الفتره وجرب

[تاكو]

طبعاً البيطري افضل يشخص الحاله امامه
يمكن اعطاء الببغاء الزبادي 0اللبن
مفيد جداً للأمعاء
امنع عنه الفواكه
وطمنا اخي الكريم

[فطوم]

حبيبي نوماس لا توديه حق بياطرة تراهم بيقلعون به
الاسهال من الحر حطه بمكان بارد شوي او معتدل يميل للبروده بس مايكون بوجه المكيف ترى الاسهال من اكبر اسبابه الحر وشرب المويه واجد وبعدين الاكل لاتعطيه الا فول سوداني وشمسي بها الفتره وجرب

صج؟؟ عاد انا الي اعرفه انه البرد راح يضره واهو سبب الاسهال!! معلومه غريبه


والله مادري انا ذكرت اني موخبيره بالببغاوات لكن من تجاربنا وتجارب اهلي انه غالبا مايموت الافريقي من الاسهال

[نوماس]

شاااااااااااااااااااااااااااااااااااكرين التجاوب السريع

[طلالو]

امنع عنه الفواكه
وطمنا اخي الكريم

[المنتج]

الترمايسيين


مجرب وله مفعول ممتاز

[تركي .ي.م]

الفوكة عند الببغاء عشرج يعني حطيلة حبوب على ما أضن انا طول عمري أضن لان أقول من خبرتي والرجال إلي كاتب الموضوع في المواقع الأخرى يعرف إنة في سوسة في المنتدى نقال الكلام

[د. بيطري]

السلام عليكم ورحمة الله وبركاته
أخي يوجد بعض الامراض التي تؤدي للأسهلات منها السالمونيلا التي تأتي غالبا
الأسهال الأخضر ومنها الكوكسيديا التي تأتي بالأسهال الأبيض
ويوجد الايكولاي وغيرها من الامراض
وكل مرض يوجد المضاد الحيوي النوعي له ومنها الاوكسي تتراسكلين والسلفا......ألخ
وأهم شئ عدم الأكثار من الفول السوداني وعدم تقديم له الفواكه والخضروات في فترة اللأسهال
لأنها تزيد من أسهال الطير
وعندنا في الامارات يكثرون من الفليفلة الخضراء في تقديمها للرمادي
وهذا يجب أيقافه في هذه الفترة
ويمكن أعطاء الطير في هذه الفترة مواد طبيعية كخلاصة الرز (الماء الابيض) للمساعدة في أيقاف الأسهال مع ضرورة أعطاء المضاد الحيوي
وشكرا

[redshark]

الى اخوي توماس وجميع اخواني من محبي الطيور والبغبغاوات 000 اولا اخوي هناك نوعين من الاسهال الاسهال الابيض والاسهال الاخضر واشدهم على الطائر الاسهال الابيض وحتى لو شفى الطائر منه يظل حامل للعدوي

النصيحة الذهبيه لكل محبي الطيور وخاصة البغبغوات ان في حالة الاصابه بامراض البرد او الاسهال او النزلات المعويه لابد من رفع درجة الحراره بشكل فوري وده عن طريق وضع القفص في غرفه مغلقه ووضع غطا على القفص مع ترك مكان كافي للتنفس ووضع لمبة اضاءه من 150-200 وات بجانب القفص حتى تديه التدفئه المطلوبه
ثانيا امنع جميع انواع الماكولات الخضرا زي الخس والجرجير لانها راح تزي النزله
ثالثا وضع مجموعة فيتامينات في مياة الشرب او وضع ملعقة عسل صغير
وان شاء الله تاني يوم راح تلاحظ تحسن ولو مفيش تحسن يبقي اسرع بالبيطري واطمن انك عملت اول خط دفاع ضد المرض

[ضمير مستتر]

إسمع الكلام إلي يجمد على الشارب عطه فحم طبيعي لانه يخفف من حده المشكلات المعويه ولا تعطيه حمضيات ولا تحطه في مكان بارد او فيه تيار هوائي و كثر من الاكل إلي فيه مويه عشان ما يصاب بالنشاف وقلل من تواصلك معه يكون افضل له .. و قد يكون الاسهال عارض من مرض خطير وميؤس منه مثل متلازمه توسع المعده وهي عاده تسبب الموت بس شد حيلك في العلاج لو صار اكتشافك للمرض مبكر لان فرصه شفاءه تكون اكبر