طلــــــــــــب مساعدة بخصوص تربية الـــــــــــــوز ؟؟؟؟؟؟

[aboharoon]

السلام عليكم.

يا جماعة أنا اشتريت جوز وز قبل يومين طبعاً كبار.. (نوع الماني على ما أظن)
حطيتهم لوحدهم في عشة عرضها 2م وطولها 7م وارتفاعها 1.5م
حطيت موية وخبز وعيش التسمين (يسمونه علف تسمين كأنه جريش
مجروش مع طحين).

المهم ما اشوفه ياكل أبداً .. وبديت أقلق بهالخصوص لأنه أول ما جبتهم
كانوا وانتوا بكرامه يوسخون (يذرقون) واجد بعدين الآن توقف نهائي
والأكل ما يتغير يعني ما يقل والموية على خفيف.. ولاحظتهم أنهم متخرعين
كل ما اقرب من عندهم تصيبهم حالة رعب ( حلوة ذي حالة رعب :D )

سألت البايع عن أكلهم قال أنه يحط رز مطبوخ وجت (برسيم) . طبعا بيكلف
علي أني اعطيهم رز لأنه ما يبطخ عندنا بشكل دائم والجت مشوار اجيبه
بشكل متكرر.

اليوم حطيت لهم طشت ماء واشوفهم طبوا فيه واستحموا وتنظفو.. لكن الأكل
ظل ما تغير.

الآن عقب هالهذر وكثر الكلام هل أحد عنده ملاحظات..
الأمر الآخر أفكر احط معهم جوز دجاج وثلاث اجواز حمام هل تنصحون بهالشئ.

[! هاويه الطيور !]

وعليكم السلام

هوايتي تربيه الطيور المائيه والاسماك بعض ..

*

هم احنا قبل يومين شرينا وز :) والاوز الي بالمرزعه يرفضونهم ككونهم جدد على المكان !

وحتى الاكل مايكالون :) وخصوصا مرزعتنا كبيره لهم مطلق الحريه وارض مزرعه [ جت ] طري مو يابس :)


واهو يدبر نفسه ونعطيه مرات ارز [ مطبوخ ] + خبزّ وشعير ...


الموهيم :) ~
انا ماني عارفه طريقه الشبك وعرضه اذا كان كبير ومرتفع حيل يكون فضل ..

وممنوع تحط اي طيور اخرى معاه خصوصا هالفتره تزواج الازو :) لو تلاحظ الذكر اي طير او حيوان يكون قريب

تلاقيه يهاجمه .. وصوته مزعج :/

لاتحاول تتقرب منهم لانه يصارخ ... وخلهم لفتره وتلاقيهم ياكلون وخصوصا الطيور هذي تحب الاعشاب والجت اكثر شي ...


اليوم حطيت لهم طشت ماء واشوفهم طبوا فيه واستحموا وتنظفو.. لكن الأكل
ظل ما تغير.


اهي فتره تزاوج معقوله مالاحظت حركات ! الطيور ؟


عموما هذي معلومه البسيطه الي عندي ..
وان شاء الله الاعضاء يفيدونك

[aboharoon]

جزاك الله الف خير ويعطيك العافية..

أنا سبق ان ربيت حيوانات كثيرة (بط - وز - دجاج - حمام - فرّي - ارانب - وبر - همستر - سمك - سلاحف ماليزية .. الخ)
لكن هالكلام من عشرين سنة تقريباً .. لذلك نسيت كل شئ عنها.. لكن أذكر اني ما واجهت مشاكل معها وكانت ما شاء
الله تتكاثر (باستثناء الوز :confused: ).

الموهيم (على قولتك) .. العشة لسى مسويها قبل اسبوع لكن عندي عشة ثانية فيها حمام وراح اجيب جوز دجاج (براهما)
وممكن دجاج غيني قريباً.. لذلك سألت إذا يصلح تكون العشة مجتمع (متعدد الثقافات :D ).. لأنه الحمام (نوعه مصري جامبو) كثر
وابغى اخفف بنقله للعشة الجديده. لهذا راح اصبر حالياً (بما انه فترة تزاوج) لكن راح اجمعهم في عشة وحدة فيما بعد.

بخصوص الملاحظات .. اشوفهم متلازقين ببعض، حسبتهم بردانين بالاول اما اذا قربت منهم فواحد كأنه افعى يبح ويطلع السانه
(أظن ذكر) والانثى تصايح وتركض في كل مكان مثل المجنونة :eek: .

بالنسبة للأكل اشوفه (يشمشمه) لكن يتركه وهالكلام له يومين الآن ومثل ماذكرت اول ما جبته (يذرق) واجد لكن الحين لأ ..
مع العلم ان الرز والجت صعبة اجيبها وراح تكلف علي كجهد. عموما راح احط رز مطبوخ بكره واشوف الوضع. انا خايف انهم
متعودين على اكل معين (خاصة ان البياعة يحطون جت لأنه ارخص).

السؤال بما انك مربيتهم من قبل هل هذا شئ طبيعي (انهم ما يأكلون) خاصة ان الوز والبط شره للأكل عموما ..
و بالمناسبة ايش نوع الوز الي شريتوه.

[! هاويه الطيور !]

:) بسيطه

الاوز الي عندنا :) مو لونه ابيض لاني مااحب هالنوع هذا البلدي ..
اهو لونه رمادي باابيض + ونوع نفسه لكن مع اختلاف بسيط يكون نفس طريقه الشكل لكن لونه بني ويمزهم
المنقار .. يكون له شكل خاص ولونه اسود

ماني عارفه من وين ... يمكن تركي ~ اذا ماني غلطانه ..

*

بصراحه الاوز عندنا مو ملاحظه ياكل ولو عندنا مزروعات خصوصا الجت نزرع
اهو يروح ياكل وقليل ياكثر شعير والحبوب ومرات يكون بالبركه ياكل فيه :/ يمكن حشرات او بيوض الضفادع :(

يعني مو مثل البط :/ 24 ساعه ياكل لو شنو تحط ياكله ..

*


بخصوص الغذاء لهم :)
حاول تنوع لهم كثر ماتقدر وعلى فكره االاوز يستحمل مده طوييييييييييله بدون اكل

عندي اوزه :) كسر رجلها وللاسف قالو مراح تطيب بمكانه وقليل يعطونها اكل لمده سنه يعني نقول بالاسبوع يعطونها وللحين متمسك بالحياه لما صار الجو بارد مات ... لانه ريشه تساقط .. :(


*

يعني :) طماط + بطيخ + خس + بقدونس + شعير وانواع الحبوب الاخرى
الخبز + الازر المطبوخ + بنك ! << اذا اتعرفه يموتون فيه ...


*

:) يمكن يكونون ذكرين ! او العكس !
لانه الذكر في هالوقت يحاول جذب الاناث :/ مو يطفشهم

والوز له موعد محدد وكلهم نفس التوقيت للبيض :) ليكون طافك القطار ...............
لانه في السنه مرتين اما تنجح ولو صعبه فيها او تفشل




*

والاوز تحب الهدوء ماتحب الطيور تشاركها :) سوى فتره التزواج او غيره .....



وبس ~

[aboharoon]

أظن اللي لونه رمادي و منقاره اقصر ولونه أسود، نوع أفريقي.

بخصوص طيوري حطيت لهم رز مطبوخ اليوم واشوف اكل شي بسيط ..
واحس انهم تعودوا على العشة لأنه قلت جفلتهم (خوفهم).. لكن اظن
أن احدهم عنده مشكلة برجله.. لأنه يرفعها بشكل دائم ولا ينزلها الا
للمشي..


بالنسبة لتنويع الأكل .. ما عندي مشكلة من ناحية انواع العيش الجاف
متوفر عندي، لكن اي شئ يتعفن مثل الخضروات و المطبوخ احاول
اتجنبه .. لأنه يسبب امراض وريحة تعبانة (عن تجربة مع الحمام).

الموجودين عندي جوز (ذكر+انثى) متأكد من هالشئ، لكن اتوقع انهم
متوترين لأن المكان تغير عليهم خاصة انهم جوز واحد بس، يعني لو مع
مجموعة ممكن افضل.

بالنسبة لتوقيت البيض فما عندي اي خبر، ما جبتهم الا من 4 ايام تقريباً
العشة فيها "كوخ صغير" نص متر في نص متر فيه قش ونشارة خشب..
لعلهم يبيضون فيه.

انا همي الوحيد الأمراض.. لأنه الحمام اذاني بالامراض (خصوصاً اذا كثر)
مع اني اعطيه ادوية وعلاجات لكن الفائدة قليلة.. وخوفي انه تنقل الامراض
بين الطيور.

على العموم راح اصبر اسبوع اسبوعين واذا استجد شئ، راح اكتبه في
المنتدى..ويعطيك الف عافية.