الكاسكو المتكلم ... في المنزل الجديد ...

[أحمدووو]

السلام عليكم إخواني

قبل اسبوع اشتريت كاسكو هولندي محجل من أحد الإخوان

و الكاسكو من مواليد 2004

يقول أنه يتكلم و كلامه هو الآتي

يقول ... سلام عليكم بطريقتين مختلفتين ....يالله .... ألو .. منو .. قوه .. بوسه يوسه ... راسك
ينادي اليهال بكذا أسم لكل ياهل .. يعني محمد و حموووووود ...هادي هاديااااان عمار عماااروووه
عمووور ..
باباحبيبي .. ماماتي ... كوكو الحلوه يعني الطير فيه أكثر من 15 كلمه

المهم ... الكاسكو صار له عندي اسبوع ...

لكنه ما تكلم إلا حدود4 كلمات

فهل يحتاج الكاسكو لفترة أطول للتعود على المكان و الإنطلاق في الكلام

علما بأنه صار له 4 سنوات عند صاحبه الأصلي


- و شلون أخليه يتعود على المكان و يتعود عليي أكثر عشان يتكلم براحته و يطلع اللي بجبده ؟؟؟

و الصور جايتكم ان شاء الله عشان تحكمون على الطير

[أحمدووو]

http://www.mazadq8.com/attachment.php?attachmentid=11410&d=1227771817


http://www.mazadq8.com/attachment.php?attachmentid=11413&d=1227771817

[LiLi]

المهم ... الكاسكو صار له عندي اسبوع ...

لكنه ما تكلم إلا حدود4 كلمات

فهل يحتاج الكاسكو لفترة أطول للتعود على المكان و الإنطلاق في الكلام



أسبوع واحد فترة جدا جدا قليلة

أنتظر عليه يتعود على الأجواء كاملة و يمكن يأخذ معاك شهر

خله على راحته و الله يوفقك معاه


http://www.pusup.com/up/get-12-2008-n0d3sy28.gif (http://www.pusup.com/up)

[% مــجـــروح %]

أسبوع واحد فترة جدا جدا قليلة

أنتظر عليه يتعود على الأجواء كاملة و يمكن يأخذ معاك شهر

خله على راحته و الله يوفقك معاه


http://www.pusup.com/up/get-12-2008-n0d3sy28.gif (http://www.pusup.com/up)

كلام صحيح 100%

[hassan maroc]

اخي اول خطوة انصحك بها هي انك تخلي قفص الطير في مكان عالي تقريبا متر الى متر ونصف وانك تكتفي فقط بتبديل الماء والطعام. لمدة شهر تقريبا وما تحاول تطلعو من القفص طول هده المدة.وخليه

[عين الامارات]

كلام الخوان عين الصواب

[أحمدووو]

شهر كامل بعدين يتعود ؟؟؟

كأنها فترة طويلة

عالعموم قام ياكل من إيدي هاليومين

و آنا مخليه على استاند واقف ... و مرات أحطه بالقفص

مرات يوقف على إيدي و غالبا يمتنع

قبل شوي سجلت بالكمبيوتر الكلمات اللي صابه قالي أنه يقولها و خليتها تتكرر عليه يمكن يتشجع يقولها

لكن ودي أخليه يتعود عليي و ما يخاف لأني أحس أنه خايف مني و من الأطفال و من المكان الجديد



معلومة ... سعر الشراء هو 280 دينار كويتي

فهل هذا سعر مناسب لكاسكو هولندي عمره 4 سنوات و يتكلم ؟؟؟

[f25]

بما ان هذه المشاركه او الرد اول مشاركه لي في هالمنتدى الكثر من رائع صراحة
بسم الله الرحمن الرحيم

اولا :اخوي خله اسبوعين لا تطلعه من القفص ابد ابد ابد
ثانيا : غير له الاكل والماء كل يوم مع تنظيف القفص وانت وحدك الي تعطيه الاكل وتنظف قفصه
ثالثا : سعره غالي شوي
رابعا : وبالنسبه للكلام اذا تعود عليك راح يقول اي كلمه تبيها
واخيرا اذا راح اسبوعين عطني خبر وانشالله اكون افدتك وافدت الجميع
اتمنى اني ماثقلت عليكم

[عاشق لدرة]

مثل ما قال الأخوان انتظر حتى يتعود على المكان والاجواء والأصوات

[أحمدووو]

خوش كلام

لكني واجهت مشكلة ثانية حاليا

آنا عندي تمنة متكلمة من قبل

و لمن يبت هالكاسكو قاموا اثنينهم يصفرون وايد و يردون على بعض بالتصفير

فصار البيت شوي ازعاج

فمادري شسوي ؟؟