الحمام القلاب؟؟؟؟

[الغامض]

بسم الله الرحمن الرحيم
أخواني الأعضاء عندي ذكر قلاب ولكن ما يقلب بس يطير ويرجع وما يقلب وشي الظروف عشان يقلب هل يتطلب وجود الأنثى أو وقت معين من اليوم أو وجود حمام أخر وش الظروف المطلوبة
أو أي شي أخر
أتمنى تساعدوني

[زئيف]

اخي مو كل القلاب يقلب لانه يكون يحمل صفات الاب والام واذا كانو ما يقلبون فما رح يقلب
لازم يكون معه انثى وحمام والافضل يكون مع عدد كبير من الحمام
بالنسبه للاوقات فما اعتقد انه له وقت محدد انا فدتك بالي اعرفه
اتمنى غيري يفيدك اكثر .....

[الوديع]

السلام عليكم أخوي الغامض الحمام القلابي لازم يقلب لانه هذا طبع فيه وهي الحركات البهلوانيه مثل مايقولون // طبعا في النوع الارضي المشهور (( بالرول )) و هذا النوع مايطير نهائيا بس يقلب على الارض و في نوع ثاني مشهور (( باللوت )) و هذا النوع يقلب على ارتفاعات عاليه وخاصة اذا كان الهواء قوي بس اللي مايقلب هذا مايسمونه قلاب لان يندرج تحت النوع العادي في بعض الاحيان القلابي مايقلب بسبب المرض او عيب في الجناح مثل كسر او نقص في عدد الريش و مثل ماقلت فيه بعض الانواع مايقلب الا قبل فترة البيض و قت مايلحق الانثى و هذا النوع كان عندي منه زمان و اسمحلي طولت عليك و تقبل مروري

[زئيف]

شكرا الك الوديع لقد فدتني ااانا ايضا بردك الجميل
بالتوفيق

[الغامض]

مشكور أخوي طيب ممكن أصور الحمامة وتقولون لي هو قلاب ولا ألعب علي

[الوديع]

أخوي الغامض نزل صورة الحمامة علشان أخبرك

[الغامض]

معليش يا شباب على التأخر لاكن الأنترنت فصل عجزت يشتغل مره ثانية ولاكن وأخيراً أشتغل
وهذي الصور

الذكر القلاب
http://www.pusup.com/up/get-12-2008-ki29lijd.jpg (http://www.pusup.com/up)

[الوديع]

أخوي الغامض الصوره مو واضحة بس بغيت أخبرك بشغلة مهمة خاصة في الحمام القلابي انه مايعتمد على الشكل الخارجي للحمام لانه مثل ماقلتلك ان عملية القلب هذا طبع في الحمام مثلا اتحصل حمام باكستاني قلابي وتحصل الحمام الايراني قلابي ويمكن في بعض انواع الشامسي اللي يكون الذيل مافي استداره كامله و يقلب و نفس الشي في الحمام الكويتي المشهور بالقلب اكثر عن غيره يعني يعتمد على الصفات الوراثيه في الطير و حتى لون العين للحمام القلابي تحصله بمختلف الالوان الابيض و الاسود و البرتقالي في الاخير و ماطول عليك اذا انت طيرت الحمام اللي عندك و ماقلب لاكثر من مره هذا يعني انه اصلا مو قلابي لان القلابي يقلب لو قلبه و حده و هذا الكلام عن تجربه و أسمحلي أخوي على الاطاله

[الغامض]

طيب معليش أخوي عملية التطير تكون في إخافته ولا كيف

[الوديع]

أخوي الغامض مافهمت عليك وضح أكثر

[الغامض]

يعني أخوي الحمامة واقفه على السور هي لحاله تطير وتقلب ولا أخوفها ولا وشلون

[الوديع]

أخوي الغامض كونك مربي حمام لازم يكون لك اساليبك في عملية التطيير و انت بكيفك تمسك الحمام بيدك و تطيره او مثل ماقلت بتخويف هو الحمام مايطير الا اذا كان خايف في اغلب الاحيان في بعض انواع الحمام مايطير الا اذا مسكته و قذفة فوق و انواع ثانية يطيرون من تلقاء انفسهم في الاخير هي الحمامة لازم تطير و انت تبغي تشوف الحمامة و هي تطير و القلابي يقلب في كل الاحوال و أنت جرب كل نواع التطيير و انا حاضر و تحت امرك في اي شي و سمحلي ان طولت عليك