مشاهدات من سوق الحمام بالرياض يوم الخميس

[هوليووود]

في الحقيقة انا متحمس لاكتب لكم من مشاهداتي لسوق الحمام اليوم الخميس من مشاهداتي اقبال كبير من الناس قبل صلاة العصر ايضا الببغاوات كثيرة الصغيرة الغيني الافريقي ب 300 ريال الصغيرة والهولندي والافريقي تقريبا نفس السعر
وهناك مبالغات من بعض الشريطية ولكن لفت نظري ببغاء امازوني عمره اقل من سنة بيع ب 160000 الف ريال بس يستاهل لاني يغني ويسولف ومن اغانيية اممم يلوو لولو الف الصلاة والسلام عليك يانبي الله محمد الغريب في هالسوق ان اللي يتكلمون الامازون ما تعرف وش تتفرج عليه من كثر ما يتكلمون
ولكن الافريقي طرمان مع ان بعضهم اصحابهم يحلفون انهم يتكلمون لكن الحياء ذابحهم هالكاسكو ذبحنا زي الاطرم اللي عندي وانا لما شفت الامازون خاصة واحد شايب حده 3500 ويتكلم ويسولف وفيه واحد جاب افريقي وحده بالفين وخمسمائه ريال والولد بيسافر والكاسكو بكلامه يتكلم ويلقط اريل ويحلف بهذا على طول شروه الشريطية ماتركوه الله يخلف
وفيه واحد يذكرلي انه فيه كويتي يجيب كاسكو من الكويت ويبعهم بالرياض 1700 يتكلمن انا قالي قلت اخبركم اذا احد يبي ويشوف ويتاكد من الكلام
معليش الكلام مخربط ومو مجمع بس وش اسوي انا كتبت على سرعه وراي عشاء واشوفكم على خير باي

[كاسكو حبوب]

موضوع رائع

ماقصرت

[abood alsagaby]

والله حلو
لكن الهولندي 300 ؟؟
فرخ؟
اذا شفت كاسكو يعني عينه رمادي
بكم؟
وهل
فيه كروان وبكم
وطيب
انا مرة
الاحظ الي بالمنتدى كرواناتهم مرة كبيرة
ولكن
مرة رحت للسوق لقيت كروان تقل بلبل صغيييييير فا باختصار هل شفت يعني كروان وبكم اذا كنت سائل

[ابولمعه]

اخوي معقول بيع امازوني ب 160000 الف ( مائة وستون الف ريال ) ام انك تقصد 16000 ؟؟

[abood alsagaby]

اخوي معقول بيع امازوني ب 160000 الف ( مائة وستون الف ريال ) ام انك تقصد 16000 ؟؟

شكه غلطان 16000 بس انه متحمس:D

[بحار الشوق]

يا أخوان اخونا هوليود معه حق

والله اني شايفه الاسبوع الماضي (( الاامازوني)) وسيم ب15000 ولاهو راضي يبيعه الشريطي اللي كان عنده

فلا تستغربون والله اني سامعه باذني وهو يسولف ويغني

لا مبالغه ولا هم يحزنون صدقوني

ودمتم بود

[الطير الجارح]

معقولة 160000لكن 1000000000000%ماراح اشترية
هههههههههههههههههههعععععععععععععععععععععععع

[مجنون عويشق]

السلام عليكم .....لابو جده امزون ...وربي لو يحل معادلات ماشريته ...تهااااااي


العقل في حدود ....


غير المكاو لاتدور .....

[ابو سفر]

اخوي مجنون عويشق لاتستغرب لان اللببغاوات طيور جميله وذكيه ومذهله وتستاهل اكثر من ذلك

انا لي صاحب باع افريقي ب13 الف لديه جمل عديده وست سور من القران

[البواردي]

فالببغاوات كثيرة الصغيرة الغيني الافريقي ب 300 ريال الصغيرة والهولندي والافريقي تقريبا نفس السعر


معقول هذه الأسعار للهولندي .. خابرها فوق الألف ريال قبل أسبوعين.

لايكون سوق الطيور .. ماشي على موضة اسواق الأسهم ( تصحيح )

[حب استطلاع]

معقول هذه الأسعار للهولندي .. خابرها فوق الألف ريال قبل أسبوعين.

لايكون سوق الطيور .. ماشي على موضة اسواق الأسهم ( تصحيح )

ههههههههههههههههههههه
إللي أعرفه الهولندي يباع عند الأغلبيه بـ 2000 ريال

[هـامس الـطـيـر]

الظاهر هو قصده الغيني ب 300 ريال اما الكاسيكو الرمادي 300 ريال وفرخ حتى لوصيد ويجعر ما يوصل القيمه هذي 300 ريال

[الشيرازي$$]

مافيه فرخ كاسيكو ب 300 ريال مستحيل

اقل فرخ ب 1500 ريال

[i! سآهي !i]

معك حق والله
الامازوني الاخضر شفته قبل 3 اسابيع
و كان مسيوم بـ14000 و الحد 15000
ومبروك على راعيه بيعته ..


يعطيك العافيه على الموضوع

سلمتَ

[هوليووود]

السلام عليكم
بالنسبة للامازون الاخضر يمكن زت صفر هو بيع بستة عشر الف ريال ولكن يحكي وما يسكت ابد واللي شراه اعتقد لبناني او سوري جاء واخذ راعيه على جنب بالنسبة للكروان ما اعرف فيها شي بالنسبة للغيني نعم فيه شخص جابها في شبوك وفروخ وكذا شخص الفرخ ب 300 ريال على العموم اللي شفته امس شي غريب فيه فروخ كاسكو على 500 ريال وفيه مثلها فوق الالف لكن يعتمد على شطارتك وسرعة تنقلك في السوق واقتناص الفرص انا الى الان ابكي على كاسكو يقول راعية رداو يتكلم وباعه 2500 ريال وشكل الرجال مستعجل وراه سفر والا سارقه ههههههه ما نحط في ذمتنا شي على طول لقطوه الشريطية فانا اقولكم السوق فرص
الجمعه لا تنسونا الكويتي لاني يمكن اروووح عشان اشوف هو جاء والا لا ابي اشوف الكاسكو اللي معاه يقولون انهن يتكلمن وب1700 ريال حد وما ادري بس اللي يروح يسال عنه الشريطية وعلى العموم ترى السوق فيه فرص حلوة بالحيل بس كثر دراهمك شوي وبتشوف

[mlk6]

مشكوور اشي ما قصرت

[بحار الشوق]

طبعا يقصد اخونا هوليووود

16000 الف بس الصفر ملحق بجمع المذكر السالم لا محل له من الاعراب أقصد ليس له مكان بين الاصفار الانفة الذكر

ههههههه

[البواردي]

اليوم انا كنت في السوق وماحصلت اللي تقول...

طيور الكاسكو من 1000 ريال وطالع للفروخ ، والجامبو الفرخ 1200 وانت ماشي لفوق.

بيني وبينك اللي في السوق اليوم الجمعة طفايس وفروخ المزارع نصفها مرضان.

[clair de lune]

هههههههه مافيه حريم يجون للسوق
بنشوف الي انتم تشوفونه ..

انا الصراحة ودي باكسسوارات العاب يعني وستاند .. واشياء ثانية ..
اتمنى لو الي عندي فرخ صغير .. بس الحمدلله ..