المساعد الشخصي الرقمي

مشاهدة النسخة كاملة : ساعدوني ...يا أهل الخبرة أرانب أرانب

تاج المحبة
10-01-2009, 06:30 AM
السلام عليكم ورحمة الله وبركاته

كيفكم يا هواة القوارض ...ابغى منكم اجابة ضروري والله اني حايسه ..مدري ايش اسوي

اول مرة اجيب ارانب زوج لي 4 ايام الأنثى عمرها 3 شهور وصحتها جيدة الحمدلله
والذكر عمره 2 شهرين ..اول ما جبته حركته واكله ممتاز ..اليوم احس انه ما يشتهي ياكل إلا قليل ..
وحركته قليلة اغلب الوقت نايم ..واليوم اكتشفت ان الزبل حقه لاصق بالوبر ..؟؟

هل عنده اسهال ..او ايش السبب ...وايش ياكل الأرنب بهذا العمر الصغير ..وهل اقدر اعطيه حليب او لا؟؟

كيف اعالجه ؟؟


والله اني محتاره
رعوود
10-01-2009, 02:32 PM
اخوي تاج المحبة

اهلين وسهلين فيك بالمنتدى

مبروكين عليك الارانب

بالنسبة للطعام فعادي مثله مثل الارانب الاخرى

البرسيم والعلف الجاهز وبعض الخضراوات والفواكه [ مرتين الى ثلاث اسبوعيا ]

وممكن تعطيه شوي خبز مره بالاسبوع

بالنسبة للاسهال وانت بكرامه فعلاجة كالآتي :

تواضب على تغيير الارضية تبع القفص

وتغسل صحون الاكل يوميا بمويه حاره

تغير النظام الغذاي ويكون

[ التبن الجاف او الارز المسلوق من دون توابل وملح تسلقه وتنشفة عدل وتمنع عنه الاكل الاخضر ]

وتقدملة المويه ومغلي البابونج او مغلي النعناع او شاهي خفيف جدا

اذا ما تعافى الارنب وديه حق دكتور بيطري فيمكن الاسهال سببه مرض آخر

واحتمال يكون البرد لان احنا بفصل الشتاء الحين والارانب معرضة لتيارات هوائية خصوصا الي تكون محطوطة باقفاص خارجيه

وبالتوفيق
تاج المحبة
10-01-2009, 05:28 PM
الله يعطيك العافية اخوي

الله يبارك فيك

وانا شاكرة لك بسوي مثل ما تقول وان شاء الله يكون احسن
فلاح القاسم
10-01-2009, 07:14 PM
1) النظافة

2) الذهاب إلى طبيب بيطري وإحضار دواء مضاد الإسهال لأن الإسهال المتواصل يضعف الأرنب ويتسبب في موته بسبب الجراثيم ، ويوضع الدواء في الماء.
مهووس الحيوانات
11-01-2009, 03:52 PM
صارلي مثلك ، بس قصيت الشعر الي فيه وصخ ..

وعلى فكرة الخضار بكثرة يسبب إسهال ..