لأهل الخبرة بالأمزون اليلو ناب وطبابته

[Baab]

السلام عليكم جميعاً انا عندي يلون ناب امزون والحمدالله كل اموره طيبه بس فيه مشكله وحده الطير امبطة عينه عندي وحده من العيون بس اليمين واليسرى ما فيها شي الطبر عمره 6 سنوات ومن اهوا فرخ الطير عندي فأبي بيطري بره الكويت عند الأخوان بالخليج ساء بالسعوديه او الإمارت اذا في بيطريين ممتازيين وقادرين على معالجة عين الأمزون على فكرة العين مايشوف فيها كلش طبعاً اليمين بس .

[سلفر9]

الله يكووووووووون بعووووووونك



بس بحسب علمي


انه فيه مستشفى طيوووووووور ( صقووووووور) في الاماراااااااات

محترفين جدا ممكن هم افضل ناااااااااااس لحاااااالت طيرك

[مخاوي برشلونة]

بصراحة ما عند خلفية عن الحالة

بس الشباب فيهم البركة راحوا يفيدوك

[bady2006]

سلام
هذه المشكله طبيه ولازم تعرضه على طبيب بيطري
بصراحه صارت لي هذه المشكله قبل كم شهر بس في الكاسكو شفت وحده من عيونه مسكره وتدمع والله في نفس اليوم وديته المستشفى وعطوه ابره وقصو اضافره وقالو فيه بكتيريا في الاضافر وكل مايحك نفسه انتقلت العدوى لعينه وصدقني في نفس اليوم الحمدلله تحسنة حالته وكل إلي خذوه 150 درهم.
تحياتي

[مجنون عويشق]

السلام عليكم

اخوي

هذي نوع من البكتيريا ...وغالبا تسبب التهابات في العين ...وهي نفسها الي تسبب لنا احيانا كيس دهني مصاحب لبعض الالتهابات

اخوي ..تقدر تستخدممضاد حيوي على شكل قطرات للعين الي نستخدمه حنا ...دور في الصيدليه البيطريه ..واذا مالقيت رح للصيدليه العاديه واطلب منه ofloxacin...قطرات للعين ....>>>الاخ صيدلي بشري ...ههههه


تحيه طيبه

[كاسكو حبوب]

مثل ماقالوا الاخوان هاذي بكتيريا

بعلاج بسيط تروح

اتمنى اني افدتك

[Baab]

مشكورين وماقصرتو على ردودكم الطيبه والله يجمعكم على الخير يارب بس المشكلة انها مو بكتيريا
لأن الطير انجرحة عينه عندي (امبطة العين) مافيها ماي بس يرمش الطير والبؤرة السودة للعين مو موجوده انجرحت من القفص للأسف وديتها البيطري الي بالكويت قالي مامنها فايده عينه خلاص ماراح يشوف فيها وانا متأكد ان لها حل بس بيطرينا بالكويت محدوود بس حق تطعيم :)