مانوع هذا الصقر تكفووووون جاوبوني تكفووون

[مهووس الحيوانات]

السلام عليكم ورحمة الله وبركاته





مرة رحت سوق (جون) بالملز في الرياض ، ولقيت عنده صقر صغير الحجم ، لايتعدى حجمه حجم كفي :eek: كما انه ليس فرخ ، وكانت في ذاك الوقت أمنيتي اني اربيه ، ولكن لما سألنا البائع قاللنا انه بـ 30,000 ريال :eek: !!!!! :eek: :eek: ..

ولكن للأسف ماالتقط له صور ، ولكن أعتقد ان هذا الي بالصورة مثله ، وأعتقد هو نفسه ..

http://www.pusup.com/up/get-1-2009-54b9xf9i.bmp
http://www.pusup.com/up/get-1-2009-hersoqwr.bmp
http://www.pusup.com/up/get-1-2009-nejs9bc2.bmp
http://www.pusup.com/up/get-1-2009-hc3a6is3.bmp


أفيدوني جزاكم الله خير عنه وعن تربيته ، أما اسمه فأعتقد انه Dwarf falcon ..

ما أريده منكم هو معلومات عنه ، وعلى ماذا يتغذى ؟؟

==========

جزاكم الله كل خير

[مهووس الحيوانات]

محد يعرف شي عنه ؟؟ :( ..

[مجنون عويشق]

السلام عليكم


ول ول ول

قسم انه مهب صاحي 30,000 ريال .....زورب البيت انها تعيش حاره كامله لمدة ثلاث اسابيع >>>تفكير اقتصادي ههههههه


اقول نصيحيت لك لاتطب الملز ...هههههههه>>>الي يسمعه يدل بالرياض خخخخ

شكله جد صغير مره تقول كناري ههههههه

ان شاء الله يفيدونا الشباب

تحيه طيبه

[تقدرعلي]

هذا مهب صقر ماتدري وشو لاكن مهب صقر

[مهووس الحيوانات]

مجنون عويشق : أشكرك على التعليق الطيب :) ..

يقدرعلي : معليش يااخوي هذا صقر واسمه Dwarf falcon يعني (الصقر القزم) أو شي زي كذا ..

[$صــــقــــر حــــــــر$]

هلا اخوي مهووس الحيوانات

هذا الصقر شفت انا زيه بعد في جون التخصصي وسالته عن نوعه

وقالي على ما اعتقد صقر ياباني

وامل اني افدتك.....;)

[عـضــ ولكن ـــو]

ياخوي لكل حيوان وظيفته

يعني كلب مايحرس شوته مع الباب سلقه ماتصيد الأرنب ذبها من اعلى عماره صقر مايقنص عشبه السلقه

والطير الي ذكرته والله لو يسوي قوي ويهد على حمامه ان تلطخه على عينه

يعني لا تتعب نفسك به وغالي بشكل خيالي اذا الحر القرناس تلاقيه بخمس الآف ولا الشاهينه على الفين وخمس

[الكنق]

الصووور ماتطلع نزل الصور من ثاني ونجاوبك انشالله

[مهووس الحيوانات]

إيه معليش الموقع المزفت بغيره ان شاء الله واحمل من با اب ..

ورد لكلام الاخ ، أنا ما ابغى اصيد بالصقر هذا ..

[مهووس الحيوانات]

افتح هذا الموقع وتلاقي له عدة صور ------> من هناا (http://www.northrup.org/photos/Animals/nl-30.htm)

ويليت تساعدني جزاك الله خير ..

[الكنق]

الي بالصور فرخ شااااااااااهين وبالصور الثاااااااانيه شااهين

تبي تبيع اخوي

[مهووس الحيوانات]

لا أنا أبغى أشتري ، وصدقني هو مو فرخ ، ولو لو لو لو كان فرخ ، فقد قد قد قد يكون غير الي شفته في جون ..


عالعموم ماقصرت مشكور .. :)

[عامر سالم]

سلام عليكم

الصقر من مدار خط الاستواء وتلقاه يا أنه من جاكرتا الفلبين أو من أستراليا وأهو مايعيش اله بالمناطق الحاره خفيف على شان يتلائم على الوضع والصقر هذا له أساليب الغدر فلا يهمك شكله الصغير بس أفعاله كبيره وياكل من صغره على الديدان وبعدين توكله على الكبد والكلاوي الداميه وشرط يكون فيها ريحة الدم لانه مراح يرضى بالديدان بعد فتره :) وأرجو أني أفدتك بعملوماتي وأذا تبي تتأكد أفتح على ديسكفري الساعه 3 بليل يوم الاثنين راح تلقه أنواع كثيره من الصقور ومنها صقرك :)

مع تحياتي عامر الدوسري

[مهووس الحيوانات]

والله ما أدري وش أقوللك ، من جد كفيت ووفيت وما خليت شي ..

جزاك الله كل خير ، مالقيت أحد يعرف عنه غيرك ولا في النت لما بحثت ..


تقبل مني خالص تحياتي وشكري ..

[ابو نهرهـ]

الحيـن بتقـولي ان فرخ الدجآجهـ ذآ بـ 30 الـف ..؟

اقـول بـس لآيفطـس عليـك مـن ثآنـي يـوم وتطيـر درـآهمـك ..



واللهـ بـ ع ـد يآهـو صـ غ ـيـــر ... تقـل انهـ صوص اذآ مو الصوص اكبـر وانشـط منهـ لآ وبـ ريآلين بعـد .. خخخخخخخخخخخخخ

[العالمي king]

صقر الشاهين تحصله من الفين الى خمس على الاغلب
وهذا ثلاثين الف
هو شوي عليه كلمت غالي بس اكيد لغلاهـ معنى
الاخ عامر ماقصر وقالك كل شيئ عنه
بس صراحه ماعرفت وش الحكمه في غلاهـ هالكثر ؟؟؟
وبعد غدااار !!!؟؟ على ايش غالي مدري

[أسماك الزينة]

اخووووووووووووووي الصور ماظهرت ورني الصور

في انواع صقور غالية طبعا

اما الانواع الرخيصة مثل الوكرية

[MS.S.A.S]

هلا اخوي انا شفته الطير و مره صغير لا كن قال لي لما سالته انه من باكستان اعتقد او المغرب لاكن اشتري حر 10 الاف ولا اخذه

[fawzi]

اعتقد ان صقر ياباني او ماليزي اسمه Dwarf falcon هاذي طيور زينه في منها الوان كثيره

[ملكـ آلحيوآإن]

أخوي مهووس ..

الله أعلم عن نوع هالصقر ..

ولآكن آحببت أن أفيدك ببعض المعلومات

هل أنت ممن يريد القنص بالصقور أم تريد نقلها فقط بدون القـنص

أنواع الصقور /

الحر

الشآهين

الوكري

الجير

وهاذه الطيور مقاساتها تبدء من 11*11 وتصل إلى 20*20

ولاكن هنالك طيور (صقور) تسمى بالجوره وهي مثل الحر في شكله ووصفه ولاكن حجمهـآ آصغر منه أضعااف قد يصل حجمه إلى 5*5 تقريبآ .. وكذالك الشوآهين .

وإن آردت صور لمثل هالطيور ومقآرنة بينها وبين قريناتها الأخريااات فأنا حاظر لكـ

والله الموفق ..

^^

[مهووس الحيوانات]

شكرًا جزيلاً لكم جميعًا

واعذروني تعبتكم معي :)

وشكر خاص وخالص لك يا ملك الحيوان :)

جزاكم الله كل خير يا اخوان :)

[طرطعان]

احتمـآل هــذآ الي اسمــه شبوط .~ ولا يا شبـآب ~ :D

[خالد414]

هذا يالغالي مثل ما ذكرت اسمه الصقر القزم

موطنه اليابان ولاكنه يوجد في اندونيسيا وماليزيا

طبعاً يتميز بحجمه الصغير وبندرته وهذا من اسباب ارتفاع سعره

وهو من اجمل الصقور شكلاً ويوجد منه الوان مختلفه بحسب

البيئه التي يسكنها الصقر

اتمنى اني افدتك لو بالقليل

وتقبل مروري:)

[مهووس الحيوانات]

طرطعان

شكرًا على مرورك :)

بس ما ظنيت انه شبوط ، وأصلاً ما أتوقع ان له اسم عربي ، الا ان كان اسم مترجم من اسم أصله انغلش

=-=

خالد414

شكرًا جزيلاً على ردك الرائع :)

و جزاك الله كل خير على المعلومات القيمة :) وأتوقع ان كلامك صحيح ، بقية الأعضاء عطوني أسماء صقور صيد

لكن جزاهم الله كل خير على مجهودهم و يكفيني مجرد مرورهم

و شكرًا مجددًا على المرور الي نور الموضوع :)

[راعي شاهين]

نوع الطير شاهين

[خبير]

السلام عليكم

[كاتم العبره]

ماقد شفته



لكن يمكن يقدر على السمان