دجاجتي رجلينها منتفخات ...مع الصور...اتمنى منكم سرعة الرد

[&عاشق الحيوانات&]

السلام عليكم ورحمة الله

أخباركم اخواني " اخواتي ؟

المهم انا عندي سؤال بص ,, هع


دجاجتي رجلها انتفخت صار كأنة فيه كورة بوصط رجله وش هذا المرض ووش الحل لهـ :(

هذي صور لاحضو رجلينها ...



http://www.up-00.com/szfiles/l8E21821.jpg

لاحظ وسط رجلها .,.



http://www.up-00.com/szfiles/EXi21821.jpg


http://www.up-00.com/szfiles/9iR21821.jpg

http://www.up-00.com/szfiles/Q3S21821.jpg


وش الحل ؟؟؟

وهل لازم اعزلها ولا لا ؟؟

اتمنى منكم سرعة الرد...

[شقردي والهواء شرقي]

السلام عليكم

بالنسبه للمرظ أنا مادري بصراحه

لكن أتوقع أنه مب لازم تعزلها عنهم

[aboharoon]

وعليكم السلام ورحمة الله وبركاته..

عزيزي هذا مرض بكتيري اسمه تشوه القدم (Bumblefoot) وهو معدي
في حالة الملامسة (يعدي الإنسان أيضاً إذا لمست البكتيريا وكان في
يدك جرح) لذلك ينصح باستخدام القفازات البلاستيك، وغسل يدينك وايضاً
ثيابك (حتى ما يعديك أو يعدي باقي الطيور). وهو يصيب معظم الطيور.

سبب المرض
هو دخول البكتيريا (المتواجدة بكثرة في عشة الدجاج) عن طريق
وخز او جرح القدم .. وهالإنتفاخ الي تشوفه سببه خراج في اسفل
القدم (تحت الدوائر الي ظاهرة في الصورة الأولى والثالثة) وفيه صديد.

العلاج
لكن قبل العلاج أعزلها وابعدها عن الشمس وحطها في صندوق تكون
أرضيته لينه (مثلاً حط سفنج).

ثم

إذا الإنتفاخ لين (يعني اذا ضغطت عليه يكون لين) فالعلاج
باستخدام المضادات الحيوية مثل الدوكسي سايكلن أو الأموكسلين
(تلقاها عند الصيدليات البيطرية) تعطيها حوالي ربع ملعقة صغيرة في
لتر ماء او حسب ما يقول الصيدلي (وتغير الماء يومياً) لمدة 10 -14 يوم.
مع تنظيف القدم باليود المخفف بالماء (اذا ما عندك يود استخدم صابون
مثل تايد). تأكد أن الدوائر الي بأسفل القدم نظيفة (يعني افركها بالموية
والصابون).

في حالة المضادات ما نفعت فيحتاج جراحة في القدم. مع العلم انه ما
تجري الجراحة الا والإنتفاخ لين.. اذا صلب فعطه مضاد حيوي حتى يلين.


الجراحة
تخدير القدم باستخدام مخدر موضعي (اذا فيك رحمة للطيور).

جب مشرط وحاول تزيل الدوائر الي موجودة تحت القدم .. من حواف
الدائرة ابدأ وخذ دورة على هالدوائر.. الخلاصة انه هالدائرة لازم تزال
راح ينزل صديد ودم حطها تحت حنفية الموية واضغط على القدم من
فوق حتى يخرج الصديد بالكامل.

اذا خرج كل الصديد الموجود في الرجل عقمها باستخدام مضاد بكتيري
مثل كلوروهكسدين أو أي مضاد لبكتيريا ستاف (ستاف هو اسم
البكتيريا الي مسبب هالمرض).

لف الرجل بشاش وحط حوله لصاق.

حط الطير في صندوق فيه اسفنج خفيف (حتى ما يضغط على رجله)

اعد التنظيف لأسف القدم بعد يومين او ثلاثة مع إعطائة مضاد حيوي
مثل الدوكسي سايكلن أو الأموكسلين لمدة 7 ايام.


فباختصار شديد حتى تتخلص من المرض لازم تشيل هالدوائر الي تحت
الرجل وتخرج الصديد وتعقمها وتعطيها مضاد حيوي (دوكسي سايكلن)
سعره في حدود 30 - 40 ريال سعودي لمدة 7 ايام هذا كل المطلوب...

[&عاشق الحيوانات&]

الله يعطيك الف عافية اخوي ...

ع المساعدهـ ...

[عبيد العباسي]

أخوي هذ1 مسمار بريول الدجاجـه << مو مسمار إلي أحنا نعرفه هذ1 مرض أسمه مسمار


علاجـه سهل

أمسك أي أداة ونظف الورم شيل الوصخ والتراب منـه لو طلع دم عأدي وبعد ما تنظفه زيـن في [دواء] أزرق

يسمونـه أعتقد [ماسـه زرقاء] حط على ريولها وحاول تحطها بمكان أرضيته تكون [كاشي] أو [سمنت] يعني ما تحوش التراب مدة اسبوع