قطوتي

[mohd.23]

السلام عليكم ،، إخواني عندي قطوه عمرها شهر ونص وفي اجزاء من شعرها احس نفس اللي فيها وسخ ولا شي متلصق ومب عارف اهوا شنو حاولت اختي تقشره بظفرها وطلع شوي منه مع شعر بس ماعرفت شفيه ! وموجود في راسها وبطنها وفخذها من داخل لما المس راسها احس بشي يابس ومرتفع شوي غير عن باقي الاماكن..

بليزز ساعدوني مأرقتني السالفه خايف إن فيها شي =(

[خوية ميمي]

و الله ما أدري ، بس يمكن لا سمح الله مرض جلدي مدام يتقشر مع الشعر

[آنـــــو]

هذي فطريات

أستعمل لاميزيل أو كانستين من الصيدليه البشريه وشامبو نيزورال
وبما أن برد والقطوه صغيره ماأنصحك تروشها حط شوووويه من الشامبو وأخلطه بقارورة مويه صغيره

وأدهن المناطق المصابه بالمرهم بالنهار .. وبالليل أخذ شوي من المويه اللي فيها الشامبو وأفرك
المناطق المصابه وأتركها تنشف وأرجع حط عليها اللاميزيل أو الكانستين

وهكذا يومياً وبيختفي أن شاءالله ..

[mohd.23]

مشكورين على الرد ..

اختي آنو مو المفروض الفطريات يكون لون الجلد أحمر ولا شي جذي؟ هذي مو أحمر مكانهم ولا شي واتصلت في المحل اللي شريتها منه وقالو لي ان يمكن جلد ميت انا اول ماشفته توقعت انه وسخ ولا شي لأن الشعر لاصق عليه وأمس كنت ماخذها المحل وسألت راعيه قال مافيها شي وصاحيه الحمدلله ولا تحك بطريقه مو طبيعيه يعني فطريات ؟؟

[آنـــــو]

لا مب شرط .. الفطريات تجي قشور أحيان أو نفرات ونقط سودا أو بقع خاليه من الشعر محدده بأحمر

هذي أشكالها وكلها مرت علي

أنت قلت طاح منها شوي شعر متماسك بقشره وهالشي صاير حالياً لـ قطوه عندي فيها فطريات ..

وأكيد المحل بيقولك مافيها شي ..

أستعمل معها العلاج وبأنتظام وبيروح بسرعه ونظف وعقم المكان اللي تتواجد فيه .. وحيااك

[قطوتي لوسي]

فطريات وانا قد جاء قطوتي لوسي كذا مثل حالتك والحين الحمدالله راح

[mohd.23]

وديتها الدكتور وقال مافيها شي الحمدلله قالي بس اسبحها وان شاء الله باجر اذا في شمس باسبحها =)

يزاكم الله خير ياللي رديتو ماقصرتو