وش رايكم بكلام صاحب المحل ؟؟

[مشعل القصيم]

السلام عليكم


ياشباب انا اتصلت على محل بالرياض بسأله عن الدرة النيبالي
وقال سعره بـ 800

قلت له نيبالي ؟
قال نيبالي هندي كلة نفس الشي ..
قال الاخضر بـ 800 والملون بـ 1000


قلت النيبالي ترى له ريش احمر عالجناح < مسوي ذهين :D
قال لي لا هذا اللي عندنا ماله ريش احمر عالجناح :confused: ..


وش رايكم بالكلام اللي قاله ؟ ماعنده سالفه والا انا فاهم خطأ ؟؟

لاني انا من القصيم وقلت بسأل صاحب المحل اول
عشان ما اضرب مشوار عالفاضي ..





وقال لي بعد عندي درة هولندي بألف و زود وش يطلع الهولندي ذا بعد ؟؟؟:confused:

[مشعل القصيم]

الظاهر بيصير موضوعي مثل المواضيع المثبته المشاهدات كثيرة والردود صفر :(

[الكراوان]

انا اقدر اساعدك تعال الشرقيه وانا اخدمك من عيوني بس لا ترد على الهنود ترا ما عندهم سالفه ونصابين

[hisham-saif]

عندنا في الغربية الدرة الهندية أسعارها بين 200 و 250 ريال والهولندية 300 إلى 350 نفس شكل الدرة الهندية لكن ألوانها تكون أصفر أو أبيض أو (ألوان مختلفه)

أما الدرة النيبالية أللي جناحها ملون وحجمها أكبر من الهندية أسعارها 1000 ريال.

والأفضل في رأيي الدرة الهندية

[مشعل القصيم]

ماقصرتو ياشباب

والأفضل في رأيي الدرة الهندية

وش السبب يا هشام ؟
عطونا من أرائكم ترى انا أحب أسمع آراء الناس ..و احتمال اني اغير من النيبالي للهندي من رأيك..

[hisham-saif]

ماقصرتو ياشباب



وش السبب يا هشام ؟
عطونا من أرائكم ترى انا أحب أسمع آراء الناس ..و احتمال اني اغير من النيبالي للهندي من رأيك..

لأنه حجمها أصغر من النيبالي وشكلها أجمل وطبعا أوفر في السعر

[سنوره]

نحن بعد في الامارات الدره الهنديه اسعارها مثل ماقال اخويه hisham اما نيبالي بـــ 1000 درهم وانا مخذه واحد وعليه لون احمر في الجناح

[كاسكو حبوب]

الهنديه رخيصه

اما النيباليه شوي غاليه

[مشعل القصيم]

ايه صادقين من ناحية السعر الهنديه ارخص بس النيباليه اوضح صوت عشان كذا غاليه

طيب انا بشتري فرخ من 5 او 6 شهور وابيه يكون ذكر كيف اعرف انه ذكر وهو مابعد طلع له الطوق ؟
ولو يقول لي صاحب المحل انه ذكر يكون يعرف يعني آخذ بكلامه؟

[hisham-saif]

حتى تكون في الصورة أرفق لك صور للدرة الهندية والنيبالية

هذا زوج من الدرة النيبالية ولاحظ اللون الأحمر على الجناح إضافة إلى كبر حجمها

http://wishes.debian.co.nz/birds/uploads/Parrots/Alexandrine%20parakeets2.jpg


وفي الصورة التالية 2 ذكور من الدرة الهندية

http://www.indianringneck.com/pictures/ringneck10.jpg

[الأسد الملك]

اخوي يمكن انت متصل على محلات فخمهـ مثل جونـ

هذا يدبلون السعر مرتين

ومثل ماقال اخونا الي بالغربيهـ

سعر الدره الي عندهم زي اسعارنا بالرياض

الدره الهنديه عندنا 250 وتحصلها 200 ريال

هذا بالمحلات العاديهـ وعلى فكرهـ ترى موب مروضهـ

يمكن الي قالك 1000 او 900 ريال يمكنها مروضهـ

وانا قبل كم اسبوع رحت لم محل فيفاء

لقيت دره لونها زي ماتقول ازرق او سماوي فااااتحـ

قالي سعرها 1000 ريال وشكلها حلوو مررهـ

بس خذ نصيحتي اذا تبي توصل للاسعار بالالف

اشترلك كاسكو تلاقيه 900 ريال وقبل كم شهر

والله اني شايف كاسكو فرخ كان مع هندي يبيعهـ

سعره 350 ريال نضييف مرهـ بس مهوب اليف

واي استفسار انا حاظر وتراني من الرياض

والله يوفقك يالغالي

تحياتي الأسد الملك

[مشعل القصيم]

مشكورين اخواني ماقصرتو الله يعافيكم

والاسد الملك المحل اللي اتصلت عليه فيفا ورد علي شكلة سوداني قال لي بـ 800 وماعليها ريش احمر يقصد الهنديه
وين يابووو هنديه بـ 800 ؟؟

وبالنسبه للكاسكو مابيه حساس مره وانا ابي شي يتحمل

بشتري درة من الحراج

[حموود2008]

انا اشتريت درة هندية ب 200 ريال وفي خلال اسبوع صارت تاكل من يدي من داخل القفص وانصحك انك تاخذ الانثى الاسباب

الانثى تتالف بسرعة اكبر من الذكر
الانثى نطقها افضل من الذكر<<مو اكيد بس اني سمعتها من اكثر من شخص
الانثى شكلها اجمل لان الطوق الاسود شكله مو حلو

تقبل مروري اخوك حمود

[حموود2008]

على فكرة الدرة السماوية لقيتها باربعمية في سوق الجمعة المنطقة الشرقية

[بحر السكون]

أنا يا جماعه أخت هذا الاسبوع ببغاء سينغالي اليف وسنه 3 سنوات بس لاحظت انه ما يتكلم ولا كلمه
وياكل من يدي وهتدئ ولكن لا يغرد ولا يتكلم أخذته ب 250 هل يعني هذا انو غشوني يعني وش تنصحوني فيه
ارجعه وأخذ دره بس قالوا لي ب 2000 والامازون ب ألف وثمان وهم صغار والله اسعارنا غاليه
ولا احب ارببي فراخ اخاف يموتوا عندي لانهم شغله ومسؤليه انتظر ردودكم اخواني مشكورين

[مشعل القصيم]

حمود اشكرك على المعلومات :)

احتلات بين الهنديه والنيباليه لكن ان شاء الله بتخذ القرار عما قريب .. :)