تسجيل الدخول

مشاهدة النسخة كاملة : رجعت البيت وما لقيت ليلي

تركوازية
18-01-2009, 03:44 PM
:(

الصبح رحت الدوام و شف ليلي وتمت تتمسح في ريلي و اول مره تكون ودوده معاي...

حاولت تطلع معاي برع بس سكرت الباب..

والحين رجعت البيت ما لقيتها :(

قلبي يعورني عليها لانها مريضه و فيها فطريات وانا تعبانه من اسبوعين اعالجها وفي الاخير تختفي اهيء اهيء اهيء

احاتيها شو بتاكل برع ...كنا مدلعينها في البيت تلاقي اكلها جاهز و مكانها نظيف..والبارحه مسبحتنها....

...انا اللي حسيته انها ردت تطلب تزاوج..لانها فترة هدت و رجعت من يومين تسوي حركات...فهل معقوله طلعت برع تشوف لها ذكر ؟؟؟ لاني البارحه شفتها تسولف مع ذكر بس صغير كان يمكن ما كمل 6 شهور...!!!!!

يا ترى بترجع بعد التزاوج البيت و لا بتضيع ؟؟!!!!!

يا رب تحفظها من كل شر
عاشقهـ الحيوان
18-01-2009, 03:48 PM
يمكن ترجع ويمكن لااا :(

طيب ممكن تدور لها ذكر انتي ليش ما زوجتيها ؟؟:(
يالله ضاعت منك الحين

الله يعينك

ادعي قولي اللهم رد لي ضالتي

ردديها كم مره

:(
خوية ميمي
18-01-2009, 03:57 PM
يووووووووووو و الله كسرتي خاطري
يااااااااااارب يا حي يا قيوم انك تلاقين ليلي يارب

قولي
اللهم يا هادي الضالة يا راد الضالة
ارددلي ضالتي بقدرتك و سلطانك ( ليلي )
إنك على كل شيء قدير

يااااااااااااااااااارب يحميها و يرجعها سالمة لك يارب
محبه الحيوانات
18-01-2009, 04:06 PM
يارب ترجع
Octopus
18-01-2009, 04:07 PM
دور أنت في البيت زين يمكن تكون موجودة فيه وأنت قلت أنك أغلقت الباب وهي حاولت أن تطلع :) يمكن موجودة ومريضة:) وبشرنا:)
تــوري
18-01-2009, 04:16 PM
ياعمري ...

ان شاء الله ترجع لك بسلااامه

بس مثل ماقالت اختي اللهم يا هادي الضالة يا راد الضالة
ارددلي ضالتي بقدرتك و سلطانك ( ليلي )
شــيــمــو....@
18-01-2009, 04:53 PM
انتي متأكده انك صقيتي باب الشارع
اذا كنتي صقيتيه
فهيا اكيد في البيت
دوري عليها كويس ممكن تلاقيها
و أدعي انك تلقيناها وأن شاء الله تستجاب دعوتك
يااارب ليلي ترجع لك..قولي امين
صرااحه رحمتك امبين عليك تحبينها
قطعتي قلبي يا حياتي...
لا تنسين لما تلاقيها ان شاء الله
بشرينا:(:(
شــيــمــو....@
18-01-2009, 05:56 PM
تركوازي خلي باب الشارع اليوم مفتوح يمكن ترجع لك لما تلقاه مصكوك ما تقدر تدخل عشان كذا افتحي باب الشارع...\
moussab
18-01-2009, 06:34 PM
يا حرام حاجه من جد تحزن ^^
طيب سألتى الجيران شى يمكن تكون عندهم
الله يعوضك بأحسن منها وإن شاء الله ترجعلك
sisi_moon
18-01-2009, 08:23 PM
ايي القطوه لما تطلب تزاوج

تحاول تطلع برا البيت

فـ اكيد لو طلعت .. طلعت تتزاوج

الله يهداج المفروض وقت التزاوج لازم ماتخلين ولا باب مفتوح وولا نافذه مفتوحه

لان حتى لو القطوه مرتاحه بالبيت واليفه .. وقت التزاوج غيررر .. تصير تبي تطلع تتزااوج

اطلعي دوري في الحي حقكم ويارب تحصلينها ..

واتوقع اصلا انها بترررجع .. بس بعد دوروا
alaaaawee
18-01-2009, 09:36 PM
هههههههه ذكرتيني بقطتيلما ما كان عندي ذكر
اتوقع انها بترجع لأن اللي عندي كانت تروح تدور على ذكر بس ليله ولما تجوع وترجع
الله يردها لك سالمه
ANGEL
18-01-2009, 09:49 PM
لاااااااااتحاتين ياقلبي قبل شهر قطوتي ضاعت وكان عمرها 3شهور ومن الساعه 7الصبح ادجور عليها وماحصلته لما جاء العصر فقدت الامل وكنت ابكي خصوصا اني توني مقرضه اظافرها وندمت حيل لحد يهجم عليها كيف بدافع عن نفسها00
بس انصحك بهالدعاء دعيته واستغفرت كثير ولله الحمد الساعه12 بالليل سمعنا صوتها عند جيراناوان شاء الله تحصلينها اليوم00
واتمنى تردين ع موضوعي (تكفووووووووووون ساعدووووووووووني) تحت موضوعك ومحتاجه شورك
تركوازية
18-01-2009, 10:16 PM
انا اسفه عالتاخير

لاني صدق زعلانه و حزينه....مب عشان اني ما لقيت ليلي في البيت

حزينه لاني اكتشفت انه امي اللي طلعتها من البيت :(

تقول هاي مريضه و بتمرضنا و من هالكلام.....وايد زعلت....انا مب زعلانه انها طلعت...زعلانه انه طلعت و بعدها ما كملت علاجها....

غصب طلعوها من البيت....مع انه شي ذكوره في الحوي ايون بس ليلي ما تروح لهم ما تحبهم...

استغربت كيف طلعت من البيت و عقب الخدامه قالت لي انه امي طلعتها...

:(

قلبي يتقطع عليها انها مريضه
ANGEL
18-01-2009, 10:19 PM
سوري نسيت لكتب الدعاء (( اللهما ياجامع الناس في يوم لاريب فيه00 اجمعني انا وقطوتي))
وباذن الله تلقينها سليمه والله حاسه فيك ذاك اليوم ماقرت اكل شي حتى لقيتها وتطمنت عليها الله يطمنك ع قطوتك00وادعو لقطوتي بالشفا00وشكـــــــــــرا"
sisi_moon
18-01-2009, 10:27 PM
يا الله ..

تيب حتى لو انها مريضه .. دام انها عندج انتي ملزومه تعالجينها ..

وضحي هالشي حق الوالده ..

وان بالعنايه المكثفه ماراح تعاديج بإذن الله

وضحي لها هالشي .. عشان مايصير نفس الشي لو قطوتج الثانيه مرضت ..

ويارب ترررجع ليلي :)

الله يعينج والله