قطوتي فيها اسهال =(

[mohd.23]

السلام عليكم .. امس عطيت قطوتي سيريلاك واليوم بعد وعجبها واليوم اشوف فيها اسهال ..! الدكتور قالي لا تعطيها سيريلاك وبوقفه بس ابي اعرف لمتى بيبقى الاسهال سوتها ع الارض ووسخت الدنيا =( وسؤال ثاني اوقف عنها الحليب ولا لا ؟ هي عمرها شهر واسبوعين..
شكرا ً

[عاشقة القطاو]

طبعا وقف عنها الحليب ..

أوكي ..عطها دوا دسيكروب ..هو من صيدلية بيطرية ..اذا تقدر ..و هذي صورة له

http://up1.m5zn.com/photo/2009/1/17/11/czo4rx3is.jpg/jpg (http://up1.m5zn.com)


طيب ..اذا ما تقدر تروح صيدلية بيطرية ..روح الصيدلية البيطرية .زوخذ دوا كابتين للإسهال ..و عطها إياه لمدة

خمس أيام ...او اقل ..لين ما شوف الإسهال خف ..و عالفكرة دسيكروب الي هو من الصيدلية البيطرية ..مفعوله

سريع ..

لمعلومات أكثر عن دواء دسيكروب

http://www.2zoo.com/vb/showthread.php?t=76453

[sisi_moon]

دوكسيسيروب مره روعه .. بس مشكلته .. ماتحصله بكل مكان ..

المهم .. اقطع عنها السيريلاك لان هو الي سبب لها الاسهال واعطيها دواء كابتين للأسهال .. هو تبع الاطفال اساسا .. لكن مررره تمام للقطط بعد ..مرتين في اليوم .. 5. ML

اعطيها من الكابتين لين مايوقف عنها الاسهال

بس الحليب اذا من قبل ماتحسست منه .. لاتقطعه عنها .. هي لسا صغيره ومحتاجه للحليب ..

بس خليه قليل الدسم ومخفف بماي .. أحسن

واذا عندك حليب خاص بالقطط بعد حلووو ..

فيه حليب من شركه رويال كانون .. هذا زين .. ماجربته .. بس دامه من رويال اتوقع انه أووووكي


وشربها بيبي لايت ( من الصيدليه البشريه طبعا ) عشان يعوضها عن الجفاف الي يجيها

[mohd.23]

غربلتي تسويها على الارض ='(

اليوم سوتها عند الدكتور وماقالي اعطيها دوا ولا اي شي قالي بس أكلها من أكل البيت ولا تعطيها سيريلاك وخلاص وهو اعطاها دوا للدود يمكن بسببه ؟ وبعدين لازم اعطيها الدوا ولا اذا تعدل اكلها خلاص ؟ والحليب اشربها حليب خاص للقطط الصغار واكلها بعد اللي خلاني اغيره انه كان جاف وكنت احسها تعاني وهي تاكله أول الأيام قلت اعطيها سيريلاك ليّن عليها وحدثت الكارثه :(

[نآني]

اخوي ..,

كيف يعني الحليب جاف ..,؟ تعطيها اياه بودره انت ..؟ ولا كيف

المفروض تخلطه مع الماي وتخففه عشان ما تتعب .. وطمنا عليها