هل هده الاطعمه جميعها جيده؟؟

[البطريقه]

اهلا
شخبار
ان شاء الله بخير

طبعا الكل يعرف كاسيكوي جلكسينو الي مات:(

فحبيت اقول لكم كل الاطعمه الي اعطيها اياه هل هي جميعها صحيه

اول مايابوه عنده حبوب والفواكه المجففه

وطبعا صرت اعطيه بعد قطع من التفاح والجزر المطبوخ
وكل اسبوع اعطيه بيضه
وإذا نسوي سمك يجي ياكل من عندي سمك وعيش وخبز ومبلول بماء
وهو كل يوم يجي على ضوء الشمس يمكن عشان انه بردان
واحيانا يجي ياكل من عدنا خست

هل يوجد خطأ بأي طعام

[مجنون عويشق]

السلام عليكم


اول شي

تفاح ...جزر ...بيضه...فواكه مجففه .....تمام وكل شي مظبوط


سمك ((ليـــه ..وش السبب)))تربين صقر الله يهيديك:rolleyes:


بالنسبه للعيش((الرز))...بعض الطيور وخاصه البلابل ..تتأثر من الرز ويسبب لها تساقط في الريش..لكن هل يحدث هذا مع الببغاوات ((الله اعلم))


والشمس كذلك جيده ..ولكن في حدود المعقول ...يعني لابد نبرد على الطير في الشمس كذلك


اختي الله يعوضك خير ان شاء الله

وربم كان يومه اجله


تحيه طيبه

[البطريقه]

مجنون عويشق شكرا للردك

لكني سمعت انه السمك مفيده للكاسيكو؟!
والارز ايضا سمعت انها مفيده وتقدم مسلوقه لهم؟!

[عاشقة الطيور]

وعليكم السلام ورحمة الله وبركاته

مجنون عويشق ماقصر .. يمكن البهارات الي بالسمج اثرت فيه !

والله يعوضج باحسن منه

[البطريقه]

بس فيه موضوع بالمنتدى مكتوب فيه انه السمك مفيد:(

[عاشقة الطيور]

انا ماقلت انه مب مفيد ..الي قصدته بدون بهارات ودهن :)

[كاسكو حبوب]

صحيح كلام الأخوان

وماقصروا

[مجنون عويشق]

اختـــي .....

لو كان الطير لاحم كلنا ماعليه

والسمك بيكون مفيد علشان الفوسوفور الي فيه ..وبالتالي الموازنه بينه وبين الكالسيوم ...

لكــن قد يكون يومه وقدر رب العالمين


وقد يكون اميبا ...او بكتيريا ..ولم تلاحظي

تحيه طيبه

[بودلال]

السلام عليكم

اولا الله يعوض عليج بالخير

ثانيا الاخوان ماقصرو

ثالثا الرز لازم يكون مشخول عشان يفيد الكاسكو

ورابع اتمنى لج التوفيق والتعويض بالخير

[البطريقه]

شكرا للردود
والرز كان مشخول

[ملكة النت]

يوووووووووووووووووووووه على اللي سويته انا لما مات الكاسكو حقي
كان لسه صغير مرررررره وينام بحضني
وفيوم كان برد كانوا مطلعينه وكان تيار هوا شديد يجي عليه
ما دريت الا الشغاله تصحيني الطير فيه موت قمت مفزوعه
واسوي له نفس صناعي وكان يناظرني بعيونه كأنه يودعني
كان طايح بالشبك لسه ما مات بس لما شلته وحضنته اقول له ايش فيك حبيبي
كان يطالعني بعيونه وكان بيموت وحطيته بالارض و جلست اعمل له نفس صناعي واضغط على جهة القلب
اعمل انعاش<< متأثره بالافلام الامريكيه
جد كنت احس قلبه يبدأ يوقف لما اعمل التنفس يدق سبحان الله
لحد ما حسيت انه خلاص مستحيل يعيش
ضميته وجلست ابكي ابكي كأن مقتول لي احد من قرايبي
حسبي الله على شغالتنا لما علمتني
وجلست اسبوع وانا بحاله نفسية سييييييييييييييييئه
وماهان علي ارميه والا اتركه رحت حنطته اعطيه اللي يحنط ودموعي بعيوني وجلست ابكي
يقول لي راعي التحنيط خلاص والله ترا ببكي معك ،،
المهم لما حنطته ما قدرت اخذه،، رحت وشفته وهو واقف نفس لما كان حي جلست اضمه وابكي
ليييييييييين خلصت دموعي
وقلت له ما راح اخذه ما اقدر كل ما اشوفه اسوي كذا،،
وخليته،،،، :(