رايكم بطائري الكاسيكو صور له + مساعدة!!

[نوسة]

السلام عليكم

واخيرراً رررررجع المنتدى :D

انا شريت لي طير كاسيكو .. وخسارة قبل لا اشتريه كان المنتدى صياانة لكن ان شاء الله اكون وفقت فيه! :rolleyes:
غير مدرب ويجعر كثيير .. الحين صار له اسبوعين ولسة يجعر لكن شوي أخف من قبل!
اول ما شريته كان من يشوف أحد يجعر الحين أي أحد غريب يجعر + اذا قربنا منه يجعر!
لما شريته قال لي عمره سنة وكم شهر .. لكن أنا اعتقد عمره حوالي السنتين او أقل شوي!
عيونه مو صفراا كامل يعني على الحواف اصفر خفييف والنص حول البؤبؤ في بياض على خفيف انتو شوفوه واحكمو :cool:

طبعا عشان اختار الطائر قريت المواصفات المهمة مثل لون فضلاته الله يكرمكم والتنفس ونشاطه والأنف اذا في حواليه افرازات ولا شي والريش اذا كامل ولا لا يعني بنظري الأشياء هاذي متوفرة فيه ويمكن اكون غلطانة والله اعلم :D
كان هناك من بين الطيور أكثر واحد يتحررك يعني حسيته أنشط واحد فيهم .. وتقريبا كل الا شفتهم عيونهم صفرا او اصغر ويكونو خاملين!
وأول ما جبناه البيت صفر مرتين ويطقطق احيانا ويسوي مثل البوسة لوحده!

المهم الحين أنا ابغى اعرف كيف اتخلص من الجعير .. صار له اسبوعين الحين ومن اقرب له ما يسكت ابدااا!!
أنا حطيته في مكان مرتفع يعني حوالي مترين وعطيته فواكه لكن ما ياكل غير الحب الشمسي خخخ!
الحين هو جعيره أخف من قبل .. يعني الحين لما ابدل له الأكل والشرب في البداية ما يجعر يعني حوالي 15 ثانية وبعدها يجعرر ولا يسكت!
والحل زهقنااا لووول .. عارفة يبغى له صبر لكن مو معقولة صبر بدون تدريب ولا شي معلق ويراقب وبس!!
كل ما اسأل قالو لي حطيه في مكان مرتفع وعطيه فواكه سوينا هالشي ما تغير!

على العموم انا مصورته كم صورة عشان تعطوني رأيكم فيه :D
وش نوعه افريقى لو شوو جامبو ولا عادي؟ كم عمره تقريبا؟ كيف أوقف الجعير وهل ممكن يوقف جعير اذا كان كبير ولا ابيعه؟ وأهم شي هل ممكن يتكلم او لا؟؟ :confused:

اخليكم مع الصور + مقطع فيديو له وهو يتحرك في القفص ولما قربت منه جعرر لووول :D

http://up1.m5zn.com/photo/2009/2/11/05/spy37tdzz.jpg/jpg (http://up1.m5zn.com)
http://up1.m5zn.com/photo/2009/2/11/05/cev0prdfs.jpg/jpg (http://up1.m5zn.com)
http://up1.m5zn.com/photo/2009/2/11/05/vlkl494yb.jpg/jpg (http://up1.m5zn.com) [/CENTER]

رابط الفيديو لا حظو بيني وبينه متر تقريبا او اكثر شوي سااكت لما قربت منه جعرر خخخ

http://www.4shared.com/file/87222278/98a75735/P2110062.html

[سماوي الجبه]

طير حلو وبالغ،، حجمه جيد جدا،، العمر مايهم لانك خلاص شريتيه،، كيف توقفين الجعير عليك بوضع القفص في الصاله غصب عنه راح يوقف الجعير، وعليك بلهدو من خلال وضع الاكل عنده في القفص،ولاتكلميه في هذه الفتره لغايه شهر،، وعن الكلام بذن الله بيتكلم وبنفسه بس بعد شهر كلميه اذا حسيتي هداء بس عليكم بلصبر عليه،،

[كاسكو حبوب]

طير ممتاز

بس العيب فيه أنه يجعر ,ان شاء الله قريب ينسى الجعير

[عاشقة الطيور]

وعليكم السلام ورحمة الله وبركاته

اممم ببغائج عووود بالسن ومن رايي اكبر من سنتين .. واذا كنتي مبتدئه يعني اول مره تربين كاسيكو بيكون صعب وايد انج تروضينه وخصوصا انج بنت:p .. حتى لو راح الجعير بتعانين من عضاته حزة التدريب

انا من رايي عشان ماتتعبين ترجعينه واتخذين فلوسج واذا كنتي من السعوديه عندكم بالدمام على مااظن واحد اسمه ابو مصطفى وااااايد يمدحونه ويمدحون انتاجه تاخذين من عنده فرخ وتدربينه على كيفج افضل من انج تضيعين وقتج مع طير عود بالسن


وبالتوفيق

[الكلاسيكي]

وعليكم السلام ورحمة الله وبركاته

اممم ببغائج عووود بالسن ومن رايي اكبر من سنتين .. واذا كنتي مبتدئه يعني اول مره تربين كاسيكو بيكون صعب وايد انج تروضينه وخصوصا انج بنت:p .. حتى لو راح الجعير بتعانين من عضاته حزة التدريب

انا من رايي عشان ماتتعبين ترجعينه واتخذين فلوسج واذا كنتي من السعوديه عندكم بالدمام على مااظن واحد اسمه ابو مصطفى وااااايد يمدحونه ويمدحون انتاجه تاخذين من عنده فرخ وتدربينه على كيفج افضل من انج تضيعين وقتج مع طير عود بالسن


وبالتوفيق

كلام سليم يا اختي

[مجنون عويشق]

السلام عليكم ورحمة الله

اولا اختي نوسه حياك وبياك >>>اسمها يذكره بكرتون ..هههه


في البدايه ..

المفترض ماتعجلتي في شراء الطير ...فهو عمره اكثر من السنتين...فالباتالي صعب تدريبه ..ولكن ليس مستحيل

فأنتي حاولي تكرري معه الجلوس ..بحيث لا أحد غيرك يغير الاكل وينظف المكان ...وحاولي تعطينه باليد .

اذا استمر على هالمنوال ....شهر على الاقل ...حاولي تشوفين فرخ ..يكون سهل تدريبه ..او اخذي واحد جاهز


تحيه طيبه ..

[عبود القبوط]

سلام اختي
أنا كان عندي واحد نفس الطريقه
قالو لي سنه وكم شهر وشريته
وديته لبيطري وشاف عيونه نفس عيون
حقك بالظبط عمره أكثر من سنتين
وصعب تدريبه بالمره الي عندي مابقى شي ما سويته معه
حتى سويت الطريقه الي نطفي النور ونغطيه ببطانيه بس ما نفع
بعته وشريت فرخ ودربته بأقل من شهرين<<<بس طار من عندي وإذا بغيتي
تشترين غيره نصيحه روحي لأبو مصطفى فهو قول وفعل

[ابو سفر]

اختي نووووسه زي ماقالو الاعضاء طيرك سنه كبييييير وفوق السنتين

هو اكيد يتعلم بس راح تتعبين منه

واذا تبغين نصيحتي بيعيه وخذيلك واحد فرخ او واحد جاهز اليف ويتكلم

[مايهم من أكون]

السلام عليكم ورحمة الله وبركاته

مبروك عليج الطير

لاازيد على الاعضاء طير كبير بالعمر

لكن مايمنع انه يتدرب وانه يصير اليف

وانا كان عندي طير بعمره تقريبا

وكان وحشي وماله حل من العض والجعير

وخليته يطلع على اليد في اقل من اسبوع

والجعير خف تدريجيا مع الايام وكل واحد وله طريقته في التدريب

واذا كنتي بتصبرين عليه وبتخلينه شهر ويمكن اكثر عشان يخف الجعير

وكل واحد منا له امكانياته في شراء الطيور سواء اليفه محجله او طيور صيد

وانا افضل طيور صيد على انها تكون صغيره بالعمر وكبيره بالحجم

وانتي مب مجبوره انج تبيعينه صبري عليه وان شاء الله بيسكت

دمتي بود,,,

[7amode]

السلام عليكم

هذا الببغاء عمره اكثر من سنتين

والصراحه انتي تعجلتي في شرائه

وعن الكلام هو بيقدر يتكلم

وعن التدريب يقدر يدربه لازمله واحد مختص

[ابوعبدالله]

السلام عليكم

وانا رايي من رأي الشباب احسن لك ترجعينه على المحل اللي شريتيه من عنده وتاخذين فلوسك وتشترين لك

فرخ وتربينه على اللي تبين بس لايضحك عليك صاحب المحل ويقول بدلي الطير لان شكله نصاب وغشاش.

واستغل انك بنت وماتعرفين في الطيور.. وبالنسبه للمعلومات اللي تعلمتيها من الموقع تفيد لاكن ماتكفي عشان الواحد يشتري طير ..

[نوسة]

مشكورين اخواني على الردود

ما عتقد انه يترجع لأن شريته من السوق وما كنت لحالي :)
والا يقول لي استعجلتي بشرائه ليش يعني؟! لو شريته قبل ولا الحين وش بيغير؟! اذا هذا تقريبا احسن الا كان موجود!
بتقولو لي مواصفات الطير عيونه تكون سودا ومادري ايش هذا كله اعرفه لكن ما شفتهم والا شفتهم خاملين مو حركين!
وانا مو مبتدأة بهم يعني مو من الصفر .. لأن كان عندي واحد لمدة 4 سنوات لكن مدرب بس ما يتكلم يقول بس الو واحنا علمناه الكلام! :D

والله احترت .. ناس تقول عادي يتعلم وناس تقول لااا صعب تعليمه!
ولو صبرت عليه شهر وراح الجعير ليه ابيعه بعد اخليه احسن ولا لا؟!
ولو اخذت فرخ رح يمووت من هالجوو!! :confused:


من ابو مصطفى كيف اوصل له؟؟ متأكدين انه من الدمام؟
وايش يبيع هو؟ يعني محجل ولا غير محجل وفي أحد عنده فكرة عن اسعاره؟؟
وهل يشتري بعد لو بس يبيع؟


يعطيكم العافية

[عاشقة الطيور]

الاعضاء قصدهم استعجلتي يعني يااختي الي بيشتري الكاسيكو مب بالطريقه الي شريتيها ... جوفي اختي المعروف ان الكاسيكو العود بالعمر صعب توليفه وشي طبيعي لو رحتي محل بتحصلين كبار بالعمر وقليل مابتحصلين صغار وبصحه ممتازه فأحنه شنسوي نسأل قبل ونروح نجوف حال السوق والاسعار .. وعن ابو مصطفى في له موضوع الاخ فاهمهم جزاه الله خير كتب عنه وهذي رابط الموضوع http://www.2zoo.com/vb/showthread.php?t=89592

والاعضاء الي يقولون لج يتدرب لكن صعب معاهم حق لكن يبي له صبر وطولة بال بعكس الفرخ
اذا انتي عندج استعداد تصبرين وتتحملين اشهر ويا الكاسيكو الي عندج هذي شي راجع لج اما اذا ماكان عندج صبر وماقدرتي ترجعينه بيعيه ومابيب لج سعر عالي طبعا المهم وتواصلي مع ابو مصطفى

وبالتوفيق

[كاسكو حبوب]

مثل ماقلوا الأخوان كبير في السن

[مجنون عويشق]

السلام عليكم


اختي نوسه

بالنسبه للفروخ الي قلتي عنها وكانوا نوعا ما خاملين ..

غالبا الفروخ تنام كثير ...وتاكل كثير ...

واذا تبين النصيحه بل ماتشترين شي...

حاولي تتواصلين معنا ...يعني تحطين صور ..ومن هالقبيل

واذا انتي في الاحساء ...وودك بشي زين ..انا اقدر اتواصل مع بعض الشباب يشوفون لك شي جاهز ومرتب ويتكلم وووووووووو


ونخدمك كأخت عزيزه


بالتوفيق

تحيه طيبه

[نوسة]

انا ما شفت فرووخ افريقي على 4 او 6 شهور .. كانو اظن كوري حاجة كذا يجي غاااامق هو.. مو التمنة
الا شفتهم كانو هالعمر او اصغر في الحجم لكن العيون نفسها خخخ :D

على العموم رح اصبر عليه شهر ما بستعجل!

وخالي يعرف شخص يبيع طيور رح اعطيه اياه يشوفه ويعطيني رايه
احتمال اني ابيعه واستبدله بفرخ .. لكن قولو لي كم تسومه الطير حقي يمكن بعد غشني بالسعر هههه :D
انا ما بغى هولندي محجل قلتوو ان المصيود صحته أفضل!

لو باخذ فرخ غير مدرب ايش افضل عمر؟ وكم تتراوح اسعاره؟
يعني من 6 شهور إلى سنة

[محــ15ــمد]

اولا : البائعين ما يخافون الله في بيعهم هذا عمره سنه وشهرين الله عليهم هذا فوق السنتين

المهم بيعه واشتر واحد غيره

بالتوفيق

[princesya]

يحليله الله يخليه لج

[نوسة]

يسلموو يا لبرنسيسة :)

[princesya]

ماشاء الله على الكاسكو شكله حبووب بس يعض؟

[princesya]

.......

[نوسة]

اذا تقصدي الا عندي يعض او لا .. فهو اكيد يعض لأنه مو مدرب :)

[prince69]

السلام عليكم ورحمة الله وبركاته ................. نصيحه اختي بيعيه واشتري واحد ثاني صغير يتعلم بيدج ويعرفج من صغره احسن ....... لأنه هذا كبير بالعمر اعتقد فيه اكثر من سنتين والله أعلم .......... وشكرا

[عبود القبوط]

أختي إذا كنتي تبغين تشترين فرخ
أستني اسبوعين وبعدين اخذي واحد على وقت نزلته
وعلى الي عندك في محل بالخبر سويكت
قدام بنك الأهلي لو تروحين له وتعطينه الطير يصرفه لك بطريقته
بسعر خياااالي أنا الي نفس حقك بعته بالف وميتين عنده هو
وطيور ابو مصطفى محجله تقدرين تتفقين معه اني واخوك وتروحين له
او تدقين عليه وتاخذين أميله ويوريك أنتاجه بالماسن
أتمنى اني افدتك اختي وطيرك إذا تبغينه ما يعض بهاذا السن ما في الا
طريقت العصا بين الفكين بس بعدين بتتندمين لانه بيصير أشرس
وإذا تبينه شوي يصير اليف حطيه بالغرفه وغطيه وفتحيله أياه أنتي
وسكريه له ونضفي قفصه وجلسي ناضري فيه دقايق يعني علميه أنك مهتمه فيه
ترا إذا صار أخف شراسه يعني يجيب سعر وتشترين فرخ أحسن

[محمد سلماني]

الله يعين علية شكلة صعب ويبقي لة صبر

عطينا خبر ادا تدرب

[فتفوته]

رجعيه بيتعبك
وخذيلك فرخ بعمر 7 اى 8 شهور

[7amode]

السلام عليكم اختي

انا بس بجاوبك على الأسئلة

اولا : طبعا اختي يقدر يتكلم وعلى فكرة الببغاء يلي يجعر له القدرة اكثر على تعلم الكلام

ثانيا : على ما اظن نوعه كاسكو جامبو

ثالثا : اكيد يمكن وقف جعيره بس يباله تقريبا شهر انا خليه متل ما هو في مكان مرتفع وحافظي على اكله وشربه ورشي عليه مي بالبخاخه كل يومين تقريبا او يوميا

بس الله يهديك ويصلح لو اشترتي واحد فرخ صغير وما يجعر متل ما انا شويت ما كان احسلك

وشكرااااااااااا

[kh200063]

السلام عليكم

اولاً : مبروك عليك الطير

ثانياً : الطير كبير في السن بس مش مهم انشاء الله يتعلم ويتكلم بس يحتاج الى صبر ووقت

حاولي ترفيعي موقع القفص متر ونص فوق الارض

وتضعينة في الصالة

وتحاولي تعطيه الاكل بيدك بس بعد حوالي عشرين يوم من الشراء

وشكرا

[رمــادي]

ماقصرو الاخوان :)

[سكر]

السلام عليكم ورحمة الله وبركاته

اختي نوسة شكل الردود حطمتك.

اول يوم كتبتي الموضوع كنتي متحمسة وواثقة, ومتوقعه دعم معنوي, وآمالك عالية.

وأضنك الحين متأثرة وثقتك في انك تروضي ببغائك صارت قليلة,,, ومن هذا القبيل.

بس أحب أوصل رسالة لكل الأعضاء اننا لما نقول استعجلتي وليتك ما شريتيه وما شابهه من عبارات, ايش الهدف اللي نبغى نوصل له بهذا الكلام؟

أو ايش اللي بنضيفه للأخت نوسه؟

يعني بيتروض لما نقول لها كذا؟


اللي تحتاجه الأخت نوسه هو الدعم والتوجيه.

أنا أعتقد انها كانت تقدر تروضه قبل ما تكتب الموضوع, لكن الحين أشعر انها ما بتقدر بسببنا احنا.

أتمنى انك تدخلي على هذا الرابط:

http://www.2zoo.com/vb/showthread.php?t=93408

وهذا الببغاء تقريباً مثل اللي عندك وفي ساعات تغير واستجاب, وعلى فكرة ما يتقارن أبداً باللي عندك, اللي عندك يعتبر دلووع جنب اللي في الرابط.

أرجو ان الاخوة الكرام ما يشيلون في خاطرهم علي لكن والله أنا من النوع اللي ما احب ((اللوم)).

أو العبارات السلبية.

احنا البشر روضنا الأسود والنمور بأعمارها المختلفة وحتى الحوت وأسماك القرش بأحجامها.

حتى الفيل خلينا مثل الهرة.

تعتقدون اننا ما نقدر نروض ببغاء مهما كانت مواصفاته؟؟؟

اذا أنا وجهت مشكلة معناها أنني لم أستخدم الطريق الصحيح.

أي أن المشكلة في أنا وليس في الأحداث التي حولي.

أحب مبدأ الأخذ باليد وليس الضرب على اليد.

كتبت هذا الرد لأني أثق في نواياكم وأتوقع منكم التفهم لما ذكرت.

تحياتي

[Madrid Spirit]

احنا البشر روضنا الأسود والنمور بأعمارها المختلفة وحتى الحوت وأسماك القرش بأحجامها.

حتى الفيل خلينا مثل الهرة.

تعتقدون اننا ما نقدر نروض ببغاء مهما كانت مواصفاته؟؟؟


هذا الكلام الصحيح

اختي لتعرفي شيئا

الطائر يروض باي عمر و باكثر من وسيله

كل مافي الامر ان ياخذ مجهود اكثر

شخصيا ارى الطيور الكبيره اضمن صحيا

يعني اذا جبتي فرخ

عرضته للمرض و الوفاة 75%

عكس الطائر الكبير اللي تكون عرضته اقل بكثييييييييييييير من هذا الرقم و هذا هو الشيء الاهم طبعا

بالنسبه للتعليم كما قلت لك

بحاجه لوقت و صبر منك

اعطي الطير كل الحب و الحنان و الثقه اللي يحتاجها

ثم باذن الله تلاقي طيرك مغرم فيكي و يحاول يسعدك

من رايي الان خليه يتعرف على البيت

ضعيه بمكان مرتفع

اجلسي امامه و حدثيه 10-15 دقيقه كل يوم تقريبا 3 مرات

لمده 5 ايام ثم اقلك ما الخطوى التاليه لتعليم الببغاء

باذن الله سابقى معك خطوه بخطوه لو احببتي

و سيكون ببغائك باذن الله كما تريدين و اكثر

[mhmd70000]

مبروك اختي طير ماشاء الله جميل

[أم صوفي]

حالتي مثل حالتكـ

والله تعقدت يوم قريت الموضوع

بس كلام أخوي سكر
عين العقل ايش يبي يمنعه لو حاولنا وصبرنا شوي

الله يعييين