mfarouk27
13-02-2009, 05:03 PM
السلام عليكم و رحمة الله و بركاته
أكيد فيه مننا كتير جداً عندهم قطط مون فيس زيي كده و برضه أكيد كلنا لما بدأنا نربي قطط و نشتري خاصة من المحلات إتضحك علينا و باعولنا قطط مون فيس مش بيور و طبعاً معظمنا ماكانش فاهم أي حاجة زيي برضه وقتها و الموضوع ده أنا أعددته علشان ماحدش يتضحك عليه تاني و مصادري في جمع المعلومات ديه كانت من 4 جهات:-
1-أكتر من طبيب بيطري.
2-التجار اللي عندهم ضمير بجد و أهل للثقة .
3-بعص المعلومات عن طريق الانترنت.
4-مقارانات عملتها بين قطط كتير شفتها سواء على الطبيعة أو حتى الصور و قارنت بينها من خبرتي المتواضعة جداً.
ملحوظة:-
الموضوع ده عملته بمجهودي الشخصي و مش منقول و يا رب أقدر أفيدكم و أفيد اللي عايز يشتري و نلحقه قبل ما يتدبس زينا كده (والله أحلى تدبيسات أنا بعشق قططي البيور و اللي مش بيور)
نبداء بكلمة مون فيس عادي و مون فيس فلات و الفرق بينهم:-
يؤسفني أني أقوللكم إن مفيش حاجة إسمها مون عادي و مون فلات
*أولاً :- الوجه
الوجه بيحسب طولياً و عرضياً
أولاً طول الوجه:-
المون العادي اللي وشه (الوجه) فيه سحبه لقدام أو زي ما بنقول في مصر (بوز) ده مش بيور بيكون داخله تهجينة ممكن تكون رومي أو حتى بلدي و ده بيظهر من شكل الانف زي ما هاشرحلكم لاحقاً. (للأسف ده منتشر جداً لدجة إن من كتر ما عنيننا أتعودت عليه و من كتر ما سمعنا إنه مون فيس أصبح بالنسبة لينا مون فيس).
المون الفلات فديه كلمة بيقولوها أصحاب المحلات علشن يدفعونا أكتر شوية.
القط المون وشه مش مستوي تماماً يعني لو فردت كف أيدك على وشه هاتلاقي فيه فرق بسيط جداً بين مستوى الأنف و الفم و بين مستوى الرأس (على عكس البيكن فيس اللي بتحس إن وشه مضغوط (متطبق) لجوه خاصة الانف , أو حتى الهاف بيكن اللي بيكون وشها كله في مستوى واحد).
ثانيا:- إستدارة الوجه
مفيش قطة وشها مدور و أخر طويل (بدليل أي قطة وشها مدور لما بتحميها و الشعر بيتبل بتلاقي وشها أخد شكل الرقم ٧ أو حرف الV ).
اللي بيفرق هو طول الشعر اللي بيغطي منطقة تحت العين ( الخدود) كل ما طول الشعر ده بتلاقيه مفرود على الأجناب لذلك بيدي إستدارة أكتر للوجه و هو ده المفروض في القطط الشيرازي عامة.
و كل ما قل طول الشعر و ظهرت إستطالة الوجه كل ما تعرف إن القطة داخلها تهجين).
ثالثاً :- العيون
معروف عن القطط الشيرازي إن عيونها بتكون مستديرة و كبيرة الحجم .
رابعاً :- الأنف
المون فيس بتكون أنفه أطول من باقي فصائل الشيرازي لكن طبعاً مش طويلة جداً يعني بتكون بعد العينين بمسافة مش كبيرة (بصراحة مش عارف أشرحها إزاي لازم صورة) لكن عموماً الأنف الطويل تلقائياً بيدي شكل البوز اللي إتكلمنا عليه في الأول بالتالي لو مفيش بوز هاتلاقي الأنف قصيرة نسبياً و مستقيمة الي حد كبير.
خامساً :- الفم
الفم و الأنف بينهم علاقة عكسية بمعنى ( القطط عموماً بيكون فمها على شكل رقم ٨ ) بالنسبة للشيرازي عموماً كل ما أرتفعت الــ٨ أكتر كل حجم الأنف بيكون أقصر و بالتالي كل ما البوز اللي قلنا عليه بيقل في المون فيس
(طبعاً في الهاف بيكن و البيكن الحسابات و النسب ديه بتكون أدق)
علشان كده لو القطة أنفها طويل هاتلاقي الفم نازل لتحت أكتر و هاتلاقي البوز مسحوب لقدام أكتر و أطول و طبعاً هاتكون القطة مهجنة.
ثانياً :- الرأس و الأذنين
*في المون فيس مفيش حاجة إسمها أذن قصيرة و أخرى طويلة و لكن:-
* كل ما كان الشعر بين الاذنين و حواليهم شعر طويل كل ما إختفت الأذنين و أخذت شكل أصغر (نفس فكرة الشعر على الخدود) و بنفس الدليل (لما بتحمي القطة بتلاقي حجم الأذنين كبر)
* طبعاً بالعكس كل ما يكون الشعر قصير كل ما بيظهر كبر الأذنين و هنا تعرف إن القطة مش بيور.
***ثالثا :- الشعر
القطط الشيرازي عموماً بتتميز بالشعر الطويل الكثيف و ده من العوامل اللي بتخلي الناس تفضلها على باقي فصائل القطط و في أغلب الأحيان بيكون الشعر طويل و ناعم و متهدل لكن ده مايمنعش إن فيه منها قطط بيكون شعرها خشن و ده مابيقللش من مدى نقاء الفصيلة.
بالنسبة لطول الشعر بيكون طويل و كثيف و ده اللي بيدي للقطة الشيرازي شكل ضخم مع إنها ممكن تكون رفيعة لكن مانقدرش ننكر إن طول الشعر مرتبط أيضاً بنوع الأكل اللي القطة يعني المأكولات البحرية غالباً لها تأثير سلبي على شعر القطة أما الخضار و الكبدة و الجزر منتجات الألبان بتطول الشعر بمعنى أدق (الفسفور بيوقعة و الحديد و الفيتامينات و الكالسيوم بيساعدو على نموه)
لو بقى حد عنده قطة مون فيس فيها كل المواصفات اللي فاتت تبقى بيووووووووووووووووووووور
أسف طولت عليكم و ياريت اللي يمر و يستفاد من الموضوع يحتسبلي الأجر عند ربنا
شكراً لوقتكم
أكيد فيه مننا كتير جداً عندهم قطط مون فيس زيي كده و برضه أكيد كلنا لما بدأنا نربي قطط و نشتري خاصة من المحلات إتضحك علينا و باعولنا قطط مون فيس مش بيور و طبعاً معظمنا ماكانش فاهم أي حاجة زيي برضه وقتها و الموضوع ده أنا أعددته علشان ماحدش يتضحك عليه تاني و مصادري في جمع المعلومات ديه كانت من 4 جهات:-
1-أكتر من طبيب بيطري.
2-التجار اللي عندهم ضمير بجد و أهل للثقة .
3-بعص المعلومات عن طريق الانترنت.
4-مقارانات عملتها بين قطط كتير شفتها سواء على الطبيعة أو حتى الصور و قارنت بينها من خبرتي المتواضعة جداً.
ملحوظة:-
الموضوع ده عملته بمجهودي الشخصي و مش منقول و يا رب أقدر أفيدكم و أفيد اللي عايز يشتري و نلحقه قبل ما يتدبس زينا كده (والله أحلى تدبيسات أنا بعشق قططي البيور و اللي مش بيور)
نبداء بكلمة مون فيس عادي و مون فيس فلات و الفرق بينهم:-
يؤسفني أني أقوللكم إن مفيش حاجة إسمها مون عادي و مون فلات
*أولاً :- الوجه
الوجه بيحسب طولياً و عرضياً
أولاً طول الوجه:-
المون العادي اللي وشه (الوجه) فيه سحبه لقدام أو زي ما بنقول في مصر (بوز) ده مش بيور بيكون داخله تهجينة ممكن تكون رومي أو حتى بلدي و ده بيظهر من شكل الانف زي ما هاشرحلكم لاحقاً. (للأسف ده منتشر جداً لدجة إن من كتر ما عنيننا أتعودت عليه و من كتر ما سمعنا إنه مون فيس أصبح بالنسبة لينا مون فيس).
المون الفلات فديه كلمة بيقولوها أصحاب المحلات علشن يدفعونا أكتر شوية.
القط المون وشه مش مستوي تماماً يعني لو فردت كف أيدك على وشه هاتلاقي فيه فرق بسيط جداً بين مستوى الأنف و الفم و بين مستوى الرأس (على عكس البيكن فيس اللي بتحس إن وشه مضغوط (متطبق) لجوه خاصة الانف , أو حتى الهاف بيكن اللي بيكون وشها كله في مستوى واحد).
ثانيا:- إستدارة الوجه
مفيش قطة وشها مدور و أخر طويل (بدليل أي قطة وشها مدور لما بتحميها و الشعر بيتبل بتلاقي وشها أخد شكل الرقم ٧ أو حرف الV ).
اللي بيفرق هو طول الشعر اللي بيغطي منطقة تحت العين ( الخدود) كل ما طول الشعر ده بتلاقيه مفرود على الأجناب لذلك بيدي إستدارة أكتر للوجه و هو ده المفروض في القطط الشيرازي عامة.
و كل ما قل طول الشعر و ظهرت إستطالة الوجه كل ما تعرف إن القطة داخلها تهجين).
ثالثاً :- العيون
معروف عن القطط الشيرازي إن عيونها بتكون مستديرة و كبيرة الحجم .
رابعاً :- الأنف
المون فيس بتكون أنفه أطول من باقي فصائل الشيرازي لكن طبعاً مش طويلة جداً يعني بتكون بعد العينين بمسافة مش كبيرة (بصراحة مش عارف أشرحها إزاي لازم صورة) لكن عموماً الأنف الطويل تلقائياً بيدي شكل البوز اللي إتكلمنا عليه في الأول بالتالي لو مفيش بوز هاتلاقي الأنف قصيرة نسبياً و مستقيمة الي حد كبير.
خامساً :- الفم
الفم و الأنف بينهم علاقة عكسية بمعنى ( القطط عموماً بيكون فمها على شكل رقم ٨ ) بالنسبة للشيرازي عموماً كل ما أرتفعت الــ٨ أكتر كل حجم الأنف بيكون أقصر و بالتالي كل ما البوز اللي قلنا عليه بيقل في المون فيس
(طبعاً في الهاف بيكن و البيكن الحسابات و النسب ديه بتكون أدق)
علشان كده لو القطة أنفها طويل هاتلاقي الفم نازل لتحت أكتر و هاتلاقي البوز مسحوب لقدام أكتر و أطول و طبعاً هاتكون القطة مهجنة.
ثانياً :- الرأس و الأذنين
*في المون فيس مفيش حاجة إسمها أذن قصيرة و أخرى طويلة و لكن:-
* كل ما كان الشعر بين الاذنين و حواليهم شعر طويل كل ما إختفت الأذنين و أخذت شكل أصغر (نفس فكرة الشعر على الخدود) و بنفس الدليل (لما بتحمي القطة بتلاقي حجم الأذنين كبر)
* طبعاً بالعكس كل ما يكون الشعر قصير كل ما بيظهر كبر الأذنين و هنا تعرف إن القطة مش بيور.
***ثالثا :- الشعر
القطط الشيرازي عموماً بتتميز بالشعر الطويل الكثيف و ده من العوامل اللي بتخلي الناس تفضلها على باقي فصائل القطط و في أغلب الأحيان بيكون الشعر طويل و ناعم و متهدل لكن ده مايمنعش إن فيه منها قطط بيكون شعرها خشن و ده مابيقللش من مدى نقاء الفصيلة.
بالنسبة لطول الشعر بيكون طويل و كثيف و ده اللي بيدي للقطة الشيرازي شكل ضخم مع إنها ممكن تكون رفيعة لكن مانقدرش ننكر إن طول الشعر مرتبط أيضاً بنوع الأكل اللي القطة يعني المأكولات البحرية غالباً لها تأثير سلبي على شعر القطة أما الخضار و الكبدة و الجزر منتجات الألبان بتطول الشعر بمعنى أدق (الفسفور بيوقعة و الحديد و الفيتامينات و الكالسيوم بيساعدو على نموه)
لو بقى حد عنده قطة مون فيس فيها كل المواصفات اللي فاتت تبقى بيووووووووووووووووووووور
أسف طولت عليكم و ياريت اللي يمر و يستفاد من الموضوع يحتسبلي الأجر عند ربنا
شكراً لوقتكم