ابي نصيحتكم في ببغاء جديد

[عبادي والجو هادي]

ابي نصيحتكم

ابي اشتري ببغاء ثاني غير (( الكاسكو ))

المواصفات :

شكل جميل
ذكي
بسرعه يتعلم
ما يتعبني
قوي المناعه

[عاشقة الطيور]

السلام عليكم ورحمة الله وبركاته

عندك المكاو .. الامزون .. الكوكاتو

ادخل المواضيع المثبته واقر عنهم والي يعجبك اشتريه

وبالتوفيق

[عبادي والجو هادي]

شكرا جزيلا

[prince69]

السلام عليكم ورحمة الله وبركاته عندك المكاو بس هذا يبيلك مزاج وخبره والمكاو معروووف انه يحب صاحبه حيل والطير مزاجي من الدرجه الاولي ................ والكوكاتو طبعا يحب اللعب والرقص ويعطيك جو في البيت .......... والامزون ..... يعتبر من الطيور الي يحفظ الجمل الطويله وذكي بدرجه قويه وبسرعه يتعلم الكلام وسعره فيه ..... واتمنى اني قدرة اقولك من القليل الي انا اعرفه والسموحه وانا أخوك

[ابوعبدالله]

اخوي عبادي اذا مستعد تدفع مبلغ كبير

انصحك بالامازون يلوناب

[جـ AraB ـدة]

سلام عليكم اخوي عبادي
انصحك بي الامازوني يلوناب.. وتحياتي للجميع

[مجنون عويشق]

السلام عليكم

اخوي الكريم ..

عندك المكاو ..ولكن المكاو يحتاج الى خبره ...وذلك لكبر الحجم ...السعر غالي ...الطير يحتاج الى عنايه ..فهو ليس بأي ببغاء^_^

الامازوني ..جميل ورائع ...وتقدر تشتريه ..ولكن البعض سعره غالي ...وحتى لو ماعندك خبره اخذه

الكوكاتو ...جميل ولعوب .ولكن يحتاج الى خبره ..هو والمكاو ليس بأي شخص يربيهم

والسبب ...يحتاجون الى صبر ...الصوت عالي جدا ....القفص كير مره ...يحتاج الى وقت خارج القفص

تحيه طيبه

[سكر]

أنصحك بالأمازوني ابتداءً من اليلو ناب ثم الدبل هد

اسعارهم فوق ال6000 وانت ماشي

واذا تبغى حول ال3000 تاخذ امازوني بلو فرونت

هذي الأنواع لعوبة ومتكلمة وصحتها ممتازة

وما تحتاج جهد كبير

اما اذا تبغى كوكاتو فهو شكل صراحة حلو ولعووب درجة اولى لكن كلامة قليل ويحتاج عناية.

اذا تبغى أرخص من كذا

تقدر تحول على الدرة النيبالية.

تحياتي

[FSOLY]

امزووني يلو ناب .. ولا تفكر ..

بس غالي يعني لو يموت عليك راحت عليك حول ال 9000 ريال ..

[مجنون عويشق]

اخوي ..

اذا بتشتري ..وانت حاب فكرة وجود ببغاء معك ..وربي وهب لك فلوس وعندك خير ..لاتفكر في خساره ومالى ذلك

فكل واحد فينا مايضمن يغمض عينه ......

ولو فكرنا كذا كان ولا واحد فينا قال ابي ادرس واكمل وهكذا

بالتوفيق

[ابو سفر]

عبادي ...خذلك فرخ مصيود افريقي سوبر جاااامبو عينه سوده ...ولاتنساني من دعواتك..

[clair de lune]

أمنيتي نفس أمنيتك ..

محتارة جداً ... أبي طير آليف ولعوب ومتكلم وشكله حلو ..

[bady2006]

اخوي
كم حاط سعر الطير
شوف انا عندي جميع الببغاوات ما عدى الكوكاتو والمكاو لاني احب الببغاوات الي تتكلم
عندك اليلوناب طير ملكي وفنان
او البلوفرنتد وانصحك تاخذه جامبو شكله احلا ورخيص
واخر شي عندك الدبل يلوهد بس تراه بعد غالي
والله يوفقك

[عبادي والجو هادي]

اشكركم جدا جدا

لكن اقدر اربي طيرين في غرفه واحده عشان ما ابي اهمل الكاسكو ولا الببغاء الثاني

والسعر الي في بالي يصل الى 4500 وعلى فكرة تراه في تزاود ( السعر )

.. و بالتوفيق ..

[عبدالله عيسى]

من ناحية قوة المناعة انصحك بالدرة الهندية او النيبالية

بس النيبالية اكبر وافضل من ناحية الكلام واذا بتشتري

خذ لك درة اليفة وتاكل وتصعد على اليد

[الأسد الملك]

والله ياعبادي بدامك بتوصل للسعر 4000 انصحك تاخذ امزوني

شكل حلو وممتاز ومايحتاج تعب ولا شي

ولك الاختيار موفق اخوي

[guys]

اخوي انصحك باليلو ناب

بس يبي له شوية قروش

انا ميزانيتي ماتسمحلي الا الرمادي
علشان كذا اذا بك شدة انصحك باليو ناب
تحياتي لك