مشروع القطط

[alaaaawee]

يا جماعه انا بسوي مشروع انتاج قطط ذكر و3 او 4 اناث بمكان واحد ارضيه سيراميك وحوضين للتراب بدون ما احجز الذكر لحاله لأن ما عندي وقت الاحظ فترات التزاوج ؟ هل بيتزاوجون طبيعي لأن ناس قالو ما ينفع الا انك تلاحظ فترات التزاوج وتخلي الذكر بمكان لحاله وتشيل كل انثى وتحطها معاه هل المشروع بينجح او اظل على ذكر وأنثى وبس انتظر افادتكم

[sisi_moon]

لا عااادي ..

خليهم كلهم ويا بعض .. اي أنثى تطلب تزاوج راح يلقحها الذكر .. حتى لو بوجود قطط اناث ثانيه ..

ومشروعك ناجح بإذن الله ^^

[alaaaawee]

يرجى الافاده اكثر عشان اقرر

[alaaaawee]

يا سيسي اخاف يتعودون على بعض وما عاد يتزاوجو؟؟؟؟

[sisi_moon]

الاااا

يتزاوجوون .. ليبه مايتزاوجون .! ..

ناس كثير عندهم قطط من سنين .. وهم كل مايطلبون تزاوج يتزاوجون وتحمل وتولد الانثى ..

لان وقت التزااوج كل واحد فيهم يفرز ريحه ويطلع صوت يجذب الثاني له ^^

قليييل من الاناث ماترغب بالذكر الي معها بالبيت .. بس قليل .. الاغلبيه عادي مافي أي مشكله

[alaaaawee]

ها يا جماعه ما في خبرات او ناس مرت عليكم بمثل هذي المشاريع

[ابو عابد]

واللهـ يا alaaaawee

ماعتقد فيه مشكلهـ

لأني شفت برنامج على قناة انمل بلانيت

وحدهـ حاطه ببيتها 7 قطاوهـ وذكر واحد

ويتزاوجون عادي ،،،

وحتا عيال القطاوهـ يعرضونها للتبني من كثرهم

والله يوفقـ الجميــع

[ابو عابد]

والقطاوهـ بعد اعمارهم من 5 سنوات وفوق

[آنـــــو]

عادي أخوي كان عندي 3 أناث وذكر .. وأي وحده كانت تطلب التزاوج كان الذكر يلقحها

لأن الأنثى وقتها تفرز ريحه تجذب الذكر .. حتى لو هي متربيه معاه وماترغب فيه

هو بيمسكها غصب ..

وهالشي صار عندي أخوان أثنين متربين مع بعض الأنثى لما بلغت ماتناظر في أخوها ولاتبيه كلش

وكله تلحقني أنا .. بس هو يمسكها غصب

فـ لاتشيل هم .. وبالنسبه للمشروع بشكل عام حاول تبدا فيه حبه حبه

يعني تجيب الذكر ومعه أنثتين أذا شفت عندك أستطاعه ومقدره ماديه ووقت تجيب ثالثه

وهكذا .. حتى ماتتبهذل .. لأن كثرة عدد القطط يبيله جهد ووقت وميزانيه

الحين عندي أكثر من 2 كبار وكيتينز وطفشت منهم خاصه الفتره الأخيره أنشغلت وأهملتهم ولولا الشغاله كان خاسوا ..

وبالتووفيق أخوي ..

[قطوتي لوسي]

لا حطيهم مع بعض ايوه بيتزاوجون طبيعي
ومشروعك ناجح بإذن الله ^^

[alaaaawee]

شكرا لكم ولردودكم جميعاً