قطوتي حامل + مصابه بالفطريات + مشكله بالعلاج .. !! [الأرشيف]

nobody-know-me

16-02-2009, 02:28 PM

السلام عليكم ..

شخباركم شلونكم شمسوين ..

موضوعي فيه اكثر من شغله ..

وابي رايكم فيها ..

اول شي قطوتي ( شيري ) اذا تذكرونها يوم كانت صغيررره ..

الحين كبرت ماشا الله صار عمرها 11 شهر و صارت عروس ..

و زوجتها قبل 16 يوم ( اول تزاوج لها ) ..

و هذي صورتها قولوا ماشا الله .. ;)

http://photos-e.ll.facebook.com/photos-ll-snc1/v2123/62/91/598439116/n598439116_1383692_6091.jpg

و هذي صورة قطو يشبه بالضبط العريس الي زوجتها عليه ( British Long Hair ) ..

:D

http://photos-e.ak.fbcdn.net/photos-ak-sf2p/v650/62/91/598439116/n598439116_1476980_833.jpg

الى هنا كل شي تمام ..

لكن ..

بعد اسبوعين من جبتها من محل القطط الي زوجتها فيه ..

لمحت تحت فمها حبتين لونهم اسود / رمادي .. :eek:

تحت فمها مباشره ..

فحصت جسمها و راسها و خلف اذنها ..

وشفت فيه تساقط للشعر ورا الاذن ..

عرفت ان الموضوع فطريات .. :( :confused:

اشتريت الدوا الخاص به و الشامبو ..

لكن فيه مشكله كمان بالموضوع هذا ..

الدوا الشراب موضوعه سهل ..

والمرهم على شعرها كمان موضوعه سهل ..

لكن المرهم الي احطه تحت فمها .. بمجرد اني احطه .. تقوم تلحس فيه .. :confused:

فمادري وش اسوي بهالنقطه ذي ؟؟ هل المرهم بيعمل مفعووووله حتى لو لحسته والا لا ؟؟

و اذا مافي فايده منه بعد ماتلحسه .. وش اسوي ؟؟

وكمان الشامبو .. مدري اذا يصلح احممها فيه و هي حامل او لا ..

اتمنى تردوون علي باسرع وقت ممكن لاني خايف ياثر هالشي على حملها و خايف تعديني بعد .. :confused: :confused:

oOKittyOo

16-02-2009, 03:27 PM

بخصوص المرهم ما ادري ...ان شاء الله الاعضاء يفيدونك..

بس في بخاخ للفطريات اسمه لامزيل نصحتني فيه سي سي مون واستعملته لقطوتي

وهي حامل والحمدلله راحت الفطريات قبل ما تولد لأني كنت خايفه على صغارها ينعدون منها

والحلو فيه انه بخاخ يعني ما تقدر تلحسه...

إن شاء الله اكون أفدتك

nobody-know-me

16-02-2009, 03:32 PM

مشكوره اختي عالمرور و الرد ..

طيب ممكن تقولي لي من وين شريتي البخاخ ؟؟

يعني من صيدليه و الا من محل قطاوه ؟؟

لاني انا ادرس بالاردن و محلات القطط الي هنا ماعندها البخاخ ذا ..

سبق و ان جا لشيري فطريات و نفس الحكايه قالت لي سيسي عن البخاخ ..

بس ماحصلته ولا ادري من وين ..

ف ممكن تقولي لي من وين شريتيه ؟؟

و مشكوره مقدما ..

oOKittyOo

16-02-2009, 03:35 PM

العفو أخوي ...:)

البخاخ من الصيدليات البشريه هو أصلا علاج للفطريات للبشر مو للحيوان ..

وحتى الدكتور اللي وديت قطوتي عنده قال استمري عليه حتى تشفى من الفطريات ..

واستعماله يكون مرتين باليوم ..أنا كنت احط لها مرة في الصباح ومرة في الليل...

ثويمر

16-02-2009, 03:43 PM

اهلين ... اول شي مبروك مقدما وبالنسبه للذكر حلو ... وماتشوف الحلوه شر انشالله
بالنسبه للمرهم مافي اي مشكله بس ادهنو كويس .. فحتى لو لحستو مافي اي مشكله انشالله لانو راح يكون قليل... بس انت بعد ماتحط الكريم حاول تشغلها ... لعبه او امسكها بس حوالي عشر دقايق وبس ..... بالنسبه للحبوب نيزورال نافعه جدا بس ماتقدر تعطيها لانها حامل .. . بالنسبه للبخاخ اللي تقول عنو الاخت حلو كمان .... ومكان الفطريات لازم يكون نظيف على طول .. تقدر تنظف بديتول مع استخدام فرشه لفرك القشور وازالتها ( مثلا فرشه اسنان مثاليه لعمليه تنظيف الفطريات) لانها تحك المكان وتبعد القشور بعدها يكون المكان نظيف وجاهز لدهنه بالكريم ( لاميزول او نيزورال)
واهم شي تحممها مرتين بالاسبوع بشامبو نيزورال وتخليه عليها مده خمس إلى عشر دقائق الشعر كامل وتركز على الاماكن المصابه علشان لو في مكان ثاني مصاب يقضي علىه الشامبو ...

وانشالله ماراح تكمل عشر ايام او اسبوعين إلا وهي نظيفه تمام ... بس حتى لو طلع الشعر خفيف استمر على الشامبو والكريم والتنظف لانو لو اهمل ممكن يرجع مره ثانيه ....

بالسلامه انشالله
اتمنى اكون افدتك
شكرا

nobody-know-me

16-02-2009, 03:44 PM

اها ..

حلو والله ..

اخر سؤال و اااااسف عالاطاله ..

اذا ممكن تعطيني اسمه العلمي و اسمه التجاري ..

تشوفينهم مكتوبين عليه او على الكرتون والاكيد بتحصلينهم بالبروشور داخل الكرتونه ..

بليززززززززز عشان اطلع الحين و اشتريه ..

:rolleyes:

oOKittyOo

16-02-2009, 03:51 PM

للأسف النشرة والكرتون رميتهم ..

بس عندي العلبة وهذا اللي مكتوب عليها وان شاء الله تحصله في الصيدليه..

lAMISIL
terbinafine hydrochloride 1%
spray

وشامبو نيزورال كمان ضروري عشان القشور مثل ما قال اخوي ثويمر...

ولا تنسى تطمنا عليها ...:)

nobody-know-me

16-02-2009, 03:59 PM

اخوي - ثويمر -

الله يبارك فيك و تسلم و الله ..

المشكله بالمرهم اخوي انو ماقدر اشغلها لمدة عشر دقايق زي ماقلت ..

لانو بمجرد ما احط المرهم تصير تلحس على طوووول ماعندها اي وقت ..

و زي مانت عارف صارت كبيره ماشا الله عليها و حامل كمان ف مالها خلق للعب ابدا ..

وطبعا اصااااارعها مصارعه لين احطه تحت فمها - مكان الحبوب - ،،

اما بجسمها ف عادي ماعندها اي مشكله ..

حاليا مافيه اي قشور ابدا ..

الي فيها منطقة - قد الظفر الكبير - خاليه من الشعر خلف اذنها + حبتين لونهم رمادي تحت فمها و معااانااااتي مع هالحبتين بس ..
والا الشعر و جسمها كامل و المرهم عليه و موضوع الشامبو هذول متعود عليهم ..

بس مكان الحبوب تحت الفم !!!!!!!

هذي الي اول مره تصادفني و مو قادر احلها بسبب لحسها للمرهم ..

----

اختي - oOKittyOo -

مشكوره و ماقصرتي و ان شا الله احصله بالصيدليه ..

PINK COCKATOO

16-02-2009, 04:03 PM

طيب ممكن صور لتحت فمها .. انا قطوتي نفس الحكايه طلبت تزواج وزوجتها وماحملت زوجتها مره ثانيه وجت جابت معها فطريات + براغيث .. والحمدلله تم علاجها .. ( استخدم للفطريات الي كانت ورا اذنها مرهم وشامبو من الصيدليه البشريه وللبراغيت نفس الشامبو + مشط البراغيت + طوق للبراغيت ) والان طلبت تزواج الله يستر شو بتجيب هالمره ..:p ..
وتأكد من الي تحت فمها انا وديتها البيطري قالي فطريات فطريات ..!! ولما بحثت في الكتب الي عندي لقيتها براغيث مو فطريات ..!
واذا تبي اسماء الادويه انا حاضره ..!

ثويمر

16-02-2009, 04:09 PM

انت حاول ما تحطو تمسحو زين عشان يتشربو الجلد بسرعه
فحتى لو تلحس بعدها راح يكون اغلب العلاج اتشربو الجلد عادي
بس حاول تخلي المنظفه نظيفه وبس وانشالله تطيب بسرعه .

nobody-know-me

16-02-2009, 04:10 PM

راح ارفق الصوره .. بس خل اصورها ..

nobody-know-me

16-02-2009, 04:11 PM

ان شا الله اخوي ..
و ماقصرت صراحه ..
دقايق بس اصورها ..

nobody-know-me

16-02-2009, 04:36 PM

اسف عالاطاله ..

هذي هي الصوره ..

http://www.pusup.com/up/get-2-2009-zcxpndt7.JPG

و اسف انها مش واضحه كمان ..

بس عجزت معها لين طلعت هالصوره ..

زي مانتو شايفين .. حبتين تحت فمها .. وحده صغيره ووحده كبيره ..

طلعو صدفه قبل يومين بالضبط ..

عاشقة القطاو

16-02-2009, 04:50 PM

...مثل ما قالو لك الإخوان المهم ..

استمر على الأدوية و بيطب ان شاء الله..و ايي سؤال حاضرين

nobody-know-me

16-02-2009, 04:56 PM

مشكوره اختي عالمرور و الرد و ماقصرتي :) ..

آنـــــو

16-02-2009, 08:25 PM

هذي فطريات وأمرها سهل

واحد من الكتينز اللي عندي طلع فوق وبجنب فمه بقعة صلع لونها أسود أول ماشفته حسبته
حرق و أستعملت له بس لاميزيل ماشفت نتايج ملحوظه

وجربت مطهر البيتادين وشفت نتايج سرررريعه وممتازه والشعر بدا يطلع
ومازالت مستمره عليه + شامبو نيزورال بديت فيه من يومين لأن بالموت حصلته بالصيدليات عندنا

ولأن قطوتك حامل صعب تروشها بس خذ شوي من شامبو النيزورال وأخلطه بمويه

وأمس المناطق المصابه مع الأستعمال الدائم والمستمر للاميزيل أو البيتادين وتقدر تخففه بمويه

ومثل ماقال ثويمر أشغلها شويه مسح عليها أو لعبها حتى يتشرب الجلد العلاج وماتلحسه

وماتشوف شررر..

sisi_moon

16-02-2009, 10:13 PM

يازيييينها والله ..

الفطريات الي فيها بسيطه وعلاجها سهل

والعلاجات كثيره .. لاميزيل ( بخاخ ) نيزورال ( مرهم وحبوب وشامبو ) كانستن ( محلول و مرهم ) وغيروو وكلهم من الصيدليه العاديه حقتناا

جربتهم انا على قطاوتي كلهم ..

وكلهم والله حلوووين ، بس المراهم ماحسيتها نفعت حيل على ان كثير استفادوا بس مع قطاوتي مو مره نفع ، البخاخ والمحلول احس مفعولهم أقوى

والحبوب طبعا أقوى شي ، بس لاتستخدمه بما انها حاامل

البخاخ تررجه وبخ على صبعك ( لان عند فمها ) ودلك المكان المصاب ، الين ماتحس امتصته الجلده عشان لما تلحسه مايروح مفعوله ونفس الحال لماا تستخدم الكريم او المحلول ، دلك المكان كوووويس /

وعقم المكان المصاب وطهره على طوول .. باستخدام ديتول مخفف او بيتادين / بس البيتادين أضمن ^^ ، وحممها بشامبو نيزورال

واستمر على العلاج 20 يوم ، وعقم أرضيات البيت والاماكن الي تجلس فيهم بكثره بكلوركس مخفف ( هالشيئين عشان الفطريات ماترررجع )

وكمان انتبه لنفسك لان يمكن تكون فطرياتها معديه .. فـ وقت ماتعطيها العلاج البس قفااز

والله يخليها لك يااارب وتولد على خير

ونورت من المنتدى خيو من جديد ^^

nobody-know-me

17-02-2009, 01:00 AM

ولأن قطوتك حامل صعب تروشها بس خذ شوي من شامبو النيزورال وأخلطه بمويه

وأمس المناطق المصابه مع الأستعمال الدائم والمستمر للاميزيل أو البيتادين وتقدر تخففه بمويه

مشكوره اختي و ان شا الله بسوي بنصيحتك .. :)

والحبوب طبعا أقوى شي ، بس لاتستخدمه بما انها حاامل

البخاخ تررجه وبخ على صبعك ( لان عند فمها ) ودلك المكان المصاب ، الين ماتحس امتصته الجلده عشان لما تلحسه مايروح مفعوله ونفس الحال لماا تستخدم الكريم او المحلول ، دلك المكان كوووويس /

واستمر على العلاج 20 يوم ، وعقم أرضيات البيت والاماكن الي تجلس فيهم بكثره بكلوركس مخفف ( هالشيئين عشان الفطريات ماترررجع )

وكمان انتبه لنفسك لان يمكن تكون فطرياتها معديه .. فـ وقت ماتعطيها العلاج البس قفااز

ونورت من المنتدى خيو من جديد ^^

مشكوره اختي سيسي عالرد و المنتدى منور باعضائه ..

وان شا الله تروح هالفطريات و ارتاح من همها ، و تولد بالسلامه ..

nobody-know-me

17-02-2009, 01:02 AM

و هذي صوره للادويه الخاصه بالفطريات الي اشتريتها اليوم ..

http://www.pusup.com/up/get-2-2009-o1asi7lv.JPG

:)

sisi_moon

17-02-2009, 03:02 AM

حلووو ..

بس ماعرف منهم الا اللاميزيل

اما البقيه اول مره اشوفهم ، بس لو كويسين ونفعوا اعطينا خبر ^^

بس الشامبو معطيك اياه البيطري او لا ؟ واذا مو منه سالت البيطري لو يناسب القطط او لا ؟

nobody-know-me

17-02-2009, 03:07 AM

الشامبو و الشراب و المرهم اعطاني اياهم دكتور بيطري بوصفه طبيه يعني ..

وجبتهم من صيدليه عاديه ..

الا ابي اسأل صحيح ..

شنو هي اعراض انتقال العدوى - الفطريات - من القطط للانسان ؟؟

sisi_moon

17-02-2009, 03:36 AM

اممم

احساس الانسان بالحكه في الموضع المصاب ، وتكون الاصابه بظهور حبه صغيره ، بعد فتره تكبرر وتاخذ شكل دائري ، واحيانا يكون سطح الحبه رطب

nobody-know-me

17-02-2009, 03:44 AM

والله انا صراحه واليوم بالذات ..

صرت احك بشعري شوي .. و بوجهي .. و برقبتي .. حكه خفيفه ..

و صار بصدري مثل الحبوب الحمرا ..

تقريبا 3 و ظهري 2 بس مافيهم حكه و مافيهم رطوبه ..

بس احك بشعري و وجهي و رقبتي زي ماقلت ..

ياخوفي اني انعديت بس :confused: :confused: :confused:

sisi_moon

17-02-2009, 04:03 AM

والله احيانا من الوسواس يصير كذا

انا يوم موني صغيره ماذكر ايش جاها بالضبط لكن مو فطريات

انا ظنيتها فطريات .. وقمت أحك وحالتي حاله حتى طلعت لي حبببه

على ان موني اساسا مافيها فطريات

وعالعموم .. عشان تتطمن أكثر رووح للدكتور .. لاتقوله على طول عندي قطوه مريضه

لان بعض الدكاتره اول ماتقولهم كذا على طول بيقولك ايوا انت انعديت منها و مادري إيش وهو مايدري وين الله قاطه

قوله عن الحكه و خليه يشوف الحبات الي طلعت لك .. ولو فطريات بيقولك ^^

ولو انعديت ترا العلاج بعد سهل ..

وماتطول الفطريات في الانسان قد القطط

بس استخدم علاج وكلها كم يوم وترووح

nobody-know-me

17-02-2009, 04:10 AM

ابستنى لين بكرا بالليل ..

اذا شفت الموضوع بعده راح اطلع عالدكتور و اشوف شسالفه ..

عالعموم طمنتيني ..

مشكوره :)

sisi_moon

17-02-2009, 04:33 AM

ولوو .. ^^

وان رحت للدكتور طمنا عليك ^^

nobody-know-me

18-02-2009, 07:25 PM

تساقط الشعر زاد و كبرت مساحته .. :confused:

هذا اليوم الثاني مع الادويه ..

الله يستر ..

شكلها صار يكسر الخاطر من جد .. :(

sisi_moon

18-02-2009, 08:48 PM

ماعلييييه ..

استمر عالعلاج بعد وان شاءالله فتره بسيطه وتبدا تتحسن ..

والله لو انها مو حامل كان قلنا لك تستخدم لها حبوب نيزورال لانهاا خطييييييييره بجد

هي الي أنهت شي اسمه فطريات

وماعليه اذا على الشكل

انا ساشا جتها براسها .. نص راسها تقريبا من فوق صار مابه شعر .. وتحت عينهاا بعد .. يعني جلده عينها مره مره مره باانت وصار شكلها حيييل يعور القلب

و أهم شي نظف المكان قبل تحط العلاج زي ماقالك خيو ثويمر .. عشان المكان يصير نظيف ويووصله العلاج مضبووط

nobody-know-me

20-02-2009, 04:17 AM

يالله بسيطه ..

هذا انا مستمر عالعلاج الحين و ان شا الله تتحسن صحتها وتولد بالسلامه ..

بس عندي سؤال ..

بما انو هي الحين - تلحس - شوي من المرهم ..

وبما انو هي ببداية حملها - باليوم الـ 20 - ..

ماياثر المرهم الي تلحسه على الاجنه الي ببطنها ؟؟

سويت هارت

20-02-2009, 04:55 AM

الله يشفيها

انا بستي حصل معاها زي كذا ..

واضطريت اطلعها برى البيت علشان ما تعدي البقيه ...

تقبل مروري

sisi_moon

20-02-2009, 07:41 AM

تطلعين قطوتج للشارع وتعرضين حياتها للموت

عشان جتها فطريااات !!

ياحبايبي

لما نشتري قطوه المفروض نكون مسؤولين عن اي شي يصييير

هذي روح مو لعبه ..

يعني مو نشتريها حق وناسه بس

هذي روح واحنا اذا شريناها موسؤولين عنها

وذنبها برقبتناا

mina assad

20-02-2009, 05:48 PM

from doctor mina assad:
first of all your cat havn't taking any systemic antifungal.
so you can touch with betadine lotion at the place of lesion and then touch with drug called trosyid lotion.
this happen three times daily.

but you have first make sure that is fungal infection not mange or scabies

this previous medication given to cat if it pregnant
but if it not you can give systemic antifungal as follow:
active principal called itraconazole 100 m.g
open capsule and divide it into four quarter and each one taken every day for 8 days then rest for one week and taken other dose like previous one for one week too.

قطوتي لوسي

21-02-2009, 05:51 PM

هاي
بنسبة للفطريات اسمه لامزيل
استخدمه لقطوتي لوسي
اما بنسبه المرهم ماادري

nobody-know-me

25-02-2009, 12:52 PM

اسف جدا عالتاخير بالرد ..
بس انشغلت اشويه ..

عالعموم الوضع بتحسن الحمدلله و بدا شعرها ينبت من جديد ;) ..

- سويت هارت -
مشكوره عالمرور و الحمدلله ماعدتني بس شكلي كنت اتوهم خخخخخ :D

- sisi_moon -
كلامك كله صح .. و عين العقل .. :cool:

- mina assad -
all the medications that i have for my cat are prescribed from the veterinary ..
so dont worry bro. and thnx for advice :) ..

- قطوتي لوسي -
مشكوره عالمرور و انا اشتريت كل الادويه و حطيت صورتهم ..
اذا قريتي الموضوع كامل بتشوفي الصوره والادويه كامله .. :rolleyes: