تسجيل الدخول

مشاهدة النسخة كاملة : طبيب نفساني للببغاء ؟

سلوشي
18-02-2009, 09:15 AM
السلام عليكم ورحمة الله وبركاته

ما ودي أطول عليكم بس أنا قبل أسبوعين شريت ببغاء بس المشكله أذا قرب عنده يصارخ و يزاعج


أحتى أي واحد يقرب عند يصارخ ( سئلت عن هذا يقولون أنه كان يعذب من قبل أطفال )


ورحت سئلت ألي شريت منه قال أن عيالي دايم يعذبونه و يطقونه


والببغاء جاه حااااااااااااااااااا:Dاااااااااااااله نفسيه أذا أحد يقرب عنده يصارخ


( هل من حل )
افريكانو
18-02-2009, 01:27 PM
و عليكم السلام و رحمة الله و بركاته ،،

كل مشكلة اخي و لها حل انشاء الله

الله يعينك اخوي على مشكلتك و الله يسامح صاحب الببغاء الاول على الي سواه فيه حراام و الله

و انا قول يبيلك تحاول تكسب ثقة الببغاء فيك و انصحك ان عطه اسبوعين على الاقل محد يقرب للقفص و يكون تصرف طبيعي في العائلة غير له الاكل و الماء و نظف القفص و خله الين يتعرف على الاشخاص الي في البيت و يحس بامان و ان ماحد راح ياذيه و بعده ابدا كلمة هديه اذا كان متوتر حاول تكلمه بدرجة صوت متوسطه و حركاتك ما تكون سريعة و غير متوقعه على شان يحس انك ما راح تاذيه و انشاء الله بعد فتره راح يتغير ويحس بامان معك و تروح الحالة النفسية الي عنده حاول تحط العب له بالقفص يكون القفص حجمة كبير و يفضل القفص الي يكون اعلاه ستاند علشان ياخذ راحته و طبيعة المكان تؤثر على نفسية الببغاء

تقبل مروري و اجتهادي و ان شاء الله الاعضاء يفيدونك اكثر
ابو عبد الملك
18-02-2009, 02:46 PM
اش نوع الببغاء
حط الببغان في محل مرتفه مثلا=فوق الثلاجه
خله اسبوع او اسبوعين
الين ما يسير تعود
بعدين شيل عنه الاكل لمدة ساعه
وبعد الساعه اعطيه الاكل اليحبه بيدك
مجنون عويشق
18-02-2009, 06:36 PM
السلام عليكم


اخوي الكريم ...

اول شيء ....غلط اشتريت الببغاء من صاحبه الاولي ..فهو لايستحق ببغاء ..بل يستحق عقرب !!!
للأسف الغرب صاروا افضل منا في معاملة الحيوانات ونحن الاولى

ثاني شيء ...هل صاحبك ((مزعج الطيور))..متأكد أنه مروض ...أقصد هل طيرك متروض من قبل ...ولا ماش متروض


اذا جاوبت السؤال فلكل حادث حديث


تحيه طيبه
7amode
18-02-2009, 06:58 PM
السلام عليكم

طبعا في حل

انا نشاء الله بنزل موضوع عن التعامل الصحيح مع جعير الببغاء الرمادي الأفريقي

و ان شاء الله حنزله قريبا جدا

يعتي هل اسبوع

وشكرااااااااا
عبود القبوط
18-02-2009, 07:24 PM
أخوي حطه بغرفتك
وغطيه بالليل الساعه7تقريباً
وشيل الغطا الصبح وجلس سولف معه ربع ساعه أول ما تفتح القفص
وبالليل إذا جيت تغطيه أجلس سولف معه ربع ساعه بعد
لمدت ثلث ايام وإذا جيت تسولف معه خله بمكان هادي في غرفتك أحسن
وبعد الثلث أيام شيل الاكل منه من الليل وغطيه وتعال له الصبح بدري لأنه بيكون مييت جوع
طلعه برا ووكله بيدك وجلس سولف على راسه وهو ياكل بصوت هاااااادي
كل ثلث ايام سوها وبتشوف النتيجه

اخوي لا تقول اني موسوس أقول سولف معه يعني أجلس ردد 3كلمات على راسه
واهم شي سميه مثل :فوفو حبيبي قلبي عمري
يمكن يلقط وحد أو ثنتين منهم وكل ماتجي تكلمه أهم شي الأسم بالبدايه
وغذا شلت الأكل شي الموي لأن يمكن يحسبه أكل ويخنق نفسه

إذا نفعت عطني خبر
عبود القبوط
18-02-2009, 07:25 PM
انا مجربها وطبعاً
لازم يصير كذا لانه ما تعود على البيت
مجنون عويشق
18-02-2009, 08:20 PM
اخواني ...نبي نتأكد من الاخ هل طيره مروض اسااسا ...ثم نشوف حل لمشكلته


تحيه طيبه
كاسكو حبوب
18-02-2009, 08:29 PM
أخوي يمكن الطير مهب اليف
سلوشي
21-02-2009, 07:15 PM
مشكورين الله يجزاكم ألف خير ما قصرتوا