مشكلة كاسكو ودرة

[clair de lune]

عندي كاسكو عمره سنة ونصف غير اليف
ودرة نيبالية عجوز

حاطتهم عندي بغرفة نومي بعد مايأست من تدريبهم وتعليمهم
وكلهم اقفاصهم مفتوحة
مااعطيهم اكل الا لين ادخل لعل وعسى يتكلمون او على الاقل يوالفون .
الدرة خوافة جدا
الكاسكو ياكل من يدي بس مايبي المسه

تعبت معاهم وش الحل علموني ولا بطيرهم ..
عادي احطهم مع بعض ؟

الدرة جناحها غير مقصوص
الكاسكو مقصوص

الدرة لها 3 سنوات عندنا بس من اسبوع قررت اعتني فيها واخليها عندي بدل ماهي عند الخدامة.
الكاسكو له 4 شهور .

شوفو لي حل الله يرضى عليكم ..

[مجنون عويشق]

السلام عليكم

اختي ....دائما اقول ...الصبر ثم الصبر ثم الصبر ,,,بالنسبه للدره انتي قلتي بلسانك في احد مواضيعك انك ماكنتي تهتمين فيها

والكاسكو ..بما انه اكل من يدك فهذا شي طيب ..ومعناها راح يتطور الامر ان شاء الله...ولاتستعجلين ..انا كان عندي كاسكو ..اساتمريت معه قرابة ال8 شهور ..وبعدين قام يطلع على يدي


تحيه طيبه

[clair de lune]

الدرة ماكانت لي ولاكان لي صلاحيات المسها ..
طيب فيه امل تصير اليفه .. لاتتكلم مابي تتكلم بس على الاقل ماتخاف اذا قرب لها احد ..

ومشكور

[clair de lune]

مافي اقتراحات
مساعدات
شي ؟

[مجنون عويشق]

ممكن اختي ..مافي شي مستحيل ..ولكن يتطلب محاولة اطعامها والجلوس معها اغلب الوقت


تحهي طيبه

[clair de lune]

شكراً ..

[AmaZony]

اولا بالنسبه الى الدرة بتاخذ وقت اكثر علشان تتألف
وعتقد ان اذا مابتاكل من يدك خل لها اكل و قعد معاها طالعها تحاول ان تلعب معاها
والصراحة انا قليل الخبره مع الدره بس هاي رايي
الكاسيكو جميل دام انه ياكل من اليد هل يطلع على يد بعد او لا؟
لا تلمس الريش اذا مو راضي لان لحين متخوف
اكليه وشربيه من اليد اذا حاب
وعرفي شنو يحب من الاكل بضبط و شنو الا مايحب؟؟
ولما تدخلين الا الكاسيكو وباب القفص مفتوح صح وهو جوعان مدي يدج داخل عشان ركب جوفي شنو ردت فعله
اذا مارضى قربي له اكله عشان يجوف بس لا تأكلينه وبعدين مدي يدج عشان يركب وكرري المحاوله كذا مره
ادري ماراح يركب فعطيه الاكل الا مايحبه
وطريقه الثانيه تخلين الاكل على يدج تقريبا في وسط الكف او البعد ويكون الاكل مفضل لديه وتقربينه منه بحيث ان مايوصل الا الاكل لما يركب على يدج وياخذ الاكل
طريقة الثالثة ان تخلين له اكل بره القفص وهو بروحه يطلع ياخذ الاكل وبعدها تمدين لج يده وتخلينه يركب
وقول لج لا تكونين عنيده معاه وايد لانه شوي خايف معاج او مومتأكد منج لان توه تارك مربيه الاولي
فصبري عليه وان شاءالله خير

[doaalkrwan]

ارجو من الاخت ان تدخل هنا وسوف تجد ما تبغى
www.zoo4arab.com

[البطل]

كلام مجنون عويشق صح