المساعد الشخصي الرقمي

مشاهدة النسخة كاملة : قطوتي تعودت على المعلبات شو الحل

غالي الاثمان
22-02-2009, 11:05 PM
يعطيكم العافيه
عندي مشكله وابي لها حل
قطوتي من يوم صغيره متعوده
على الاكل المعلبات انواع اللحوم
ابي اعودها على اكل البيت
لان قطوة رفيجي ماشاء الله
تاكل كل شي من البيت وصحتها احسن من صحة قطوتي
ويعطيكم العافيه انتظر ردكم ولا عليكم امر
ولد ابو متعب
22-02-2009, 11:16 PM
ايه هذا خطآآآ كبير من تعودها على المعلبات

لأني عانيت مثلك من المعلبات سعرها غالي و يالله تلقاها . . . .

فيه اكل بالسوبر ماركت يكون بأكياس هذا صحي لهم

و حاول تحط لها دجاج من البيت و لا تحط لها معلبات جرب اذا شفتها مره ماتبيه

حط لها معلبات او الاكياس الي قلت لك عنها

تحيآآتي

~ ~ ~ ~
sisi_moon
22-02-2009, 11:27 PM
ايي انا بعد عانيت ويا موني اول ماشريتهاا .

شوف خيوو

اخلط لها اكل البيت مع المعلبات

بحيث تكون كميه المعلبات اكثر من ااكل البيت

وبعدين شوي شوي قلل كميه المعلباات الين يصير كله من أكل البيت ^^

وبهالطريقه بتحب اكل البيت
مهووس الحيوانات
22-02-2009, 11:40 PM
عندي لك أحسن طريقة ، عطها أكل بيت وخله عندها ، ولو تبغى تاكل بكيفها ولا تموت أحسن ، أكيد بتاكل بدل ماتجوع ، لأن القطط أحيانًا تاكل أي شي من الجوع مو بس أكل البيت ، فإذا تعودت على الطريقة ، بيصير عادي ..
عاشقة القطاو
23-02-2009, 10:22 AM
كلام اختي سيسي ...صح ..اما كلامك يا مهوووس الحيوانات ..خطأ×خطأ...لأنه هذي طريقة تموت القطة ..و على الفكرة ..القطط ..عندهم شوي عناد..
رمــــــاد
23-02-2009, 02:23 PM
انا رأيي نوعاً من رأي مهووس بس مو بالشكل اللي قاله الله يهديه ههههه

حبيبي غالي شيل اكل قطوتك قبل ساعتين من موعد غداك , وبعدين اعطيها الاكل بيدك , لان احيانا القطوه مايكون عندها مشكله تاكل بس من يد صاحبها زي قطوتي اذا حطيت اكل البيت على السفره ماتاكله لازم اعطيها بيدي , المهم انت اعطيها في صحنها تكون جيعانه طبعاً يمكن تاكل شوي المهم انها تذوقه , بس اهم شي انك لاتعطيه الاكل وهي شبعانه لانها اكيد ماراح تاكل الا الاكل اللي متعوده عليه وتحبه , واذا زي ماقالوا الاخوان خلط الاكل مش كويس لانه ممكن يطول وتتكون فيه بكتيريا تضر القطوه .
sisi_moon
23-02-2009, 02:41 PM
رماد .

وليه الأكل يطوول ؟؟

يخلط كميه من هذا وكميه من هذا

والكميه كلها تعادل وجبه وحده بس ^^

يعني الكميه الي تكفي القطوه مو زياده

واغلب القطاوه يتقبلون الاكل الثاني بالطريقه هذي

وطريقه الاكل باليد انا جررربتها . تصير القطوه ماتاكل الا من يدك .. تحطه لها بصحن تاكل شوي واحيانا تشمه بس وتقوم

عالعموم .. غالي له الحريه يجرب اي طريقه .. وفيه يجرب الطريقتين ^^
رمــــــاد
23-02-2009, 02:55 PM
طيب انا اسف ليش معصبه :)
CAT36
23-02-2009, 05:43 PM
والله انا نفس المشكله

بس انت جرب تخلي

الأكل موجود طول الوقت

اكيد بتاكل من الجوع
آنـــــو
23-02-2009, 05:51 PM
خلط الأكل طريقه حلووه وتنفع

أحيان أذا سويت دجاج وكثرت من الخضار أو جربت صنف جديد قططي مايتقبلونه ويرفضونه

فـ أخلط شوي رويال كانن معه ،، تشهيهم ريحته وياكلون كله .. وبالتووفيق
sisi_moon
23-02-2009, 07:03 PM
طيب انا اسف ليش معصبه :)

لا أبدا والله ماعصبت ^^

بس حسيتك فهمت كلامي خطأ

وحبيت أوضحه

فقط لا غير خيووو ^^
CaRni
24-02-2009, 02:19 AM
اهلا بك ..
كلام سيسي صح جدا ..
انت حاول دائما تخلط لها الاكل المعلب مع اكل البيت ..
و ممكن تستبدل المعلب بـ ( دراي فوود ) بيكون افضل .. و تخلطة مع اكل البيت ..
و ده هيكون افضل حل ..
و بردوا ممكن تخلي الاكل امامها و هي بتاكله لو من غير المعلبات .. لانها هتضطر تأكله ..
لكن متطولش المدة عليها من غير المعلبات علشان كدة هيكون حرام عليك ..

انت جرب الطريقة دي .. و ان شاء الله تنفع ..
و الحكاية دي محتاجة وقت .. يعني مش من اول يوم هتستغنا استغناء كلي عن المعلبات ..
و لكن شوية شوية ..
و مستنيين اخبارك ..

CaRni
غالي الاثمان
28-02-2009, 02:38 AM
تسلمون وماقصرتو