اي سؤال عن الببغاوات من هنا

[PARROTS]

السلام عليكم ورحمة الله

اعزائي الإخوان والأخوات

انا عضو جديد في هذا المنتدى الرائع
ولكن لدي خبرة عالية في مجال الببغاوات

وأي سؤال يخطر في بالك فلدي جوابه

انتظر الأسئلة منكم
وانتظروا الاجواب مني لكم

تحيااااااتي

[ابو سفر]

ماشاء الله ..

حياك الله ...


ويالله انا اول واحد راح يبدأ معاك

عندي كوكاتو كان ريشه معدوم بس جلست اروشه كل اسبوع واشمسه كل يومين والحمدلله حاله تحسن اكثر من اول..

وكل يوم حاله يتحسن اكثر ولله الحمد .. بس ياليت اذا في اكل معين يكون في فايده للريش تقلي اش هو عشان اعطيه ؟؟؟؟؟

ولك مني اجمل تحية....

[عازف الكيبورد]

حياك الله أخوى بين ربعك وأخوانك

[Hamza KH]

شرفت المنتدى ونورت أخونا PARROTS
على كل حال ما نحب نطول عليك
كان عندي ببغاء إفريقي عمره سنتين , ربيته لمدة ثلاث شهور
وخلال هذي الفترة تقدم معي تقدم رهيب جداً , بديت معاه كان وحش خلال ثلاث شهور صار أليف وتعلم بعض الحركات
وبعته بسبب عمره الكبير وعشان أتفرغ لدراستي
والحيين ناوي أشتري واحد
حاب تعطيني العمر المناسب عشان أبدأ معاه ويكون صغير
وبالنسبة للي يقولوا أن البغاء الأنثى تحفظ بسرعة وتنسى بسرعة والببغاء الذكر يحفظ ببطؤ وما ينسى !! هل هذا صحيح ؟
وكمان الأنثى تحب المدرب الرجل والذكر يحب المدرب مرأة ؟؟
وسؤال بعيد شوي عن الإفريقي .. كيف أميز عمر الدرة المطوقة؟

وأرجوا إفادتي
وإن شاء الله ما أكون طولت عليك
وأشكرك على المبادرة الطيبة منك

[مجنون عويشق]

السلام عليكم

حياك وبياك اخي الكريم ..وراح نساعدك ان شاء الله في حل مشاكل الاعضاء


اخوي HAMZA ...لافرق بين ذكر او انذثى في قدرة الكلام او الحفظ ...فلافرق بينهم ...واترك عنك الي يقولك هالكلام ....وهذي مجربه ...ومأخوذه من دراسات ...


اخوي بو سفر .....الذره ممتازه للريش ...ولسلامته ...


بالتوفيق للجميع

[hassan maroc]

السلام عليكم.انا البارح كنت اكل بطاطا مسلوقة يعني فريت مقطوعة اشتريت وجبة من محل وكان معاها فريت وكنت اكل جنب الببغاء فديتو قطعة من الفريت واكلها كلها وديتو تانية واكلها.هل هو نافع للببغاء ام مضر هدا سؤالي

[PARROTS]

شرفت المنتدى ونورت أخونا PARROTS
على كل حال ما نحب نطول عليك
كان عندي ببغاء إفريقي عمره سنتين , ربيته لمدة ثلاث شهور
وخلال هذي الفترة تقدم معي تقدم رهيب جداً , بديت معاه كان وحش خلال ثلاث شهور صار أليف وتعلم بعض الحركات
وبعته بسبب عمره الكبير وعشان أتفرغ لدراستي
والحيين ناوي أشتري واحد
حاب تعطيني العمر المناسب عشان أبدأ معاه ويكون صغير
وبالنسبة للي يقولوا أن البغاء الأنثى تحفظ بسرعة وتنسى بسرعة والببغاء الذكر يحفظ ببطؤ وما ينسى !! هل هذا صحيح ؟
وكمان الأنثى تحب المدرب الرجل والذكر يحب المدرب مرأة ؟؟
وسؤال بعيد شوي عن الإفريقي .. كيف أميز عمر الدرة المطوقة؟

وأرجوا إفادتي
وإن شاء الله ما أكون طولت عليك
وأشكرك على المبادرة الطيبة منك

وعليكم السلام

إذا بتشتري كاسكو اشترى العمر من 7 اشهر إلى 9 اشهر هذا افضل عمر لتدريب

وبالنسبة لسؤالك للي يقولوا أن البغاء الأنثى تحفظ بسرعة وتنسى بسرعة والببغاء الذكر يحفظ ببطؤ وما ينسى فالحواب لا ما اظنه كذا

والسؤال الانثى تحب الرجل و الذكر يحب المرأه فهذة خرافات لا اكثر فانا لدي كاسكو انثى ولا تحبني

والنسبه لتميز العمر
تفضل الرابط من هنا (http://www.2zoo.com/vb/showthread.php?t=74344)

[PARROTS]

السلام عليكم.انا البارح كنت اكل بطاطا مسلوقة يعني فريت مقطوعة اشتريت وجبة من محل وكان معاها فريت وكنت اكل جنب الببغاء فديتو قطعة من الفريت واكلها كلها وديتو تانية واكلها.هل هو نافع للببغاء ام مضر هدا سؤالي

ايش الفريت؟

[hassan maroc]

الفريت يعني زي البطاطا الي يعطوها لك مع وجبة زي ماكدونالز بطاطا مقطعة

[PARROTS]

الفريت يعني زي البطاطا الي يعطوها لك مع وجبة زي ماكدونالز بطاطا مقطعة


اهااا عادي توكله بطاطس مقلي بس مو كثير يعني في السبوع بطاطسة واحد صغير

لكيلا يمتلئ بطنه بالدهون والزيوت

تحيااااتي

[في خاطري شي]

مارأيك بإستبدال عملية قص اجنحة الببغاء .. بأن يتم ربط الريش الطويلة بـ "تيب" او شطرطون ؟ كأفضل من القص

وماهي الفترة المناسبه لقص الريش واقصد كم بين فتره وفتره ؟




تحياتي لك وانتظر اجوبتك

[سكر]

سؤال سريع

عندي ببغاء تمنة كان مزعج ويصفر ويجعر ويصارخ ويلعب

جلس عندي فترة 3 أشهر وبس يطلع على اليد لكن يعض

صار يقول السلام عليكم ويبرقط بكلام مو مفهوم تحس انه يتكلم صيني.

قبل شهر يمكن دربته على حك الراس وصار أليف معاي ويجلس في حضني.

لكن........

صار أبكم

أترجاه يصفر أو يصرخ أو يقول شي .. لكن احس انه طلّق انه ما ينطق بكلمة ولا بصوت

حتى الصراخ ما يصارخ


بس يحب يجي في حضني وحك راسه

ويموت في شي اسمه بوسه (يعرف يبوس)

أتمنى تفيدني مع اني أعتقد ان الموضوع له علاقة بالموسم الحالي, أو بمرحلة عمره اللي صارت الحين 10 أشهر إلى 11 شهر تقريباً

وأشكرك على الطرح وحب الإفادة

[PARROTS]

مارأيك بإستبدال عملية قص اجنحة الببغاء .. بأن يتم ربط الريش الطويلة بـ "تيب" او شطرطون ؟ كأفضل من القص

وماهي الفترة المناسبه لقص الريش واقصد كم بين فتره وفتره ؟




تحياتي لك وانتظر اجوبتك

لا لا
لا تقص ريش الببغاء هو بنفسة بيقصة

[PARROTS]

سؤال سريع

عندي ببغاء تمنة كان مزعج ويصفر ويجعر ويصارخ ويلعب

جلس عندي فترة 3 أشهر وبس يطلع على اليد لكن يعض

صار يقول السلام عليكم ويبرقط بكلام مو مفهوم تحس انه يتكلم صيني.

قبل شهر يمكن دربته على حك الراس وصار أليف معاي ويجلس في حضني.

لكن........

صار أبكم

أترجاه يصفر أو يصرخ أو يقول شي .. لكن احس انه طلّق انه ما ينطق بكلمة ولا بصوت

حتى الصراخ ما يصارخ


بس يحب يجي في حضني وحك راسه

ويموت في شي اسمه بوسه (يعرف يبوس)

أتمنى تفيدني مع اني أعتقد ان الموضوع له علاقة بالموسم الحالي, أو بمرحلة عمره اللي صارت الحين 10 أشهر إلى 11 شهر تقريباً

وأشكرك على الطرح وحب الإفادة

يمكن مريض او فيه التهاب في الفم او بكتيريا انصحك وديه لطبيب بيطري بسسرررررررعة



بس كم المده التي امتنع عنا الكلام؟
وإنشاء الله يرجع يصفر ويكلم

[سكر]

لا ان شاء الله مو مريض

صحته فل ولله الحمد

وقف عن التصفير من حوالي شهر ونص أو شهر تقريباً

ومن يومها ما يتكلم الا كلمة في الاسبوع يقول السلام عليكم أو لما اكون في الدوام يصفر ربع ساعه ويرجع يطلع لسانه ويطبقه ويحطه في الدرج حق القفص.

ومن وقاحته ما يتكلم الا اذا كنت في الدوام يرسلولي اهلي رسالة (ببغائك قال السلام عليكم أو صفر)



يمكن آثار البلوغ :D هههههه امزح

[قمة افرست]

اهااا عادي توكله بطاطس مقلي بس مو كثير يعني في السبوع بطاطسة واحد صغير

لكيلا يمتلئ بطنه بالدهون والزيوت

تحيااااتي
البطاطس المقليه خطيره على الببغاء

[قمة افرست]

لا لا
لا تقص ريش الببغاء هو بنفسة بيقصة
اول مره اعرف ان الببغاء يقص ريشه بنفسه؟

[PARROTS]

انا قصدي انه هو بينتف الريش

وانت وش جايبك لموضوعي جاي تسب ولا تسأل لو سمحت راجل اسم الموضوع

[لوتيه]

يززززززززززاك االله خير اخوي على هالموضوع ...
انا عندي اسئله وااااااايد و ان شاء الله ما ازعجك معايه

1. عندي كاسكو عمرها 8 شهور و عندي غيرها 2 اعمارهم 5 سنين الكبار حاطتنهم في قفص و ساعات افتح القفص و يتحوطون فالبيت لاكن لي عمرها 8 شهور تقعد على استاند او تحوط فالبيت مشكلتي مع الصغيره دوم تتضارب مع وحده من الكبار الانه احسها تغار منها هل مع الايام بيتعودون على بعض ولا ما افتح القفص و الصغيره موجوده معاهم ؟؟؟2.الكاسكو الصغيره ماخذتنها و هي عمرها 4 اشهور او 3 تقريبن و كانت ماتعرف تاكل بروحها و كنت اعطيها سرلاك بالابره و بعدين صرت احطلها حب و تأكل لاكن يوم تأكله تمت تغص فيه الانها تبلع الحبه بدون ماتكسرها يعني تقشر الاسود و تاكل لي داخل بدون لا تفتته و بعدين اتم تيبس برقبتها لين ما اعطيها ماي و اطلع الحب لي تاكله خفت عليها و صرت ما اعطيها حب تميت اعطيها موز اعصره و اعطيها اياه بالابره و تاكله و بعد الموز صرت اعطيها تفاح لاكن الحين احطلها حب بس ماشوفها تاكل وايد الا كم حبه و بعد تبلعهم بدون لا تكسرهم احترت شو اعطيها ماخلي شي فالثلاجه ما احطلها اياه لاكن ماتاكله :( تحب تاكل قصب السكر الانها اتم تعضه و تفره لاكن ماحسه صحي حقها و صارلي فتره مارحت اخذلها قصب السكر محيرتني وايد ماعرف شو اعطيها تأكل ؟؟

[قمة افرست]

انا قصدي انه هو بينتف الريش

وانت وش جايبك لموضوعي جاي تسب ولا تسأل لو سمحت راجل اسم الموضوع
اخي الكريم انا لني جاي اسب او شي لكن يا اخي الكريم بعض اجابتك بعيده جدا عن السؤال او خطاء
اخي الكريم فيه فرق كبير بين نتف الريش وقص الريش ؟؟؟؟؟؟؟؟؟؟؟؟؟؟

[wolf 13]

السلام عليكم :
أخوي PARROTS ممكن سؤال :
اذا كان في زوجين درة بس الأنثى أكبر من الذكر بكثير أو قليل فهل يتزوجوا و يفرخوا ؟؟
أنتظر الرد ...
تحياتي ,,,

[ابو سفر]

مشكووووووووووووووووووووووووووووووووووووووور___________(مجنون عويشق )____________ عزالله ماقصرت

[PARROTS]

يززززززززززاك االله خير اخوي على هالموضوع ...
انا عندي اسئله وااااااايد و ان شاء الله ما ازعجك معايه

1. عندي كاسكو عمرها 8 شهور و عندي غيرها 2 اعمارهم 5 سنين الكبار حاطتنهم في قفص و ساعات افتح القفص و يتحوطون فالبيت لاكن لي عمرها 8 شهور تقعد على استاند او تحوط فالبيت مشكلتي مع الصغيره دوم تتضارب مع وحده من الكبار الانه احسها تغار منها هل مع الايام بيتعودون على بعض ولا ما افتح القفص و الصغيره موجوده معاهم ؟؟؟2.الكاسكو الصغيره ماخذتنها و هي عمرها 4 اشهور او 3 تقريبن و كانت ماتعرف تاكل بروحها و كنت اعطيها سرلاك بالابره و بعدين صرت احطلها حب و تأكل لاكن يوم تأكله تمت تغص فيه الانها تبلع الحبه بدون ماتكسرها يعني تقشر الاسود و تاكل لي داخل بدون لا تفتته و بعدين اتم تيبس برقبتها لين ما اعطيها ماي و اطلع الحب لي تاكله خفت عليها و صرت ما اعطيها حب تميت اعطيها موز اعصره و اعطيها اياه بالابره و تاكله و بعد الموز صرت اعطيها تفاح لاكن الحين احطلها حب بس ماشوفها تاكل وايد الا كم حبه و بعد تبلعهم بدون لا تكسرهم احترت شو اعطيها ماخلي شي فالثلاجه ما احطلها اياه لاكن ماتاكله :( تحب تاكل قصب السكر الانها اتم تعضه و تفره لاكن ماحسه صحي حقها و صارلي فتره مارحت اخذلها قصب السكر محيرتني وايد ماعرف شو اعطيها تأكل ؟؟

وديه لطبيب بيطري

[بدر ولد أبو بدر]

لا هنت

1-ابي الفرق بين فرخ الدره الهنديه والنيباليه

2-سمعت ان فرخ الكاسكوا ((الاطعام اليدوي)) اذا كبر تجيه حاله نفسيه لانه كان يعتقد انه انسان فهل هذا صحيح


وشكرا

[لوتيه]

-سمعت ان فرخ الكاسكوا ((الاطعام اليدوي)) اذا كبر تجيه حاله نفسيه لانه كان يعتقد انه انسان فهل هذا صحيح

ههههههههههههههههه حلوه يعني الكاسكو مالتي تتحرا عمرها انسان عشان جذيه ماطيع تأكل لووول اتخيل

باروتس ياخي شكلنا بنخليك تتندم انك حطيت هالموضوع ؛) انا حاطه سؤالين جاوبت على واحد الثاني نسيته شكلك و لا مليت منا ؛) السموحه على المغثه

[princesya]

i give my parrots carrot