باركولي شريت غيني

[هاوي الدره المطوقه]

السلام عليكم
كيف حالكم شباب اند بنات المهم انا شريت اليوم ببغاء غيني المشكله اني ماعرف عمره هو الين يجعر بس انا يالله يالله خلاني المس منقاره قاعد المسه شوي شوي وحمدالله بدا يسكت بس انا ابي عمره وهذي الصور اذا كانت مو واضحه قولولي :D


http://up2.m5zn.com/photo/2009/2/27/10/zhdt6zhfy.jpg/jpg (http://up2.m5zn.com)





http://up2.m5zn.com/photo/2009/2/27/10/uqhcbcb5u.jpg/jpg (http://up2.m5zn.com)

[رامبو خان]

معدي السنه
انا اقول اذا عيونه بيضا عمره سنه وشهور
واذا خلاك تلمس منقاره بهالسرعه لاتفرط فيه ابد لان هالنوع من هالطيور عنيد اكثر من غيره
واهتم بااكله وعوضه بالفتيمينات وكل شي يحافظ على صحته ويخليه نشيط

[هاوي الدره المطوقه]

اخوي
البؤبؤ اسود مره انا سمعت انهم يقولون الي تجيك البؤبؤ اصفر هذا كبير والي يجيك
البؤبؤ اسود هذا فرخ مايقارب 3شهور الى6شهور
هذا كلام صحيح ولا

[مجنون عويشق]

السلام عليكم

اخوي هاوي الدره ...انا مش قادر افرق في الصوره هل لون القزحيه صفراء ام بيضاء ....اذا بيضاء ..طيرك عمره من سنه الى 8 شهور

اذا صفراء سنتين وانت طالع ^_^

بالتوفيق

[عبادي والجو هادي]

888888

لا كلام بعده

[سكر]

ألف مبروووك ويتربى في عزك ربي يعطيك خيره ويكفيك شره


كلام اخوي رامبو خان صحيح

عمره أكبر من سنه على الصورة ولو فيه صورة أكثر دقة يكون أفضل لأن اللون مو واضح هو أصفر والا أبيض؟

المهم انه طير جيد بس تدريبه يحتاج لحزم.

وبالنسبة للجعير هو اسلوب دفاع اذا قدرت تثبت للطير ان اسلوبه غير فعّال وفي نفس الوقت تكسب ثقته ما بيجعر بعدها

فيه طرق كثير تقدر تستخدمها بس حاول الفترة الأولى تصبر شوي على صوته وبعدين ممكن نفيدك بالطرق

لأن أغلب الطرق ما تنفع الا بعد مرور فترة وهو عندك في البيت ويشوفك رايح جاي حوله وما تجيه.

احسن ما فيه ان صحته قوية


ربي يبارك لك فيه


تحياتي

[Alm7tref]

هلا بك اخوي ومبروك على الطير الجديد

اعتقد ان عمره يعدي السنة ونص

بس للتأكيد نزل صورة والاضاءة بيضاء

بس البؤبؤ ماله دخل القزحية هي الي تعرف من خلا لها عمر الطائر التقريبي

اذا كانت القزحية سوداء الطائر لا يتعدا الـ6 شهور

اذا كانت القزحية لونها رمادي من 7-11شهر

اذا كانت القزحية كانت بيضاء سنة

اذا كانت القزحية كانت صفراء الطائر يتعدى السنة ونص-الى سنتين

واذا كان في خطأ انصحك تراجع الموضوع على الرابط التالي

http://www.2zoo.com/vb/showthread.php?t=974

[the big]

مبروك ويتربى بعزك


الصراحه ماقصروا الاعضاء

[هاوي الدره المطوقه]

مشكورين ماقصرتو
بس المشكله انه يجعر وامس ادخل يدي ولمس منقاره مايقول شي بس اليوم جيت ابدخل يدي يجعر
انواع الازعاج مزعج الجعير تكفون شباب ابي افتك من الجعير وفهمني تربيت الغيني
انا متعود على درتي جاك مدربه وكل شي وافتك من العض لاني ماني متعود على الغيني

[هاوي الدره المطوقه]

والقزحيه لونها ابيض على رمادي خفيف

[لوتيه]

عمره تقريبن 10 شهور او سنه
يالله بالبركه عليك ..

[هاوي الدره المطوقه]

طيب شباب سهل تدريبه ولا
انا مالي خبره فيه ابي طريقه توخر الجعير
ولا يعض انا الحين مخليه بالمطبخ فوق الثلاجه هل هذا مكان مناسب ولا
الراعي قالي حطه بالمطبخ وارفعه تقريبن 2 متر او 4 متر ومتى ابدا ادربه على الطلوع اليد
والكلام

[عبادي والجو هادي]

شوف حبيب قلبي

اول شيء خله اسبوعين فوق 2ونص الا 3 بحيث انه يراقب ولا يتراقب يعني يشوف ولا احد يشوفه

وعندك المواضيع المثبته اقرأ منها وراح تستفييييييييد

[mlk6]

مبارك اخي

[هاوي الدره المطوقه]

طيب اخوني
هل هو ذكر ام انثى
لو انه اليف كان ناظرت ذيله مع اطرافه بس مااقدر لنه مو اليف توه
ويجعر
قولي كيف العرف انه انثى ام ذكر

[سكر]

أخوي هاوي عندي واحد مثله وأغلب هذا النوع يكون مزعج في البداية

خصوصاً التجعير, ويمكن بعد فترة يصير ما يجعر لكن يصرخ صرخة قوية بين وقت الى آخر (مثل صوت القطار لما يسحب بريك :D )


لكن عليك بالصبر والصبر ثم الصبر

اذا قدرت توقف قدامه كل ما جعر عشان يفهم ان التجعير وسيلة غير مجدية لإبعادك, تكون قطعت نصف الطريق.

بس أهم شي انك ما تدخل يدك عنده هذي الفترة

لازم توزع الأولويات.

نبدأ بالتجعير وبعدين لم نتخلص من هذي النقطة نجي عند اللمس وغيرها من أمور.


فيه طريقة مجربها مع طيري. في حالة ان الطريقة المبدئية اللي قلتها لك ما نفعت ننتقل مباشرة للطريقة الثانية.

بس بشرطين: انك ما تحاول تلعب معاه هذي الفترة ولا تقرب منه أو تجلس معاه
وثاني شرط ان العملية تكون في النهار مو في الليل.
الطريقة كالتالي:

أول شي القفص يكون تحت في الأرض (هذي طريقة خاصة ويمكن تلاقي كثير يعترض عليها)
ويكون في نفس المكان اللي انت تجلس فيه

تبعد عنه وتجلس تطالع فيه

اذا جعر أو صرخ تقوم وتغطيه بقطعة قماش كبيرة وثقيلة نسبياً (زي البطانية الصغيرة) بحيث يصير داخل القفص ظلام.

وترجع مكانك وتبقى هادي وما تصدر أي صوت لفترة حوالي 5 الى 10 دقائق.

بعدها تسحب البطانية بهدوء وحذر وتبعد مكانك (والبطانية معاك) وتبقى هادي مثل أول.

وكل ما جعر تقوم وتعمل نفس الطريقة.

وتجلس خمس دقايق وترجع تشيلها عنه.

الهدف من هذي الحركة انك توصل معلومة للطير انه اذا جعر بيتغطى.

العملية هذي ممكن تاخذ منك حوالي ساعتين الى 6 ساعات.

يعني لازم تصبر وتثابر شوي حتى يهجد

واذا اتبعت كل مافي ردي صدقني بإذن الله تلاقي ببغائك غير من ناحية التجعير بس.



ملاحظة: طيرك ان شاء الله ما بيصير يجعر مثل اول, لكن ممكن يجعر من فترة الى فترة بحسب الضروف اللي يتعرض لها مثل محاولاتك الاقتراب منه وما شابه. يعني ممكن يجعر في اليوم مرة أو مرتين لفترة بسيطة.

فإذا جعر تقوم وتعمل نفس الطريقة لمدة أطول (يعني تخلي البطانية فوق القفص 20 دقيقة مثلا)


أتمنى أكون وصلت لك الفكرة وتقبل تحياتي

[الأسد الملك]

مبروك ويتربى عزكـ

[فتفوته]

عمره حول السنة

ميروك و يتربى في عزك

[هاوي الدره المطوقه]

الله يعطيكم العافيه
واشكر كل من رد علي
ماقصرتو