شي مهم جداً جداً

[إماراتي شامخ]

السلام عليكم
.
.
.
ما ابغي اطول عليكم بالموضوع


بس أنا اليوم وديت الكاسكو إلى المركز البريطاني البيطري اللي في الخالدية في بوظبي و دخلته عند الدكتوره و كان فوق ظهره ريش احمر وقالت لي انه يمكن يكون بسبب فايروس :eek::eek::eek: انا هني وقف شعر راسي قلتلها شو الحل ... قالت لي : أنها بتاخذ كم ريشه فأنا قلت اطلع احسن لي عشان ما يخاف مني ....
بعدين يوم دخلت عليهم قلتلها في أمل لو كان مريض ..:confused::confused::confused:

قالت لا

:eek::eek: انا خفت هني بعدين طمنتني وقلت ان شاء الله خير


بعدين شافت القفص (ترا أنا وديته في قفص غير قفصه و حطيت له كم حبه)

قالت لي : أنه لازم ما ااكله حب وايد و عطتني كيسة ب 51 درهم فيها مكعبات للأكل و قالت لي أنه البذر مثل الحلاوة إذا أكلت منها كثير بتمرض و كذلك الكاسكو .

المهم انا قلتلها ان شاء الله بأكله من هذا.

و يوم سرت البيت _((ترا شعري لين الحين واقف:D))_ حطيتله الأكل و شلت الحب عنه و ما رضى ياكل بس كان يوعان عطيته حبه..حبتين لين ما أكل و الحمدلله .




معلومة : أنا بييبلكم اسم الطعام وأنا حصلته في المركز البريطاني و مادري إذا يبيعونه في مكان غير

وإن شاء الله كل حد يعتدل في النظام الغذائي لببغائه

[مجنون عويشق]

السلام عليكم

اخوي ماشاء الله عندكم مركز بريطاني لعلاج الحيوانات ..وحنا بالسعوديه ...عندنا مركز ****** متخصص لقتل الحيوانات .......خخخخخخخخخ

ان شاء الله نلاقي مثل هالاماكن عندنا بالسعوديه


وان شاء الله شي طبيعي يكون الريش الاحمر ...

وبالنسبه للمكعبات ..ياليت تزودنا بامسها او اسم الشركه ..

تحيه طيبه

[إماراتي شامخ]

مركز ****** لقتل الحيوانات ...ـههههههههههههههــ

بس الريش الاحمر بالذيل عادي اما بالظهر لا و اسم المكعبات هو :

"harrison's bird foods Adult leftime course"

[ابو سفر]

هلا فيك

ياخي يمكن هاذي الريشه ...طفره جينيه ..في طيور مو بس ريشه حمرا تلاقي نص جسمها احمر..

اهم شي الطير ياكل ويشرب وصحته تمام هذا المهم ..

موفق ان شاء الله

[إماراتي شامخ]

اخوي ابو سفر انا م قلتلك ان الطير مريض بس بعد 10 أيام بيطلع لأن الريشة بتروح بريطانيا و بترجع و ان شاء الله خير

[سماوي الجبه]

الله يهديك الطير اش فيه علشان توديه البيطري، ياخي لاتخلي البيطرين الى مايعرفون شي يلعبون بالطير وياخذون فلوسك، بلعربي قول لنا مايعاني منه الطير وبنعطيك ان شاءالله العلاج، ونصيحه رجع الاكل الى يفضله طير وشكرا،

[لوتيه]

عرفت لي تطريه ماخذه من عندهم هالاكل لاكن مايأكلنه يحبن الحب قالتلي نفس الكلام لي قالتلك اياه انه الحب نفس الحلاوه و ماينفعهن يظرهن و من هذا القبيل ام كشه شقراء مافي غيرها لي معلقه على الحب و سالفة الحلاوه :) انا احب الحلاوه و طيوري يحبن الحب و محد بيموت قبل يومه احطه حقهن بس مايأكلنه و هذا صورته صح

http://up2.m5zn.com/photo/2009/2/28/01/dqsyustav.jpg/jpg (http://up2.m5zn.com)
يحبن فول السوداني و يحبن الحب حتى التفاح يفرنه مايطيعن ياكلنه وانا مخليتنهن على هواهن لي يبنه يأكلنه اصلن انا هذي الدكتوره مادانيها اكرهاااااااا كره العما مره كنت موديه عندها متوه خضراء اقصد دره الهنديه و كانت مريضه قالت خلاص هذي بتموت بنعطيها ابره تذبحها حق ترتاح من العذاب و تموت طلعت ماخليتها تضربها ابره انا اباها عون و غاديتلي فرعون عنبا ذاك الويه لها و تميت احاضي المتوه تمت يوم و خلاف ماتت يعني اونها هيه بتصير ارحم عن الله متى الله بيأخذ امانته بياخذها تبا تذبحها بأبره ليش ان شاء الله :( تحمل منها ماعليك من خريطها و لا تصدق اي شي تقوله صح في كلام تقوله صدق لاكن اونه هالريشه فايروس ماتدخل العقل بعدين الريشه لي خذوها بيطرشونها بريطانيا و بيقولولك لي عندك ذكر او انثى ..

[7son]

ان شاء الله بيتشافى بأذن الله
الله يعطيك ويعطي طيرك العافية

[فتفوته]

طيرك اللي فيه طفرة جينية مو مريض :)

[عازف الكيبورد]

اخوى كلام الدكتور صحيح الريش الاحمر او الاصفر برقبه او الضهر له دلالات كثيره

اما يكون طفره لونيه او يكون اختلال بوضائف الكبد او يكون فيروس

وحديثها عن الحب ايضا صحيح الحب مليء بدهون وكثرته مضره لطير

وتسبب تشحيم الطير وقد تقظى على الطير خصوصا اذا كان القفص ضيق والطير

لا يتحرك ويحرق الدهون التوازن بتغذيه مطلوب بنسبه للمكعبات تسمي البلتز وهى متوازنة العناصر ولكن يحتاج الطير الا ان يتعود عليها فهى تخلط بنسبه مع الحب مع الوقت يبدا ياكلها الطير ثم تقلل نسبة الحب وتزيد نسبة المكعبات حتى يتعود الطير عليها

وبعض الخبراء يفضل ان يكون غذاء الطير 60% بلتز مكعبات 20% حبوب 20% فواكه

الدكتوره كانت تعامل طيرك وفق نضام علمى خالص وبكل علم بصراحه دكتوره تحترم

[إماراتي شامخ]

أنا بصراحة ag (الكاسكو ) حبها وايد و الحين احطله منها ياكل و حتى انه ياكل من ايدي

[سكر]

اشكرك على التنبيه يا اماراتي وأشكر الأخ عازف الكيبورد على التوضيح وكذلك الأخوة الأعضاء

بس فهمت من كلامك ان الدكتورة بس توقعت انه فايرس وانها لسى تنتظر نتائج التحليل حتى تتأكد.

وأتمنى انه يكون رمز جيني فقط لا غير سبب هذا اللون.

وحتى تطمئن فإن المزارع الحالية التي تتبع نظام علمي طويل المدى في الانتاج, تعمل على زيادة انتاج الكاسيكو ذو الألوان الحمراء بدلاً عن الرمادي.
وقد ظهرت بعض نتائجه ولكن مازالت المشاريع في بدايتها.

أما بالنسبة لكلام الدكتورة عن الحبوب فأنا أرى أنه لا يجب في أي حال من الأحوال الاعتماد على صنف واحد فقط.
وإنما يجب التنويع خصوصاً الفواكه, والجزر وغيرها.
بالاضافة إلى تشجيع الطائر على الحركة وحرق السعرات الحرارية بشكل دائم.

لدي استفسار: هل يسمح لنا بتقديم حشرة من الحشرات (جرادة مثلاً) للببغاء من فترة إلى فترة؟
خصوصاً أن اللبغاوات حسب علمي لا تمانع في التهام الحشرات في البيئة الطبيعية.

تحياتي

[عازف الكيبورد]

أخوى سكر الطيور تحتاج الا البروتين الحيوانى ففي طبيعتها تلتهم الحشرات وغيره

لكن في الاسر نعطيها البيض المسلوق فيمدها بلبروتين الحيوانى

فهو انظف لطير قد تكون الحشرات موبوئه او حامله لأمراض او مرشوشه بمواد كماويه

[سكر]

والله هذي فاتتني (انه ممكن تكون مرشوشة بمواد كيماوية)

اشكرك على التنبيه والمعلومات يا عازف الكيبورد

تحياتي

[إماراتي شامخ]

مشكور اخوي عازف الكيبور و اخوي سكر


سكر: كلامك صح اخوي انت فهمت انا شو قصدي وان شاء الله يطلع جيني و هو ترا تربية مزارع


عازف الكيبورد : صح البيض انظف له من الحشرات

[princesya]

انا استعمل الطعام مال الببغاوات اسمهtrail or tril مو متأكده..بس المهم اهو نفع مع ببغاواتي

[إماراتي شامخ]

ممكن صورة له او وصف

و مشكورة عالمرور

[لوتيه]

اماراتي شامخ انته من وين شاري الكاسكو مالتك ؟؟

[إماراتي شامخ]

انا خذته في اجازة نص السنة بس المشكلة خذته في وقت ارتفاع الاسعار خذته ب 3000درهم

في دكان رقم 6 في سوق الطيور هذا محل سمك زينة و ابوي يعرف صاحبه .. واحد شيبه


المهم... ابوي وصا على كاسكو و هو يابه من سوق الشارجة