رحت لسوق الحمام ولقيت فروخ ببغاء ... يقول انها فروخ يولوناب .. كيف اتأكد انها....

[FSOLY]

انا اكتشفت ان اليولو ناب .. افضل انواع الببغاوات واذكاها ..


كيف اتأكد انها يولو ناب .. انتو عارفين اذا الببغاء كان فرخ صعب تحدد نوعه .. خاصه ان البقعه الصفراء الي في رقبته خلف .. ليست موجوده ..

طبعا اليولو ناب الأصلي
الي فيه بقعه صفراء خلف رقبته .. زي هذا

http://www.beakersparrotplace.com/parrotgallery_images/Yellow-Nape-.jpg

http://www.rnews.com/images_story/pet_yellow_nape_bird_.jpg

طيب فرخه كيف يكون شكله .. ابي اشتري فرخ يولو ناب عشان انا ادربه على يدي :)

[ابو دانيال]

اضغط هنا (http://images.google.com/images?um=1&hl=en&rlz=1G1GGLQ_ENBH315&q=baby+yellow+naped+parrot&btnG=Search+Images) وستجد صورا لبعضها معروضة في محرك البحث عن الصور قوقل..

أطيب التحيات

[عازف الكيبورد]

اخوى أذا لم تكن لديك خبره انصحك ان لا تشترى الا وشخص خبير معك

لأن كما ذكرت الفوارق بسيطه وقد لا تلاحضها انت


والفيصل أيضاّ سعر اليولوناب الفرخ لا يقل عن 7000 الاف ريال وطالع

[FSOLY]

7000 وطالع .؟ من جدك انت .؟

وش السعر ذا .؟ هذا وهو فرخ يعني احتمال انه يموت كبيييير ..


لالا مستحيل .. انا شايفهم ب 2000 ريال ..

طيب انت من اهل الرياض اخوي .؟

[محــ15ــمد]

وين ياخوي شايفهم 2000 ريال ( معقوله )

بالتوفيق

[عازف الكيبورد]

أخوى ما فيه يلوناب بألفين ريال حتى البلو فرونتد ما وصل لهذا السعر لا يضحكو عليك

أخوى هذى فصائل اخرى وليست يلوناب اليلوناب غالى جداً ولو داعسته سياره ما يوصل

بألفين:D

[سكر]

والله يا قمر من السعر بس تعرف ان السالفه فيها لعب

يعني لو قلت ب6000 الاف نقول ممكن صار سعرها رخيص

لكن 2000 بس

زي ما قال لك اخوي عازف حتى البلو فرونت ما يجي بهذا السعر

علما ان البلو فرونت يجي من برى بقيمة 2700 للتجار فقط ويبيعوه ب3500 إلى 3300 تقريباً

واليلو ناب دبل هذا السعر



انتبه يا غالي وربي يوفقك

[مجنون عويشق]

السلام عليكم


اوما يلو ناب بــ2000 ريال ...ياشيخ ابيع الي وراي ودوني علشان اشتريه خخخخخخخخخ>>خربها


تأكد اخوي الغالي من كونه يلو ناب ...


تحيه طيبه

[FSOLY]

اكيد بينصبون علي سوق الحمام ..

اجل انا جاي هنا ليش ..؟ عند العباقره ماشالله ..

طيب فيه احد يروح معي لسوق الحمام الجمعه الجايه باللرياض .؟

ابي يلو ناب فرخ .. وانا متأكد محصله ب 2000 ريال ..

[عازف الكيبورد]

اخوى لو يلوناب 2000 ما بيخلونه الشريطيه

أحنا نعرف السوق ونعرف وش جارى فيه


وخوى ترى أنواع الامزون كثير وتتشابه وحنا نصحناك


ونت بكيفك

[مجنون عويشق]

اي والله مافي امل يخلونك الشريطيه ....قسم انه يحرقك بس ماتشتري الطير بالسعر الخيالي هذا

ان شاء الله الي موجودين بالرياض يروحون معك ويساعدونك

تحيه طيبه

[هـامس الـطـيـر]

الظاهر قصد fsoly على يلوكراون شبيه اليلوناب لانه في الفتره الحاليه في السوق نازله

بلوفرونتد و يلوكراون والنصب شغال الان في السوق منزلين اورنج امزون فروخ ومحجله كمان

وتنباع على انها بلوفرونتد واي مبتدى في التربيه راح ياخذها على انها بلوفرونتد الحذر الحذر

[الخبراء]

انا انصحك انك تنساء الامازوني >>شي ما تعرفه خله


كنت مثلك و انهبلت ادور امازوني و لقيت كم واحد و كل واحد يقولي هذا زين و هذا ما ادري وشبه و من الهرج هذا

و با الاخير شريتلي خوينا لا احد ناصب عليك ولا شي رمادي فرخ با نص قيمه الامازوني الي با ينصبون عليك لا و ازين منه با الف مره


هذي من عيوب الاما زوني كثره انواعه و النصب

لا و سمعت ان نوع من انواع الاما زوني ما تفرقه بين الغاليت يقولون انه شويه عليه حمار >>> غبي و دلخ و درج ولا يفهم ولا يهرج

[بحر السكون]

ماشاء الله والله الواحد يدخل هذا المنتدى وهو متطمن الخبيرين كثيرين وماقصروا يساعدون
الكل ومو تاركينا نحتاج لأي شيئ ولا حتى البيطري نفسه والله عندهم خبره تغنينا من البيطرين
أنفسهم

[FSOLY]

طيب يا اخوان .. انتو والله لو ما نثق فيكم ما كان سألناكم وكتبنا مواضيعنا عندكم واخذنا اجاباتكم .. يالغالين ابي واحد يوضحلي شكل اليولوناب الصغير ... وهل تنصحوني بالصغير ام الكبير .؟ الذكر ام اللأنثى .؟

نبي نعرف الفرق ياشباب .. او واحد منكم يقابلني بسوق الحمام الجمعه الجايه بالرياض ...

[7amode]

السلام عليكم

اسف اخوي بس انا ما عندي اي خبرة باليلو ناب

ةاذا انت تريد اي سؤال بالببغاء الرمادي

تفضل

وشكرااااااا

[FSOLY]

شويشوي يالغالي شوي شوي علي :)

يالغالي انا الي ابي اعرفه .. الفروقات بين اليولوناب الأصلي وغيره من الأمزوني .. عشان اذا بغيت اشتري يلوناب .. اكون عارف انه يلوناب ولا لا .. اعرف الفروق والعلامات الفارقه له .. خاصه للفرخ لأني ابي فرخ ..


السؤالين الأخيرين ..

هل تنصحوني بفرخ او بالغ .؟
هل تنصحوني بذكر ام انثى .؟

[mohamed refat]

؟؟؟

اية السعر دة ؟

بدى احصل اتنين منة زوج يعنى

[الطرف زوو]

7000 قديمه يالاخو

الحين 9000 ريال

ريال ينطح ريال