مسمار
03-03-2009, 03:30 PM
السلام عليكم
يعطيكم العافيه
يمكن صار لي اكثر من سنتين وانا اتابع طيرالبلبل من معلومات ومواضيع وكل الطرق
اكتسبت خبره من اشخاص لهم مستوى كبير في هذا المجال .. وبالاخص الباكستانيين
لهم طرق عجيبه في التدريب والتكاثر
اولا لكي تربي بلابل او تتاجر فيهم .. يجب ان يكون لديك راس مال جيد
مثل ما انت تبي منهم هم بعد يبون منك ...
اولا تدريب البلبل ...
في الف طريقه وطريقه
حتى لوكان كبير بالعمر يتدرب ويصير احسن من الصغير
في الطريقه الشائعه عن الباكستانيين ..اشتر لك من محل الالعاب مجسم على صورة يد انسان
وحطه المجسم داخل القفص وشيل الاستاند .. يعني اجباري راح يوقف على مجسم اليد وباليوم حركها اكثر من مكان .. وحطالاكل عليها وراح ياكل ... ومجربه معاي 100% اول شي يخاف بعدين راح يتعود عليها ..
هذي الطريقه توني تذكرتها وحبيت افيدكم فيها
روح أي مكان داخل البيت مطبخ تحضيري صغير يكون فاضي او ما شابه وشيل كل الاغراض اللي فيه الغرفه يعني مافي شي الا الحيطان والارض وانته والبلبل .. يعني اذا طار ما يوقف الى عليك بس من كثرت التعب والطيران راح يوقف عليك بس لازم تجوعه على شان ياكل من ايدك
في طريقه ثانيه انا اعترف فيها بس مجربها وصحيحه 90% نتفف ريش جناحين البلبل ولا تضعه داخل القفص مدة اسبوعين على الاقل .. وخله كله على يدك طبعا راح يوقف غصبن عليه اذا نتفته ريشه كله وراح ياكل من ايدك بنفس الدقيقه .... بس لا تحاول تعديه للقفص الى بعد اسبوعين ناس تقول اذا بنام وين احطه ؟
طبعاً لازم يكون عندك غرفه فاضيه ومافيها شي بس استاند يوقف عليه .. وحاول اذا حطيته على ايدك لف فيه داخل البيت وخل يشوف الاهل واجلس معاهم وانته حاطه على ايدك ..ولاياكل الا من ايدك ..
في طريقه الي يقولك شيل الاكل عنه وخله ياكل بس من يدك جوعه .. هذي الطريقه انا نهائياً لا اعترف فيها .. ما فائدة الطير اذا ياكل من يدك واول ما تدخل يدك يهرب حلاة الطير تفتح له الباب يطير ويوقف عليك
اشياء لازم تسويها وانت تدربه :-
1. تصفر له تصفيره وحده ولا تغيرها ...
2. تحرك اصابعك في وجهه .....هذي مهمه
3. حك تحت المنقاره وناحية الرقبه من فوق البطن .. هذي مهمه جداً وراح يحبها الطير وكل مايشوفك يرفع راسه على شان تحكه له يرتاح من هذا المكان طبعاً يعض بالاول بعدين راح يترك العض
4. لازم انك تشيل الاكل عنه وما ياكل الى منك
5. لا تخليه يشوف طير ثاني مهما يكون خله لوحده ..
حاول اكثر شي توقفه فوق راسك يحب منطقة الشعر .
بالنسبة للتكاثر :-
لازم يكون في محمية او سلاكه ارتفاع 3 امتار اواكثر والطول اقل شي 5 امتار والعرض 3 امتار
محميتي .. 3ونص ارتفاع والطول 11 متر والعرض 6 امتار.. بس يا شباب اهم من المحميه داخلها .. لازم تكون مجهزة لدرجة خمس نجوم .. انا مسوي شلال ماي للسباحه .. حاط نخله بنص حاط شجرتين حاط شجره كبيره ميته للتعشيش مسوي لهم حوض في تراب البحر من قواقع وكلس وغيره ..كل مكان حاط سعف النخل واهم شي ليف النخل تضعه بكثره للتعشيش اهم مافيه لازم تكون المحميه مضرب شمس يومي .. للصيف تكييف ماي كبير او صغير على حسب حجم المحميه ..
وبالنسبة للي عندهم جوز واحد .. ويقول يتهاوشون مع بعض .. حطهم في قفص كبير اشويه مترين في مترين في مترين .. ومدة اسبوع راح تشوفهم مع بعض وتقدر تحطهم بعدين في أي قفص بدون عراك وهواش .
وبالنسبة لشكل المحميه ومكانها لازم يكون بعيد بعداً نهائياً عن الازعاج يفضل فوق سطح البيت
ضع الاغصان بكثرة وحاول تجعل شكل المحميه بحرف الثمانيه ^ أي يكون السطح مائل لفصل الشتاء والامطار
حاول ان تضع الطيور الي حجمها كبير فقط لانتاج فراخ سليمه
طبعاً الانثى تبيض من 2 لي 3 بيضات وفي مرحلة التفريخ .. دائما الفرخ الثالث يموت لذلك شيل الفرخ الثالث بعد بلوغه اسبوعين من العمر وقم انت باطعامه
فترة انتاج البيض من شهر 6 و 7و 8 و 9
التفرقه بين الذكر والانثى صعب صعب صعب جداًالفرق المعروف انه صوت الانثى اخف من الذكر
ولا تحاول انك تمسك طير نهائياً وهو في المحميه ولا تحاول انك تدخل داخل القفص وبالنسبه للاكل عطهم من خارج القفص
بالنسبه للاكل وتقوية الخصوبه للانتاج :-
في اكل للكناري : بيض وعسل لون العلبه اخضر ........يومين في الاسبوع
خبز منقوع بالماء ...... ثلاث ايام بالاسبوع
كل انواع الفواكه .....يومين بالاسبوع
الخضره ....... يومواحد بالاسبوع
في انواع من الكلس هذا مفيد جداً ... يومي او 5 ايام بالاسبوع
واهم شي البيض المسلوق ... يوم واحد بالاسبوع
وطبعاً التمر يومياً
وليتمتع الطير بصحه قوية الاكل الزايد شيله وغسل الاناء الاكل جيداً
الماي يومياً تبديل ..
عندي تقريبا 80 جوز .. انتاج هالسنه 40 منهم من الفروخ .. كان الانتاج اكثر بس بسبب الاهمال مات الكثير
منقول ............. كتبه : aaswedd (http://www.mzadq8.net/member.php?u=1176),,,,,,,,, من الكويت
يعطيكم العافيه
يمكن صار لي اكثر من سنتين وانا اتابع طيرالبلبل من معلومات ومواضيع وكل الطرق
اكتسبت خبره من اشخاص لهم مستوى كبير في هذا المجال .. وبالاخص الباكستانيين
لهم طرق عجيبه في التدريب والتكاثر
اولا لكي تربي بلابل او تتاجر فيهم .. يجب ان يكون لديك راس مال جيد
مثل ما انت تبي منهم هم بعد يبون منك ...
اولا تدريب البلبل ...
في الف طريقه وطريقه
حتى لوكان كبير بالعمر يتدرب ويصير احسن من الصغير
في الطريقه الشائعه عن الباكستانيين ..اشتر لك من محل الالعاب مجسم على صورة يد انسان
وحطه المجسم داخل القفص وشيل الاستاند .. يعني اجباري راح يوقف على مجسم اليد وباليوم حركها اكثر من مكان .. وحطالاكل عليها وراح ياكل ... ومجربه معاي 100% اول شي يخاف بعدين راح يتعود عليها ..
هذي الطريقه توني تذكرتها وحبيت افيدكم فيها
روح أي مكان داخل البيت مطبخ تحضيري صغير يكون فاضي او ما شابه وشيل كل الاغراض اللي فيه الغرفه يعني مافي شي الا الحيطان والارض وانته والبلبل .. يعني اذا طار ما يوقف الى عليك بس من كثرت التعب والطيران راح يوقف عليك بس لازم تجوعه على شان ياكل من ايدك
في طريقه ثانيه انا اعترف فيها بس مجربها وصحيحه 90% نتفف ريش جناحين البلبل ولا تضعه داخل القفص مدة اسبوعين على الاقل .. وخله كله على يدك طبعا راح يوقف غصبن عليه اذا نتفته ريشه كله وراح ياكل من ايدك بنفس الدقيقه .... بس لا تحاول تعديه للقفص الى بعد اسبوعين ناس تقول اذا بنام وين احطه ؟
طبعاً لازم يكون عندك غرفه فاضيه ومافيها شي بس استاند يوقف عليه .. وحاول اذا حطيته على ايدك لف فيه داخل البيت وخل يشوف الاهل واجلس معاهم وانته حاطه على ايدك ..ولاياكل الا من ايدك ..
في طريقه الي يقولك شيل الاكل عنه وخله ياكل بس من يدك جوعه .. هذي الطريقه انا نهائياً لا اعترف فيها .. ما فائدة الطير اذا ياكل من يدك واول ما تدخل يدك يهرب حلاة الطير تفتح له الباب يطير ويوقف عليك
اشياء لازم تسويها وانت تدربه :-
1. تصفر له تصفيره وحده ولا تغيرها ...
2. تحرك اصابعك في وجهه .....هذي مهمه
3. حك تحت المنقاره وناحية الرقبه من فوق البطن .. هذي مهمه جداً وراح يحبها الطير وكل مايشوفك يرفع راسه على شان تحكه له يرتاح من هذا المكان طبعاً يعض بالاول بعدين راح يترك العض
4. لازم انك تشيل الاكل عنه وما ياكل الى منك
5. لا تخليه يشوف طير ثاني مهما يكون خله لوحده ..
حاول اكثر شي توقفه فوق راسك يحب منطقة الشعر .
بالنسبة للتكاثر :-
لازم يكون في محمية او سلاكه ارتفاع 3 امتار اواكثر والطول اقل شي 5 امتار والعرض 3 امتار
محميتي .. 3ونص ارتفاع والطول 11 متر والعرض 6 امتار.. بس يا شباب اهم من المحميه داخلها .. لازم تكون مجهزة لدرجة خمس نجوم .. انا مسوي شلال ماي للسباحه .. حاط نخله بنص حاط شجرتين حاط شجره كبيره ميته للتعشيش مسوي لهم حوض في تراب البحر من قواقع وكلس وغيره ..كل مكان حاط سعف النخل واهم شي ليف النخل تضعه بكثره للتعشيش اهم مافيه لازم تكون المحميه مضرب شمس يومي .. للصيف تكييف ماي كبير او صغير على حسب حجم المحميه ..
وبالنسبة للي عندهم جوز واحد .. ويقول يتهاوشون مع بعض .. حطهم في قفص كبير اشويه مترين في مترين في مترين .. ومدة اسبوع راح تشوفهم مع بعض وتقدر تحطهم بعدين في أي قفص بدون عراك وهواش .
وبالنسبة لشكل المحميه ومكانها لازم يكون بعيد بعداً نهائياً عن الازعاج يفضل فوق سطح البيت
ضع الاغصان بكثرة وحاول تجعل شكل المحميه بحرف الثمانيه ^ أي يكون السطح مائل لفصل الشتاء والامطار
حاول ان تضع الطيور الي حجمها كبير فقط لانتاج فراخ سليمه
طبعاً الانثى تبيض من 2 لي 3 بيضات وفي مرحلة التفريخ .. دائما الفرخ الثالث يموت لذلك شيل الفرخ الثالث بعد بلوغه اسبوعين من العمر وقم انت باطعامه
فترة انتاج البيض من شهر 6 و 7و 8 و 9
التفرقه بين الذكر والانثى صعب صعب صعب جداًالفرق المعروف انه صوت الانثى اخف من الذكر
ولا تحاول انك تمسك طير نهائياً وهو في المحميه ولا تحاول انك تدخل داخل القفص وبالنسبه للاكل عطهم من خارج القفص
بالنسبه للاكل وتقوية الخصوبه للانتاج :-
في اكل للكناري : بيض وعسل لون العلبه اخضر ........يومين في الاسبوع
خبز منقوع بالماء ...... ثلاث ايام بالاسبوع
كل انواع الفواكه .....يومين بالاسبوع
الخضره ....... يومواحد بالاسبوع
في انواع من الكلس هذا مفيد جداً ... يومي او 5 ايام بالاسبوع
واهم شي البيض المسلوق ... يوم واحد بالاسبوع
وطبعاً التمر يومياً
وليتمتع الطير بصحه قوية الاكل الزايد شيله وغسل الاناء الاكل جيداً
الماي يومياً تبديل ..
عندي تقريبا 80 جوز .. انتاج هالسنه 40 منهم من الفروخ .. كان الانتاج اكثر بس بسبب الاهمال مات الكثير
منقول ............. كتبه : aaswedd (http://www.mzadq8.net/member.php?u=1176),,,,,,,,, من الكويت