شوية أسئلهـ عن الوبر ..

[آنـــــو]

السلام عليكم


كيفكم ،، أن شاءالله تمام

،
،
،
،

بعد تردد كبيررر .. نويت أشتري وبر

أنا ربيتهم من قبل بس ماطولوا عندي أضطريت أسافر وخليتهم عند صديقتي وأسبوع بالكثير وماتوا عندها أتوقع صابتهم نفسيه

الموووهم ،، قررت أشتري مره ثانيه .. بس عندي أسئله

الأول

وهو خاطري أشتري وحده بس لأن مافيني حيل تزاوج وتكاثر أو جهد كبير بالتنظيف .. هل عادي أجيب وحده أو لازم

أجيب أثنين ؟؟ لأن بحسب ماقريت أنه حيوان أجتماعي وبصراحه أخاف يمرض نفسياً من الوحده ويموت

السؤال الثاني .. لو بجيب أنثى ،، هل بتزعجني لوطلبت التزاوج زي القطاوه وتجلس تصايح << متعقده :D

أو ما بـ احس فيها ؟؟

السؤال الثالث .. هل الوبر يلتقط أمراض القطط ،، مثلاً الفطريات أو سوس الأذن أو نزلات البرد ؟؟

السؤال الرابع .. عادي أحطها بغرفتي ،، علماً أنها حيل باااارده .. هل بتتحمل ؟؟


أتمنى القى الأجابه عندكم على تساؤلاتي .. ومشكووورين مقدماً حبايبي :)

[ديناصورة]

السلام عليكم اختي آنو :) ومبرووووك مقدما الوبر اليديد ^__^ بالنسبة لأسئلتج رح أجاوب عليها كلها انشالله بالدور :

1. تقدرين تييبين واحد، لكن يبيلج تلعبين معاه كل شوي وتعطينه الكثير من وقتج علشان ما يحس بالملل، وإذا ما عندج وقت ييبي أثنين، وإذا مالج خلق للتكاثر والياهال تقدرين تيبين أنثتين(( أنثى و أنثى )) احسن ومو ذكور لإن الذكور رح يتهاشون واااايد ورح يضايقونج، ثانيا إن الذكور تفرز افرازات كريهة الرائحة حاوالي القفص ورح تنزعجين من هالشي، انا ما أقول إن الإناث مافيهم ريحة أو يخرجون افارازات، لكن أحسن من الذكور بوايد فالاناث ما تخرج افرازات إلا وقت التزواج، يعني اشتري نثايا .

2. لا مارح تتضايق الأنثى وبتطلب ذكر ^___^ عادي .
3. نعم اختي ينقل الامراض للحيوانات الأخرى ولج يعني لو بتعالجينه لازم تلبسين قفازات علشان ما ينتقل لج المرض وابعدي عنه القطط لي مرض .
4. اي عادي تحطينهم في غرفتج ^^ انا عندي 7 وبرات في غرفتي، لكن إذا كانت باااردة حيل فلازم تحطين داخل قفص الوبرات اكواخ وبيوت ونشارة خشب وقطع من القماش والقطن علشان يتدفون فيها وبيمارسون حياتهم عادي ^^ انا غرفتي ثلج بعد .

وانشالله أكون أفدتج اختي :p

[رعوود]

ست الكل آنو

اعتقد الي فوقي ما قصرت بحاجه ^.^

[آنـــــو]

يؤ

أنا كنت خايفه عليها من القطط لو فيهم فطريات ولا هيك يعدونها ،، وهذا كان سؤالي ..

الحين خفت على قطاوتي منها ،، ولله بديت أوسوس وجات براسي جرثومة التوكسوبلازما :( يارربي

كلش ولا هالشي ... مع أني شفت صور كثيره بالنت لناس مربين قطاوتهم مع الوبر ينام ويلعب معه ..


ولله ماأدري تخوفت أكثر من الموضوع .. وشكلي بهون :(


الدينصوره مشكووورهـ ويسلم قلبك يارب ماقصرتي

رعود يالغلا يسلموو على المرور ..

[ديناصورة]

لالالا اختي آنو انا ما أقصد أخوفج أو شي وربي فوقي لا تخافين ولا شي حبيبتي :( اشتري الوبر ولا تترددي !! ويقدر يعيش مع القطاوة عادي وانا مثلج شفت صور وفيديوات عن ناس يربون وبرات وقطاوة بنفس الوقت وعاااااادي :p أنا الي قصدته إذا أصاب واحد من الحيوانات المرض فرح ينتقل بينهم يعني إذا القطوة مرضت رح تنقل المرض للوبر والوبر بعد، والأمراض هذي تتعالج وماهي مستعصية اختي !!! لها علاج وهي أمراض خفيفة يسرع علاجها، لكن دامهم سليمين مافي إلا العافية انشالله، انا عندي أقولج 7 وبرات و2 شانشيلا هادتهم في الغرفة يلعبون مع بعض والي مريضين أفصلهم وأخليهم في القفص وأعزلهم مافيها شي، انتي بس قبل لا تشترين الوبر تأكدي من صحته وأول ما تشترينه روحي البيطري وسوي فحص شامل له علشان تتأكدين من صحته :) وبيعيش معاج ومع القطاوة بشكل طبيعي لا تخافين اختي والله ما قصدت لا أخوفج ولا أسبب لج أي وسواس لكن الوضع طبيعي وانا بس نصحتج بحالة المرض، لا تخافين اشتري الوبر ^_______^ وأي سؤال انا حاضرة حبيبتي .

[آنـــــو]

ياحبي لك أنا ماخفت بشي من كلامك .. أنا تذكرت جرثومة التوكسوبلازما تتنقل للقطط من القوارض والطيور والحشرات

وهذا اللي خلاني أوقف وأفكرر وأخاف شوي ..

لا ماعليك :) ،، الموضوع باقي براسي لكن يبيله شوي وقت أقرا وأتأكد

مشكووورهـ فديتكـ على مرورك الكريم