صور طيري..بس فيه مشكله تعالو

[هيبه اسد]

http://www.ir11.com/get.php?filename=1153026845.jpg

شوفو في مشكله مثل ماهو موضح في الصوره فيه زي الكوره تحت المنقار

مع انه يصفرر ونشيط خاصه الفجر

انتضركم

[Mr. MeMo]

اخي كوكاتو

اذا كنت تقصد انه ورم اسفل المنقار
ارجو منك الاسراع في مراجعه البيطري
لفحصه و اتمني له الشفاء العاجل

[فطوم]

اي والله صح شنوهذا؟؟
انا رفيجتي بعد بغبغائهم جذي عنده مثل دائره تحت المنقار مافيها شعر

شنوهذا؟؟

وهو من زماان جذي من سنه يمكن

[Mr. MeMo]

الاخت فطوم

بخصوص المنطقه الخاليه اسفل المنقار تكون علي شكل
نصف دائره تتضح عندما يرفع الببغاء رأسه الي اعلي هذه
طبيعيه جدا

اما صورت الاخ كوكاتو فكما اري انه ورم اصفر ان لم اكن مخطائا
ولذا البيطري هو افضل من يشخص هذه الاورام

[هيبه اسد]

انا ابوديه البيطري بكره
مشكورين يااخت فطوم... واخوي مستر ميمو

[FAWAZ]

اخوي كوكاتو ......

هذا مو ورم بعيد الشر عن طيرك هذي حبه منتفخه فيها زي السائل تجي في الطيور والببغانات احيانا ,,مالها سبب واظح ومباشر الا الفيروسات والميكروبات الي في الجو ....

وهي فعلا زي ماتفضلت ماتأثر على نشاط الطائر ولا على صحته ولا على اكله او مزاجه , ,

هذي وجهة نظري في الموضوع ..... ونصيحتي لك اذا بتروح لدكتور لاتخليه يشقها ويطلع السائل الي فيها ويعقمها ترى هذا غلط لانها تتسبب على الطير وتألمه ويبقى لها اثر ومضاعفات بعدين , والصح يااخذ لها مضاد حيوي ينحط في المويه مده اسبوع تقريبا يزيد ينقص لين ماتحس ان السائل الي فيها اختفى ولونها غمق وصارت ناشفه بعده توقف المضاد وتخلي الطير عادي من حالها تنشف وتطيح من غير ماتسوي اثر على الطير ,,,,


بالتوفيق للجميع
اخوكم فواز,,,,

[هيبه اسد]

اخوي فواز الورم هذا قد صار لطير من طيورك
ومشكور افدتني كثيييير

[FAWAZ]

لا الحمد لله مقد صار , , ,
والعفو اخوي ماسوينا شي

[تركي .ي.م]

بسرعة أقرب بيطري في الفريج الألتهاب إعورة على ما أضن

[abbas55]

اخوي كوكاتو لاتخاف مثل ماقال اخوي فواز حاول لاتخلي يدخل تدخل جراحي

ممكن الجرح يتلوث استعمل المضادات الحيوية وبالشفاء العاجل ان شاء الله

[abbas55]

بالشفاء