ممكن تساعدوني

[عشووووقه]

السلام عليكم ورحمة الله وبركاته

عندي مشكله بقطوتي جودي اتحن وايد وتبي تتزاوج
بس للاسف لما يكون عندها الذكر ما ترضى واتكش صارلها
فتره طويله على هالحال وماني عارفه شنو اسوي معاها
وعمرها تقريبا سنتين وشهرين وللحينها ما تزاوجت
يا ليت القى الحل عندكم
ومشكورين مقدما

[قطوتي لوسي]

اهلين
اختي لزم تدورين قط ذكر الحين دامه طالبه التزاوج الحين روحي داوري

ختو جتك الفرصه والفرصه ماتجي الاباالعمر مره وحده

[عاشقة القطاو]

هلا

اختي عشوقة

ايه عادي اول ما تجبين الذكر تكشر بوجه بس بعدين بتزاوج وياه ..

بس حبيبتي اول الشي

لازم الذكر يكون طالب التزواج

و الأنثى طالبة التزواج

شوفي اذا الذكر الي جبتيلها اياه مو طالب التزاوج مستحيل تتزاوج اياه ...

عشان كذا اقولك الذكر لازم يكون طالب التزاوج..

أما اذا كان الذكر طالب التزاوج فمن الطبيعي

انها تبخ بوجهه اول يوم ..بس بعدين بيحاول الذكر يمسكها و يتزاوج و ياها

و أتمنى اكون افدتج ..

و أي سؤال ثاني حاضرين

[عشووووقه]

اهلين عاشقه وقطوتي اول شي مشكورين على ردودكم
والله يعطيكم العافيه
بالنسبه حق قطوتي ما ترضى بكل الاحوال حتى لما يبت لها قطو يبي يتزاوج ما رضت
وانا اشوفه يحاول ان يمسكها جدامي تتهاوش معاه وما اتخليه نهائي فا انا ما اقدر اخليها
معاه طول الوقت لان ما تاكل ولا تشرب فا اخاف عليها وايد ومع اني اخليه معاها فتره طويله
وهم ماكو فايده فيها والحيين اهي قاعده اتحن وايد والمشكله الثانيه اني ما اقدر اييب لها ذكر بالوقت هذا
لان عندي صغار بالبيت واذا وديتها برا ما تتزاوج نهائي وتكون خايفه لان المكان يكون غريب عليها
ويا ليت اتفيدوني اكثر :)

[sisi_moon]

مششكله قطوتج

واذكر قبل قلت لج خليهم حبسيهم بقفص يوسعهم

ومقصصه اظافر الاثنين عشان محد يأذي احد

وبيتم التزاوج ان شاءالله

بس زي ماقالولج اهم شي الاثنين يكونون طالبين تزاوج

وماعليج في البدايه بس تدلع ماتاكل ولا تشرب بس بعدين مردها بتموت جوع وبتاكل

[عشووووقه]

اهلين اختي sisi
اي اذكر انج قلتيلي بس للاسف للحينها مو راضيه
ومع اني اخليهم مع بعض يعني اذكر اخر واحد كان معاها
شهر كامل ويحاول لي درجة صار اهو سيد المكان :) يعني يطقها
ويلحق وراها واهي اللي تنحاش لووووول جبانه وقت الشدايد اتخورها
ومن كثر ما زهقت من تصرفاته لما وديتها البيطري الدكتور قالي خلاص
ما منها فايده راج اتظل على طول جذي ما ترضى فا كان يبي يعطيها ابره
اتوقف فا ما رضيت قلت له لا حرام قالي عيل خليها اتحن ليما تسكت بروحها
فا سويت اللي قالي عليه بس كل مره تييها الحاله فا مليت
والله كريم ان شاء الله :)
مشكورين وما قصرتوا

[sisi_moon]

لا حطيهم بقفص يكفييهم هم الاثنين بس .. عشان مايكون لها مجال تهرب

لان مو زين تتم على هالحال

[عشووووقه]

مشكوره اختي على اهتمامج بالموضوع
وان شاء الله اني بحاول معاها هالمره لاني صج تاذيت منها
وان شاء الله خير

[Octopus]

ما أزيد يكفي ان سي مون سعدتك:)

[قطوتي لوسي]

انتي شكلك تجيبي قطو مو طالبة التزاوج صح؟

[عشووووقه]

بالعكس القطو اللي اييبه يبي يتزاوج بس المشكله بقطوتي
اهي اللي ما تبي اتخليه واشوفه كذا مره يحاول معاها وماكو فايده
يقوم يطقها ليما تنحاش منه واذا انحاشت طبعا انا ما اقدر امسكها لان اذا شلتها واهو موجود
اتعضني بس عشان تنخش في اي مكان مع اني حاكرتهم عندي بالغرفه وما يطلعون برا ومرات في الصندوق
:(

[فقع]

السلام عليكم ورحمة الله وبركاته

عندي مشكله بقطوتي جودي اتحن وايد وتبي تتزاوج
بس للاسف لما يكون عندها الذكر ما ترضى واتكش صارلها
فتره طويله على هالحال وماني عارفه شنو اسوي معاها
وعمرها تقريبا سنتين وشهرين وللحينها ما تزاوجت
يا ليت القى الحل عندكم
ومشكورين مقدما

جيبيلها ذكر وخلي معاها حتى لو شهر لين ما يتعاودو على بعض وخاصة هيا لين ماتاخذ عليه
او
وديها للعياده الطبيه وخليها عندهم وهم يتولو عملية التزويج
او
اتركيها وطنشيها
او حل اخير اذا كنتي حابه ترتاحي للأبد بس بشرط ممنوع ممنوع وحرام انك بعد ما اتسوين اللي بقول عليه انك ترميها او تتركيها لازم اتخليها عندك طول مانتي عايشه وبامكانك كمان تستشيري احد الشيوخ .. المهم اعمليها عمليه اخصاء :o

[عشووووقه]

هلا اخوي فقع انا قلت لكم من قبل ان من كثر ما مليت من تصرفاتها ولما كنت اوديها البيطري قالي الدكتور بيعطيها ابره اتوقف فا قلت له لا حرام اخذ ذنبها يمكن ما تظل طول العمر معاي او انها تنحاش او يصير لها شي لا قدر الله فا ما ابي اتحمل ذنبها بعدين والله انها تكسر خاطري مرات ومرات تطلع بحركات اتخليني اعصب عليها واطقها ولما اطقها ما اخليها على طول اشيلها وامسح عليها بس شنو اسوي استغفر الله احسن راح اين منها :(
فا ماكو الا اني اتحملهاواحقرها ليما تسكت بروحها او اني اخليها عند اي احد يكون عنده ذكر وان شاء الله خير