سلاحف برمائيه بلييز دخوول

[الماسه السوداء]

السلام عليكم
عندي سلحفاة برمائيه كبيرة الحجم نوعا ما عمرها تقريبا على حد قول راعي المحل 6 شهور
كيف اعتني بها لاني ابي ابيعها ..
ابي قبل كل شي اعرف الاتي
متى تكون في سن الزواج:o
ثانيا كيف اعرف انه ذكر او انثى
ابي اعرف وين احطها فيه لان المكان اللي هي فيه الان ضيق.



تم اختطاف هذه الصورة من احد المنتديات <<< ماصدقت تلاقي زيها المهم هذه تشبه للسلحفاة حقتي ارجو افادتي بما لديكم من معلومات

http://m002.maktoob.com/alfrasha/ups/u/16908/29384/391992.jpg

[Octopus]

يامرحبا بكي في المنتدى:)
هل ممكن تضعين صورة السلحفاة التي عندك:)

[الماسه السوداء]

تم وضع صورة للسلحفاة وكنت ابقول لكم شغله انا سلحفاتي لقيتها تتمشى الاخت برا المكان اللي هي فيه وانا وجميع من بالبيت متاكدين ان محد طلعها برا فهل تقدر تطلع من مكان طوله شبريين تقريبا؟:eek:

[knfoosh]

انا اقدر افيدك في شي واحد وهو انك تقدر تحط السلحفافي حوض بحجم حوض السمك وممكن انها تقدر تطلع لا تستغربي:confused:

[الإمـبـراطـور]

الماسة السوداء

ممكن انك تدخلي الرابط وتتعلم كيف العناية بالسلاحف...
http://www.2zoo.com/vb/showthread.php?t=92891
اسمح لي اقولك ان هالحجم ما يناسبة ابدا احواض السمك وهي باستطاعتها الخروج برا الحوض والسبب ان السلحفاة تستخدم جميع اطرافها بالتسلق ما فيها الذيل حتى يرفعها خارج المكان اللي هي فيه...ولك تحياتي

[بياع هامستر]

بكم اشتريتيها ..

ومن فين

[الماسه السوداء]

اشتريتها من محل الدمام والسعر يختلف 75 ريال

[tanaf]

سلحفااتج شكلها تلعب جمبااز خخخخخخخ


الله يخليها لج وديري بالج عليها

[كويتي من ذهب]

شكلها حامل
اذا ولدت سمي ولدها سلحووووف

[مهووس الحيوانات]

:eek: شريتيها بـ 75 ؟؟؟؟؟

أنا شفت سلاحف بـ 10 ريال بس ..

[الماسه السوداء]

شكرا لكم على المرور واذا هي حامل شكوا تقعد تناقز وحركات هذي؟

[7mamah]

اذا سلحفاتك عمرها 6 شهور ما اعتقد انها حامل هههههههه

السلاحف تكون في سن الزواج في عمر 5 الى 6 سنين

اناا سلحفاتي البرمائيه عمرها 3 سنوات تقريبا

حاطتهاا بحووض بلاستيك ولازم يكون شفاف اناا سلحفاتي لو حطيتها بحوض عاتم تصير منكمشه على حالها ومتضايقه وما تاكل << دلووعه خخخخخخ

ويفضل ان الحوض يكون واااسع

وحطيت لها صخره اشتريتها من محل بيع الحيوانات تركب عليها علشان ترتاح من السباحه

وضوء اشغله لها بدال ضوء الشمس لمدة 4 ساعات يوميا

والماي يكون بعمق انها تقدر تمد راسها وتخليه يطلع برع

وحطيلها نباتات اصطناعيه

واناا انظف الماي بفلتر بس لازم ما تشغلينه طول الوقت بس لما يتوسخ الماي واخليه لين ينظف واطفيه

وابدل الماي مره وحده في الاسبوع


والاكل اعطيها ربيان مجفف والاكل اللي ينباع فالسوق وخس << بس انصحك ما تعطينها خس لانه وااايد يوسخ الماي بشكل فضيع وريحته وسخخخخخخخخخه

وسلحفاتي ما شااء الله نشيييطه ودايما تخرب كل شي فالحوض هههههه


^_^

[الماسه السوداء]

مرحبا اختي انا سلحفاتي انحاشت ومدري وين طست من امس العصر ولين الحين مالقيتها حطيتها بالحوش تتمشي ومدري وين هجت ولا عندي مكان تنخش فيه لا ماصورة ولا بالوعه لكن معليه بستنى عليها كم يوم واشوف يمكن تطلع من اي مكان ...
وهي دايما تناحش من الحوض بالليل واقعد ادورها بالمطبخ او اي مكان اخر منخشه فيه فقلت اطلعها برا تتمشي وتترزق ربي لكن الله يرجعها بالسلامه احس اشتقت لها وعلى فكرة ابي اعرف ان كانت بنت او ولد وانا على طووول سويتها بنت مدري ليه..

[7mamah]

ان شاااء الله تحصليها

اناا سلحفاتي دايما تحاول تطلع من الحوض بس الحمدلله الحوض عااالي

واناا مثلك بعد سلحفاتي بنت وعلى طول خليتها ولد هههههههههه للحين مب راضيه اغير اسمها بعد ما عرفت جنسها

المهم بتعرفين جنسها من بطنها اذا كان مقعر بيكون ذكر واذا كان عادي تراها انثى

واذا كانت سلحفاتك من نوع ذات الاذن الحمراء بتعرفين عن طريق هالاذن

اللي هيه خلف عينها

اذا كان لونها احمر يكون ذكر

واذا كان برتقالي او لونه باهت يكون انثى


ان شااء الله افدتك في شي

واتمنى من كل قلبي تحصليها

بس ما كان لازم تخلينها برا


مدري ليه اتكلم سعودي :D

ترا اناا اماراتيه ههههههههههه :p

[الماسه السوداء]

وااااي فيديتج Vmamah الى اليوم مالقيتها وبطنها مسطح مو مقعر يعني طلعت بنت بس ماعرفت شسميها؟

انا بدور لي سلحفاة بريه وقالوا لي بعد اسبوع تقريبا انا ابيها عشان اجيب لها وحده ثانيه واسوي لهم حوض يناسبهم بس الله يهديها مدري وينها ..

[الماسه السوداء]

لقيتها بعد غياب اسبووووع