اهل الخبره افيدوني وحلو مشكلتي

[ابو ريما]

السلام عليكم ورحمة الله وبركاته

اول شي احب اشكركم على هذا المنتدى الرائع وانا استفدت كثير من مواضيعكم القيمه

وحبيت استشيركم واعرض عليكم مشكلتي

انا من هواة الطيور بس ما افهم فيها الا شوي وحاب اني اربي ببغاء

رحت وشريت ببغاء امزوني جامبو ماشاءالله الي يسمونه الامازون ذو التاج الاحمر Red-crowned Amazon

وهذه صورته

http://up2.m5zn.com/thumb/2009/3/8/04/s1ytvhs9s.jpg/jpg

http://up2.m5zn.com/thumb/2009/3/8/04/mhfw8nd11.jpg/jpg

ياليت تعطوني عنه معلومات هو زين ولا لا
اول ماشريته الليف بس ما يقول شي الا بعد فتره بدء يتكلم ويصفر واذا طلعت من عنده يصفر بصووت عالي الين اجيه

ويطلع على يدي بس انا خوااف جيت يوم ولبست دسوس وارتاع مني واخذ موقف وصار ما يبيني واذا جاه احد اخواني بالذات الصغار انهبل عليهم وقام يلعب ويقول بعض الكلمات بس مو واضحه

المهم انا ابيلي واحد الليف قبل الكلام رحت وشريت واحد افريقي هولندي فرخ وجلس عندي اسبوع وتفلسفت وكلته فواكه من ضمنها رمان ومدري وش جاه وديته البيطري قالي اصلا انتم غلطانين لاتشتري فرخ اشتر كبير عشان مايموت المهم عطاه ابره وعطاني مضاد حيوي بس مافاد ومن بكره مات الطير والله حزنت كثيييييير لاني انبسطت معه وصار اليف وحبوب بس مات

http://up2.m5zn.com/thumb/2009/3/8/04/53jvzzde9.jpg/jpg
الحين انا توهقت عندي هذا الامزوني وما بيه ببيعه بس وش اخذ ناس تقولي خذ افريقي وناس تقول خذ امزوني البلو ونا محتار

ياليت احد عنده خبره يفيدني ولو ما اثقل عليه يصير بيني وبينه اتصال عشان عندي اساله ابي اساله كثير

http://up2.m5zn.com/photo/2009/3/8/04/x74thhwut.jpg/jpg

[Madrid Spirit]

مبارك عليك الطير اولا

بالنسبه للافريقي

عطاه ابره

خطا اعطاء الفراخ ابر بهذا العمر تموت

هناك الف طريقه افضل من الابر للفراخ

بالنسبه للامازوني

ساعود و اجاوب على كل اسالتك باذن الله

[سكر]

الله يعوض عليك في اللي مات

وبالنسبة لتربيه الأمازوني اللي عندك بنصحك نصيحة عامة

يمكن لما تدخل مواقع تربية الطيور تلاقي نصائح وتوجيهات كثيرة

ويمكن يتبادر لفهم أي شخص ان تربية الببغاوات يبغالها خبرة كبيرة وقيود

وبسبب هذا الفهم يصير للشخص المبتدئ احساس انه غير مؤهل للتربية ويصاب بالاحباط والارتباك.

نصيحتي لك ولكل شخص يرغب في التربية

انه ينسى شوي انه يتعامل مع ببغاء

هو في المقام الأول يتعامل مع حيوان

يعني لازم يقدم له نفس اللي يقدمه للحيوان بصفة عامة من احتياجات.

مثل الأكل والشرب والنظافة, بدون التركيز على النتائج.

وكذلك الرحمة والمودة وترك مساحة حرية للحيوان كبيرة شوي.

وبعد فترة الحيوان بيكون تلقائياً أليف مع الشخص اللي يهتم فيه.

الخبير في تربية الطيور هو شخص يوصل لنتائج بسرعة.
أما الهاوي فهو شخص يوصل لنفس النتائج بس بعد فترة أطول.

هذا هو الفرق, في الوقت بس

اما النتائج تقريباً هي متقاربة.


بإختصار

اذا انت انسان تملك الصبر فبإذن الله بتوصل للنتائج والراحة بعد فترة, وهذا كل اللي تحتاج اليه.


لا تنجرف وراء ما تسمعه من محترفين وصلو لنتائج في وقت قصير فهم محترفون ولهم الحق بذلك.

ولكن انا وأنت لنا وضع مختلف ولسنا محترفين, لذلك ينبغي لنا ان نفهم ان طريقنا أيضاً مختلف قليلاً.


تقبل تحياتي

[ابو ريما]

يعطيكم العافيه بس معليش ودي تقولون لي طيري كويس اصبر عليه ولا اشتري افريقي ولا امزوني البلو فرنت

مشكورين على الردود

[مجنون عويشق]

السلام عليكم

اخوي الغالي

اول شيء معلومه احب اصححها لك

الامزوني هو red lored وليس Red-crowned

وانا جربت النوع هذا من قبل وهو عنيد نوعا ما

ولكن اصبر عليه ....فهو يتعود على صاحبه بشكل غير طبيعي


وبالنسبه للافريقي ..المفترض ماتعجلت وعطيته ابره ....فانا الببغاء حقي اعطيه رمان

وليس لاي شيء نعطيه مضاد حيوي


بالتوفيق لك

[ابو ريما]

يعطيكم اللف عافيه

ومشكورين على الردود بس يعني اصبر على الي عندي هل يستاهل ولا اشوفلي افريقي او بلوفرنت وش رايكم

[ابو ريما]

ـــــــــــــــــــــــــــــــ:confused::confused:ــــــــــــــــــــــــــــــــ

[تو زوو (خالد)]

والله يا اخوي انا ما عندي الخبره الكافيه بس انا اشوف ناس كثير تمدح النوع اللي عندك

وانا شاري الافريقي من كم يووم ما تأقلم معي ابد واحمد ربك انه يصفر اللي عندك ويقول كلمات مو واضحه على الاقل يعطي جو

بس اللي عندي ما سمعنا الا جعير والعياذ بالله هههههههههههههه

هو ما عطاني مجال امسكه وحتى لما وديته للبيطري دخل اظفره بيد البيطري والبيطري نط من مكااانه ههههههههههههه << متوحش

فا انا اقول اصبر عليه ياخذ عليك وتاخذ عليه ويا مالك من الكلمات الروعه والتصفير .. وادعيلي بأنه على اقل شي يصفر ههههههه << مسكين الاخ لووووول

تقبل مرووووري

[عبادي والجو هادي]

اخوي بالنسبة للكاسكو روح للمواضيع المثبته وراح تفيد جدا جدا

لاني كنت ما افهم في الكاسكو الا قليل و اول ما سجلت صرت ما شاء الله علي

دربت 3 كاسكوات حقي وحق عمي و ولد عمي

[الكاسيكو]

مرحبا بك الاخ ابو ريما طائر جيد وممتاز ويحتاج الى قليل من الصبر ومشكله الخوف هذه طبيعه وهي رده فعل فقط وسوف يعود كما كان بس حاول تقديم اي طعام يكون مفضل لديه وتطعمه انت بنفسك وسوف يتغير بسرعه وبما انه ابتدأ في محاوله الكلام فسوف يتكلم ان شاء الله .

[ابو ريما]

الاخ الكاسيكو

يعطيك ربي الف عافيه

وانشاءالله بصبر عليه

وياليت احد يعلمني عمره هو كبير ولا لا

واللف شكر لك