محتار في طيوري...

[بويوسف الميلاني]

حبايبي خاطري اشتري (بلوفرنت)......بس خايف اني اتحسر على فلوسي.....

لان عندي كاسكو جميييييل....

وش نصيحتكم ؟؟؟

طيب وأذا اخذت البلوفرنت ابيع الكاسكو.....

ولا عادي اخليهم بغرفه وحده....

والله خابف اتحسر وانا من جد متردد...

ابي شوركم....

[ابو سفر]

هلا حبيبي..

عادي اشتري بوفرونت..ولاتبيع الكاسكو ..خلهم عاددي في غرفة واحدة مايضر..

بس اذا شريت البلو فرونت ...لاتهمل الكاسكو ....ومبروووك مقدما

[مجنون عويشق]

السلام عليكم

اشتر البلوفرونتد ليه ماتشتري ....

واعدل بينهم في اللعب والجلوس ...

تحيه طيبه

[سكر]

والله العادة أنا في فريق ابو سفر ومجنون عويشق بس هذي المرة أنا ضدهم شوي :D

أخوي أبو يوسف

صراحة ما انصحك تشتري بلو فرونت

لأني أعرف شعورك تماماً ومريت فيه

أول شي واضح ان البلو فرونت سحرك بجماله وبمواضيع الشباب عنه عن طريق المنتدى

وشكل السبب هو المدح الكثير لهذا النوع

أولاً اذا بتشتري بلو فرونت فلا تدور الأرخص

دور للأفضل من ناحية الصحة والألفة, حتى لو غالي, واذا دفعت ادفع على شي يستاهل.

ما بتفرق كثير 100 أو 200 ريال.

ثانياً انت شكلك تدور لنتائج سريعة وتبغى البلو فرونت لأنك تعتقد انه سريع في التعلم والألفة.

وهذا صحيح لكن مو دائماً

يحتاج لوقت ولممارسات معينه تتابعها.

ومهما كان يبقى مجرد ببغاء, يعني ما بيتكلم في فترة يوم او اسبوع أو حتى شهر.

الا في حالات معينة وصعبة.

اذا عندك استعداد تستغني عن الكاسيكو, روح اشتري بلو فرونت

تقدر تعطي الافريقي احد ثاني لفترة طويلة حتى تتفرغ للبلو فرونت

أو تبيعه وتريح مخك


بس لا تكون طماع يا غالي



الحقيقة عندي اسباب كثيرة بس يخونني التعبير عنها حالياً

لكن كتبت لك رأيي وان شاء الله ربي يختار اللي فيه الخير لك دائماً



تحياتي

[بويوسف الميلاني]

اخوي ابو سفر ومجنون.....يعطيكم الف عافية...

سكر..انت ساحر

كل الكلام اللي قلته صحيح ...

بس تتوقع صعبه اني اعدل بين الكاسكو والبلوفرنت..

والصراحه انا ماعرف افضل الانواع في البلوفرنت ولا احجامها...

لذلك يمكن اني راح أأجل الموضوع....ويعطيكم العافية ولاهنتواا

[سكر]

لا مو ساحر لكن قلت لك اعرف شعورك لأني مريت فيه

وكلامي خاص لك انت بس

يعني بشكلعام يمكن لو واحد ثاني عنده كاسكو ممكن أنصحه يشتري بلو فرونت عادي

بس في حالتك انت بالذات ما انصحك

كل ما أجلت كل ما كان أفضل يا قمر

واذا جا اليوم اللي تكون فيه متاكد من قرارك هذاك الوقت تقدر تشتري بلو فرونت ومكاو وأي شي بعد.

والطيور موجودة دائماً

في كل الأحوال صل ركعتين استخارة وقول الدعاء وربي أعلم مني ومن الكل بيدلك على القرار الصواب.

تحياتي يا قمر

[بويوسف الميلاني]

كلامك عين الصواب........

وراح اخذ برايك...

وماحد قمر غيرك....

[كاجو]

السلم عليكم...
لوانت تحب الطيور ومخلص لها وحبك لطيور من يوم كنت صغير فعادي ممكن تربي اكثر من طير لانك ماراح تمل منها ولا راح تهملها هذي غريزة عندك حبكم لهم وبالعكس راح تتسلى معاهم وتلاقي انك من تقوم الصبح اول شيء تسوية المرور عليهم واطعامهم انا مثلا عندي كذا نوع من الببغاوات والطيور والحمدللة عمري ما اهملت
احد.. شف نفسك وقرر وباالتوفيق..