تسجيل الدخول

مشاهدة النسخة كاملة : من يروض ببغائي

احمدحماده
13-03-2009, 04:03 AM
السلام عليكم ورحمة الله وبركاته
تحيه طيبه
انا سبق كتبت عن ببغائي الرمادي الافريقي
بانه صعب ترويضه وانا واحد ماعندي فكره بالمره
بس احبهم بأنواعهم
سؤالي هل يوجد مكان او شخص متخصص يروض لي ببغائي ويعلمه الكلام
بالدمام
وجزاكم الله خيرا
سكر
13-03-2009, 05:19 AM
والله أخوي لو عندي وقت ابشر

بس اللي اقدر افيدك فيه انك تجيبه عندي تخليه كم يوم وبعدها بعلمك كيف تتعامل معاه.

انا حالياً عندي أمازوني وعندي غيني تمنه

بس واضح انك انت تحتاج للتدريب مو ببغاءك

انا في الدمام خلينا نتقابل وننقل التجربة للأعضاء بعد ما تظهر النتائج.

وان شاء الله تلاقي نتيجة

تحياتي
عبادي والجو هادي
13-03-2009, 06:09 AM
انا بالرياض مشكلة

لكن اقرا في المواضيع المثبته

انا كنت مثلك ما اعرف اي شيء قالي واحد من العيال سجل وشف والله سجلت وهذا انا ما شاء الله
احمدحماده
13-03-2009, 04:57 PM
اخي العزيز سكر
تحيه طيبه
انا سبق عرضته على قريب لي من اصحاب الخبره في الترويض
جلس عنده شهر ورجعه وقال لي عنيد وراسه يابس ولاقدرت عليه
عندك استعداد تقابلني وتاخذه تدربه
واكون لك شاكر
سكر
14-03-2009, 01:34 AM
ايه ابشر من عيوني

اليوم ان شاء الله في أقرب وقت نتقابل ولا يهمك وآخذه عندي كم يوم وان شاء الله نلاقي نتيجة يا قمر

تحياتي
احمدحماده
15-03-2009, 12:20 AM
عزيزي سكر شيك على الخاص ارسلت لك رقمي
انا بانتظارك
ولك كل الاحترام والتقدير
ابو سفر
15-03-2009, 12:40 AM
بالتوفيق لكم جميعا
سكر
16-03-2009, 03:30 AM
قبل كم ساعة قابلت الأخ أحمد حمادة وأخذت منه الببغاء حقه.

وصراحة شكله مفجووووع مرة

لكن ربي يسهل

شوف الفيديو هذا يا غالي, هذا ببغائك المتوحش شوف صار أحسن شوي.

التحميل من هنا (http://www.pusup.com/up/get-3-2009-t46kuhpy.mp4)

حاول تحمله على جهازك اذا كان عندك برنامج ام بي 4

أما اذا ما كان عندك أجل انقله على جوالك عن طريق البلوتوث وبيشتغل ان شاء الله.

وبعد شوي بنزل لك صور عنه ان شاء الله


تحياتي
سكر
16-03-2009, 04:03 AM
هذا ببغائك الجميل اللي للحين ما تعرفت على اسمه



http://www.pusup.com/up/get-3-2009-3mdelmg8.JPG (http://www.pusup.com/up)

وأبشرك أكل من يدي وخف جعيره عن أول بكثير, لكن ما زال يجعر اذا أحد لمسه.
لكنه ما يقول شي اذا بتقرب منه بس زي منت شايف في الصورة جالس أأكل التمنة وهو يطالع.


http://www.pusup.com/up/get-3-2009-z65kr5lq.JPG (http://www.pusup.com/up)


هذي صورة جناحه قبل ما أقصه كان مبهذل وتالف بسبب عدم الاستحمام.
وكما هو واضح كان فيه محاولة قديمة لقص جناحه بطريقة خاطئة, ولكن لم تكتمل.
http://www.pusup.com/up/get-3-2009-c04uwhwq.JPG (http://www.pusup.com/up)

أعتقد ان اللي كان بيقصها بطل من شدة توحش الببغاء. (وبيني وبينك معاه حق :D )

هذي صورة ريشه قصيته اليوم بعد ما اعطيتني اياه.

http://www.pusup.com/up/get-3-2009-uz9b85pz.JPG (http://www.pusup.com/up)

وترى بخليه في علبة واعطيك اياه عشان ما تقول اني رجعت ببغائك ناقص :D

على فكرة .

انجرح جرح بسيط لما نزلناه من السيارة, الظاهر انه صدم في الشبك بقوة وجرح من عند خشمه.

ما يأثر ان شاء الله بس شكله خايف بشكل غير طبيعي ومستعد يأذي نفسه ولا يسمح لأحد يقرب منه.

أضن انه يحتاج فترة أطول عشان يتأقلم.

دعواتك لي بالتوفيق في ترويضه لأنه فعلاً تحدي.


تحياتي
stavol75
16-03-2009, 01:12 PM
بسم الله الرحمن الرحيم

سكر يعطيك العافية على مساعدة الاخ احمد

ومتابعين الموضوع معاك للنهاية ان شاء الله

بالتوفيق لك في هذا التحدي الشييق.
LiLi
16-03-2009, 01:33 PM
ما شاء الله .. أنا أتوقع أن الطير راح يتدرب و يتغير كثير

خاصة إذا لقى صاحب يهتم به و مستعد يتحمل عناده


http://www.pusup.com/up/get-3-2009-mc893znr.gif (http://www.pusup.com/up)
سكر
16-03-2009, 03:53 PM
السلام عليكم ورحمة الله وبركاته

تسلمون على الدعم والتشجيع

الحمد لله اليوم طلع على يدي

والحين بنزل صوره ان شاء الله بعد دقايق
افريكانو
16-03-2009, 04:09 PM
ما شاء الله عليك سكر

بالتوفيق و متابعين معاك

يعطيك العافية صدق انك سكر على اسمك
سكر
16-03-2009, 04:20 PM
اليوم العصر روشته وطلعته بعد ما نشف برى السطوح

وجلست معاه شوي

صار يطلع من خشبة الى خشبة لما اقوله اطلع.

وبعدين بحمد الله طلع على يدي (أضافيره طويلة مرة)

بس مو مناسب نقصها الحين.

علماً ان الطائر كبير في العمر ويوصل حوالي من سنة وشهرين الى سنة ونص تقريباً

وهذا رد لكل من يقول أن الببغاوات الكبيرة غير قابلة للترويض.

هذي صورته

http://www.pusup.com/up/get-3-2009-666kbxow.JPG (http://www.pusup.com/up)

http://www.pusup.com/up/get-3-2009-cv8dm37w.JPG (http://www.pusup.com/up)

http://www.pusup.com/up/get-3-2009-v3ej3p1e.JPG (http://www.pusup.com/up)



طبعاً هذا اللي صار يعتبر نقله كبيرة, لأن الببغاء كان مرعووب بشكل غير طبيعي, وعمري ما شفت مثله في الخوف, والعناد.

لكن المهم الحين ان اللي صار مجرد بدايه, وممكن ينتكس مثل أول ببساطة.

هذي تعتبر أصعب مرحلة, اللي هي تعزيز التدريب وترسيخه حتى يصير عادة مألوفة عند الطائر.

وان شاء الله أحاول قد ما أقدر أفهم طبيعته وأختار الأسلوب المناسب له في التدريب بعون الله.


بسم الله الرحمن الرحيم

سكر يعطيك العافية على مساعدة الاخ احمد

ومتابعين الموضوع معاك للنهاية ان شاء الله

بالتوفيق لك في هذا التحدي الشييق.

أخوي stavol75 أشكرك على تعليقك وأتمنى لك متابعة ممتعة

والناس لبعض يا غالي.




ما شاء الله .. أنا أتوقع أن الطير راح يتدرب و يتغير كثير

خاصة إذا لقى صاحب يهتم به و مستعد يتحمل عناده



http://www.pusup.com/up/get-3-2009-mc893znr.gif (http://www.pusup.com/up)


كلامك سليم أختي لي لي.

احنا اللي نحتاج للتدريب قبل ما ندرب ببغاواتنا


أشكرك على مرورك


ما شاء الله عليك سكر

بالتوفيق و متابعين معاك

يعطيك العافية صدق انك سكر على اسمك

تسلم افريكانو على دعواتك وعلى المتابعة.

وعسى الله يعافيك يا قمر.

تحياتي.

حياك لله أخي
كاسكو1
16-03-2009, 06:24 PM
والله ما قصرت يا سكر والله يكثر من امثالك
عبود القبوط
16-03-2009, 06:50 PM
وربي أنك فنااااان
ماشاء الله عليك
الله يوفقك
أم صوفي
16-03-2009, 08:42 PM
ماشاء الله عليك

أستاذ سكر

<< شرايك تاخذ اللي عندي

بالتوفيق يااارب
فتفوته
16-03-2009, 10:44 PM
ما شاءالله عليك :)
الله يوفقك ويجي من يخدمك بوقت الشدة
احمدحماده
16-03-2009, 11:54 PM
والله يعجز اللسان عن التعبير صراحه ماشالله عليك . انا توقعت انك بتقدر لكن ماتوقعت بهذه السرعه بس من يوم ماشفتك عرفت انك رجل بروفيشنال
وانت شفتني يوم اعطيك اياه كنت يائس منه . انا قلت اذا ماضبط هالمره بسوي عليه كبسه:D

بصراحه احرجتني عند الاعضاء. ليتك رافع الصور بعد اسبوع على الاقل مو يوم واحد بس:D

وريت الصور للاهل في البيت مومصدقيين انه نفس الببغاء اللي عطيتك اياه امس بس الفيديو ماشتغل على الجهاز وحاولت اغير امتداد المقطع وبرضو ماشتغل يمكن فيه مشكله

انت سألتني عن اسم الببغاء وبصراحه ابوالشباب ماعطاني فرصه اني اتعرف عليه

وانا تاركلك الخيار عشان تسميه وانت واللي يعجبك

عموما حبيبي مشكور وانت كسبت التحدي قدام الاعضاء الكرام

ويعطيك الف الف عافيه يا قمر.
سكر
17-03-2009, 06:26 AM
والله ما قصرت يا سكر والله يكثر من امثالك

الله يسعدك كاسكو ويجزاك خير

وربي أنك فنااااان
ماشاء الله عليك
الله يوفقك

تسلملي عبود على التعليق يا قمر

ماشاء الله عليك

أستاذ سكر

<< شرايك تاخذ اللي عندي

بالتوفيق يااارب

أم صوفي وشفيك مستعجله هههههه احمد حمادة من ثلاث شهور ونص وهو يعاني عشان كذا قلت له يجيبه.
انتي لسى ما كملتي حتى اسبوع, اصبري شوي وحاولي, واذا ما نفع ابشري بس بعد ما تحاولي 3 أشهر , لأنك يمكن ببساطة تروضيه وتكسبي خبرة أفضل بنفسك.



ما شاءالله عليك :)
الله يوفقك ويجي من يخدمك بوقت الشدة

زوجتي تقول ردك أروع رد <<< قلتلها صح, وقرصتني قرصة على كيف كيفك.

والله يعجز اللسان عن التعبير صراحه ماشالله عليك . انا توقعت انك بتقدر لكن ماتوقعت بهذه السرعه بس من يوم ماشفتك عرفت انك رجل بروفيشنال
وانت شفتني يوم اعطيك اياه كنت يائس منه . انا قلت اذا ماضبط هالمره بسوي عليه كبسه:D

بصراحه احرجتني عند الاعضاء. ليتك رافع الصور بعد اسبوع على الاقل مو يوم واحد بس:D

وريت الصور للاهل في البيت مومصدقيين انه نفس الببغاء اللي عطيتك اياه امس بس الفيديو ماشتغل على الجهاز وحاولت اغير امتداد المقطع وبرضو ماشتغل يمكن فيه مشكله

انت سألتني عن اسم الببغاء وبصراحه ابوالشباب ماعطاني فرصه اني اتعرف عليه

وانا تاركلك الخيار عشان تسميه وانت واللي يعجبك

عموما حبيبي مشكور وانت كسبت التحدي قدام الاعضاء الكرام

ويعطيك الف الف عافيه يا قمر.

يا هلا فيك أخوي أحمد.

أولاً أبغاك تعرف انك انت قدمت لي خدمة لما جبتلي الطير.
لأني فعلاً كنت محتاج أثبت بعض الأشياء للمربين من هواة ومحترفين.
مثل فكرة انه من الصعب ترويض الببغاء الكبير في العمر.
ومثل أسباب فشل الترويض, مو دائماً المشكلة في الببغاء نفسه.
أكثر حالات التمرد تكون بسبب شي بسيط مثل البيئة المحيطة بالطائر.
عشان كذا كنت حريص اني ما أتأخر في رفع الصور, مع اني مسخن ومزكم وحالتي حالة.

اللي صار مع ببغائك

1- تغيرت البيئة , وانتقل الى بيتي مع الطيور اللي عندي, وبدأ يقتنع بفكرة اني صاحبه مو عدوه.
2- إزالة كل ما يتعلق بالماضي مثل القفص, لأن فيه ذكريات ممكن تكون سيئة.
3- وضعه على ستاند يوقف عليه بدل القفص, لأنه في القفص يشعر بدفاعية أكبر, وبالتالي يرفض الانصياع.
4- قص ريش أجنحته, لأنه دائماً يسعى للهرب بواسطتها وهو مدرك مدى فاعلية الأجنحة, واذا قصيناها وتركناه يحاول الطيران أكثر من مرة حتى يكتشف ان هذي الوسيلة غير متوفرة, هذاك الوقت يكون أمام الأمر الواقع ويبدأ ييأس من الهرب.
5- اهمال التجعير, وعدم الإلتفات اليه, يعني اذا جعر, قرب منه واعتبره موسيقى, وكل ما زاد تجعيره قرب أكثر وانت مستمتع, واذا سكت روح من عنده, بهذي الطريقة يفهم ان التجعير معناه تعال قرب مني, وان الطريقة الوحيدة للخلاص هي السكوت.

في الأخير أحب أأكد على ان التوفيق بيد الله عز وجل.
ولو جبتلي ببغاء آخر يمكن أجلس شهور طويلة ولا أقدر أروضه.


بالنسبة للفيديو برسله لك بلوتوث لما نتقابل ان شاء الله.

أما الأسم كنت محتار ايش اناديه صرت أقوله (صديق) << هندي :D

على فكرة أهم نقطة الحين انه صار يطلع على اليد واذا تبغى تمد له عصاية قول له اطلع يطلع على طول.
ماشاء الله عليه باين انه ذكي, لا تفرط فيه وربي يبارك لك فيه ويعينك على تربيته.
طلوعه على اليد أخذ نصف ساعه فقط وأتقنها.

تحياتي
عبود القبوط
17-03-2009, 02:15 PM
والله يا سكر أنت أثبت ان مو صعب
ندرب اي ببغاء وحسافه فرطت بالي كان
عندي والحين شكل بهون عن الفرخ
واخذ كبير علشان أعيش تجربتك
ما شاء الله عليك
أحس فيها متعه
سكر
18-03-2009, 06:06 AM
:( خلاص بيرجع الببغاء لصاحبه < والله بيوحشني كثير.

الحمد لله بعد ما صلينا الفجر اليوم لمست الببغاء وحكيت راسه, صحيح انه مو مرتاح لكنها بداية. :D

وهذي الصور:

http://www.pusup.com/up/get-3-2009-onakfh6v.JPG (http://www.pusup.com/up)
http://www.pusup.com/up/get-3-2009-cmlxmul0.JPG (http://www.pusup.com/up)
http://www.pusup.com/up/get-3-2009-f40o5ov0.JPG (http://www.pusup.com/up)






والله يا سكر أنت أثبت ان مو صعب
ندرب اي ببغاء وحسافه فرطت بالي كان
عندي والحين شكل بهون عن الفرخ
واخذ كبير علشان أعيش تجربتك
ما شاء الله عليك
أحس فيها متعه

اي والله يا عبوود متعه ما تتخيلها بجد
بيني وبينك بديت احس ان تربية الببغاء الكبير اسهل من الفروخ والصغار .
wafi6556
18-03-2009, 10:28 AM
اجل تدري حنا بقية الأعضاء الي يبغالك تسمينا (صديق) مو الببغاء.....عندي واحد الظاهر انه مهجن (ابوه غراب وامه ظب) عليه جعير مو طبيعي وعليه عظه تقول ظب...وتحمد الله اني في جده ولا كان ابلشتك فيه
انا ليا 20يوم وقدرت اخليه يتقبل القفاز وامسح عليه ويطلع عليه لكن اليد يقول ولله لو بتسويني مندي ما اطلع عليها...ويقولون لي ممتااااااز لكني مليت من جعيره .....لكن شكلي بأبدأ من جديد بطريقتك وربي يهديه ويتعوذ من الشيطان....تحياتي يارعي صديق
احمدحماده
18-03-2009, 09:35 PM
اليوم انشالله بناخذ صديق من سكر وبصراحه انا خايف انه ينقلب علي

يعني انا كنت اشك في البدايه انه الولد الثاني للضب:D

لكن الحمدلله شفتوا التقدم اللي سواه الاخ سكر وانا بمشي على تعليمات سكر

والله يسهل.
كاسكوكيه
19-03-2009, 06:45 AM
ما شاء الله :)

الله يعطيكم العافيه على هالموضوع المبدع :)

بس من امس ما سمعنا شي عن الببغاء صدّيق :D

شكله أكل احمد حماده :p
ابو مقرن
19-03-2009, 07:17 AM
يعطيك العافيه اخوي سكر بس

يا ريت لو كنت في الرياض

عندي واحد ابي اسوي له سفت وير من جديد عشان

ارجعه مثل اول ما ادري ايش صار فيه وهو اليف ويطلع في اليد اول من دون شي

بس ما ادري وش صار له لما احاول اطلعه يعض شوي وبعدين يطلع في اليد واذا طلع في اليد يبدا يعض شوي ويلعب يا ريت تفيدني اخوي سكر ويعطيك الف عافيه
كاجو
19-03-2009, 11:37 AM
مبرررررررررررررررررررررررروك عليك ياسكر قدها يافارس...
5- اهمال التجعير, وعدم الإلتفات اليه, يعني اذا جعر, قرب منه واعتبره موسيقى, وكل ما زاد تجعيره قرب أكثر وانت مستمتع, واذا سكت روح من عنده, بهذي الطريقة يفهم ان التجعير معناه تعال قرب مني, وان الطريقة الوحيدة للخلاص هي السكوت.

والله انك صادق الطريقة هذي اكتشفتها مع ببغاء عندي ونفعت ومن يومها وانا مركز عليها كل ماجعر حطيت الكرسي وجلست قباله الين بطل جعير........
سيف 2009
19-03-2009, 02:44 PM
ما شاء الله تبارك الله
أحسنت الفعل والتدريب أخوي سكر
الله يوفقك وجعلها الله في ميزان حسناتك

وإلى الأمام وعقبال ما يتكلم أن شاء الله
the-gray
19-03-2009, 05:41 PM
ماشاء الله عليك اخوي سكر
بهذه السرعة

انا معاك مافي شىء اسمه كبير أو ما يتدرب
انا اخذت كروان كبير ومتوحشه والأن هو اليف

بس مشكله الكبير يأخذ وقت
وترجع المسأله على المدرب ونوع التدريب
احمدحماده
19-03-2009, 06:09 PM
مرحبا ياشباب صديق والله صاير غير هادي ومؤدب
يجعر بس والله موزي اول الحين بس للدلع ولا يستمر الا ثواني ويسكت على طول
وابشركم صرت المس راسه صحيح يتضايق اشوي بس وين اول وين الحين
واهم شيء اول اذا طلعته من القفص على طول يطير ويهجول في البيت اما الحين لا يجلس فوق القفص
ولا تجعير ولاهجوله .

في واحد من الاخوان سألني بكم روضلك سكر الببغاء
انا وسكر تعرفنا على بعض من خلال المنتدى والرجال حب يكسب فيني اجر
هو كان يبغى يساعدني وبنفس الوقت تحدي وتجربه جديده
واهم شيء بالنسبه لي اني اكتسبت واتشرفت بمعرفة الاخ سكر
وسكر ماطلب مني اي شيء بالعكس روض الببغاء واعطاني معلومات كثيره وحركات كثيره اسويها مع الببغاء
وفوقها عطاني ستاند هدية وهذا ابو الشباب مرتز فوق ستاند
http://www.alhnuf.com/up/pics-gif/upload/uploads/images/a-13f357f8ca.jpg (http://www.alhnuf.com)
أم صوفي
19-03-2009, 06:55 PM
حلووو

يعطيك العافيه ويجزاك خير

أستاذ سكر

أحمد

مبروكـ عليك ببغائك اللطيف :)
احمدحماده
19-03-2009, 11:47 PM
ام صوفي
الله يبارك فيك
عبود القبوط
20-03-2009, 12:02 AM
أحمد مبرووووووووووك لك ولسكر على التحدي
الي توفقتو فيه على الببغاء
أحمد عندي سؤال هل الطير طلع على يدك ولا إلى الان معند
فديتهم
20-03-2009, 12:14 AM
بتوفيق جميعأ انشالله
احمدحماده
20-03-2009, 01:02 AM
الله يبارك فيك اخ عبود
وابشرك طلع على يدي
مع اني اماتوقعت في يوم بيطلع بس الحمدلله
والفضل يرجع لله ثم للاخ سكر
عبود القبوط
20-03-2009, 11:10 AM
أجل الله يبارك لك فيه
ويتمم عليك حب الطير لك
وانا خلاص قررت أشتري واحد كبير
علشان أحس بالمتعه في التدريب
مثل الاخ سكر وعلى الأقل الكبير
يكون عنده شويت مناعه
aboaumir
20-03-2009, 03:49 PM
والله موضوع يحتاج لتثبيت

جمييييييييييل جدا

وأنا أنصح أنو صاحب المنزل يضل دائما قريب من الطير
aboaumir
20-03-2009, 03:50 PM
والله موضوع يحتاج لتثبيت

جمييييييييييل جدا

وأنا أنصح أنو صاحب المنزل يضل دائما قريب من الطير
احمدحماده
20-03-2009, 09:20 PM
الله يبارك فيكم جميعا
وان شاءالله اوافيكم بالمستجدات اول بأول
للاسف اوقات عملي ماتسمح لي اكون قريب من طيري دائما
سكر
21-03-2009, 11:31 PM
السلام عليكم ورحمة الله وبركاته

ما شاء الله الموضوع فيه تفاعل كبير ووصلت مشاهداته أكثر من 670 مشاهدة.
وفعلاً موضوع مهم في أحداثه اللي صارت , وأتمنى الكل يقراه حتى يغير بعض الأفكار الشائعة.

وبصراحة هذا الموضوع بحتاجه كثير لأنه مرجع لمعلومات مهمة.

مثلاً معروف ان قص جناح الببغاء وهو يشوفك هذا يخليه يكرهك ويصير متوحش.

علماً ان ببغاء الأخ احمد قصيت جناحه وصار أليف بعدها.

وفيه معلومات كثير منتشرة بين المربين والهواة وهي خاطئة, ومنها إطعام الببغاء شوكلاته مثلا يقولون انها تسبب تسمم للببغاء, وهذا كلام مو صحيح.

الأخ احمد جزاه الله خير أهداني سلة شوكلاته , كبيرة مرة ما شاء الله الى درجة اني الى اليوم ما قدرت آخلص ربعها, مع اني اعطيت الجيران ووزعت للشباب في الدوام واعطيت الببغاوات وجلست أفرم فيها انا وزوجتي.

ولا أثرت فينا كلنا خخخخ << الموضوع عن الببغاوات وش دخلكم :D

وفي الأخير, أشكر كل الأخوة الكرام اللي تابعو القصة من بدايتها وأتمنى انهم استمتعو معانا واستفادو, ودعموني في كل وقت.
وهذا جهد الجميع ربي يبارك فيكم ويخليكم لنا.
وأشكر الأخ الكريم أحمد اللي أتاح لي هذي الفرصة لترويض ببغائه, وللتعرف عليه وفعلاً كسبت رجل بمعنى الكلمة
ومثل ما قالو أهالينا (معرفة الرجال تجارة).... وأنا أشهد اني كسبت رجال.

إن شاء الله نسمع أخبار حلوة عن صديق.:D

تحياتي
أبو ريـــــــــــــان
23-03-2009, 04:21 AM
ماشاءالله بارك الله فيك ياسكر ويعطيك الف عافية على هالمجهود الطيب واتمنى ان كل الاعضاء عندهم نفس روح سكر الطيبة وحب مساعدة الغير

والله يهني أخونا احمد بطيره ويهنية فية
هدير الأمواج
23-03-2009, 08:45 AM
والله ماشاء الله عليك يا سكر
بس بلييييييز رد عليه
في ببغائي مايكل غير دوار الشمس وعمره 5 أشهر فهل من الممكن إنو يعتمد على نفسو في الأكل لأنو مايرضا ياكل بإبره.. وشكرا
zidi
23-03-2009, 10:37 PM
أنا عند يببغاء له شهر عندي يخاف مني ومايكل مني لم أقترب منه يبدء في صيح ....مع العلم أنه لا يتكلم دومن يو صفر


فياليت لو تفيدوني كيف اربيه واعوده علي





وشكر جزيل
yasserالكاسر
24-03-2009, 03:05 AM
والله ياسكر انك امييييييييييييييير من جد رجاااااااال الله يوفقك والله يهني الاخ احمد في طيره
سكر
25-03-2009, 01:32 AM
أشكر الكل على المرور والتعقيب, وهذا الموضوع موضوع الاخ أحمد حمادة مو موضوعي.


لكن لكل من رد أو أشاد له جزيل الشكر والتقدير والاحترام


أختي هدير رديت على استفسارك في موضوع ثاني

أخوي زايدي قرب من ببغائك واهتم فيه أكثر ولا تلتفت أو تتجاوب مع صراخه, وتقدر تراجع المواضيع المثبته يمكن تتلاقي الرد الكافي بس هذا يعتمد على نوع ببغائك وعلى الضروف المحيطة فيه يا غالي

تحياتي
الاعاب
25-03-2009, 11:50 AM
يعطيك الف عافيه

http://konan90.jeeran.com/%D8%A8%D8%A8%D8%BA%D8%A7%D8%A1-%D8%A7%D8%AE%D8%B6%D8%B1.gif
لوتيه
25-03-2009, 01:54 PM
ماشاء الله تبارك الرحمن كل هذا صار وانا مادري بالدنيا :)
مبروك يا احمد على ترويض صديق خخخخ >>>سايقنا
و ماشاء الله عليك يا سكر الله يجعله في ميزان حسناتك ان شاء الله ...
سكر
26-03-2009, 08:41 PM
ألف شكر على المرور والتعقيب الاعاب

أختي لوتيه والله على بالي انك تتابعين بس معاك حق العنوان حق الموضوع مو مغري

وأشكرك على التعقيب والدعاء جزاك الله خير

الموضوع كان حمااس أول ما بدأ والحمد لله, بس والله صديق وحشني

تحياتي
جداااوي
26-03-2009, 08:55 PM
ماشاء الله تبارك الرحمن
من جد والنعم فيك اخوي سكر
اشكرك على ابداعك
kane_h
04-04-2009, 10:51 AM
متابع المووضوع ومستمتع

بس من خلال قرائتي وجدت ان تدريب الببغاء متعب جدا

وفي نقطه انا ماني فاهمها ...دحين تقولولي طلعه من القفص عشان يتعود ع المكان كيف اطلعه وهو لسه ما اتروض >> في موضوعي اللي يذكر
؟؟؟؟؟؟؟

وشكرا ع الطرح
سكر
05-04-2009, 11:57 PM
العفو يا غالي, وبالنسبة لسؤالك, اذا كان جناحه مقصوص طلعه بشكل عادي حتى لو ما تروض.

فك الباب حق القفص, وخليه قريب من الاستاند, وهو بيطلع

واذا ما طلع حط له عصا طويلة أو غصن من القفص إلى الاستاند وبتلاقيه يتسلق بسرعه للإستاند.

تحياتي
dr_weed911
13-04-2009, 02:20 PM
سكر والله انك سكر وتستاهل الفوز بالتجربه الشيقة ومبروك عليك طيرك يا ابو حميد وحاول انك تتعامل مع الطير زي

ما قال لك الاخ/ سكر وطيرك الان لسه في فترة تريب لا تنسى الشي هذا لازم ترسخ المعلومة في ذهن الطائر

بالاستمرار والمتابعه ... بالتوفيق للجميع

وياريتك يا سكر في مكه كان سيرة عليك ,,,,,


تقبلو مروووووووووري
kAA
13-04-2009, 11:59 PM
سكر مشكوووور وما تقصر على مساعدة خويننا والله يوفقك
CHUKY
14-04-2009, 11:37 PM
مشاء اللله سكر بجد مروض الله يحفظه
عاشق الببغاء 2
15-04-2009, 12:53 AM
بالتوفيق بالتجربة
الطائي
16-04-2009, 09:09 PM
السلام عليكم
اخوي سكر ببغائي الرمادي لايتكلم اريد ان اجعله ينطق ولو بكلمه واحده
وش الطريقه المناسبه؟
مع تحياتي (الطائي)
محمد شاويش
18-04-2009, 08:16 PM
والله انك كفو ياسكر وما قصرت مع جميع الأعضاء الله يوفقك
بانادول
27-04-2009, 11:26 PM
اخوي سكر موضوع ممتاز ...

بس لو تعطينا خطوات (حك راس الببغاء) بالتفصيل اكون لك ممنون

وشكرا لتعاونك
شرحبيل
21-07-2009, 01:27 AM
السلام عليكم

احمد حمادة وسكر واعضاء المنتدى الخطير جبرتوني اني اشترك في المنتدى موضوع جداً شيق

بصراحة موضوع يستاهل عليه سكر واحمد حمادة جائزة نوبل خخخخخخخخخخخخ

الف مبروك ابو حميد و الله يجزاك خير يا مروض الاسود (سكر) <<<<<<< قوية شوية ههههههههه

دمتم بود
Eclectus
05-09-2009, 03:54 PM
اخوي العمر له دور خليني اعطيك مثال تخيل البغبغا يقول كلمه مش عاجبتك وعمره فوق السنتين بالله كيف راخ تطلع الكلمه هذي من راسه نفس الشي بالنسبه للترويض البغبغا في راسه انه البشر اعدا والا كائنات يخاف منها صعب جدا انك تطلعها من راسه وحتا لو احد قال لك انه ممكن يروضه هذا رائي وما يمنع انك تحاول

على العكس البغبغا الصغير يتعلم وممكن يتروض الكبير راسه ناشف
زينه ونحول
05-09-2009, 11:44 PM
أححححححححم .. احم .. احم احم ..

حسستوني اني استاذة ببغانات لووول ..

ببغاني شيبه .. وعيونه لونها أصفـــــر .. ووالف علي ,, ولف علي بسرعه ..

لكن الحق ينقال .. مايحبني ولا يبغى يشوف وجهي :p .. ومو والف على احــــد غيري .. للأسف ..

يارب اهدي ببغاني الكبير وخليه يحبني وخليه يتكلم عدل ..

بس طبعاً لو كان ببغاني الشيبه في بيت سكـــر كان الحين تلاقيه رقاص لوول ..

جمباتيه استاذ سكــــر الله الله يعطيك الف عافيه والف اجـــر ..
n-b-n-b
06-09-2009, 02:24 AM
اخوي محلات كثيره يروضون..

اتمنى اني افادتك..

بالتوفيق..

مشكوور..

تحياتي..

:)
naasooh
06-09-2009, 03:24 AM
سكر
نجم بدون منازع
عسى الله يخليك لنا
تابعت الموضوع وجزاك الله خير الكل أستفاد مو بس صاحب الكاسكوو كل من تابع الموضوع طلع بفايدة
مشكووووووووووووووووووووووووووووووور
نصووح
سكر
06-09-2009, 04:45 AM
واااااااااو هههههه هذا الموضوع قديم يا جماعة

لما كنت في الشرقية,,

لكن ردودكم أثلجت صدري وأسعدتني ربي يبارك فيكم

بالنسبة لأخوي Eclectus وأخوي n-b-n-b جزاكم الله خير بس الرجال طلب أحد يروض ببغائه,, واستعديت بالمهمة

والحمد لله روضته له خلال فترة قصيرة واستلم الببغاء وخلاص تمت العملية بسلام

يعني يا شباب هو ما يبغى أحد الحين يروض ببغائه,,

وفي نفس الوقت أخوي Eclectus ببغاء الأخ احمد كبير في العمر وأبشرك تروض في مدة وجيزة جداً

يعني ان شاء الله ما عندك مشكلة تقدر تروض الببغاء حتى لو هو كبير,, ومو أول مرة أروض ببغاء عمره أكبر من سنتين,, راجع الموضوع وتابع الردود والصور ما تظهر للأسف لأن الموضوع قديم,, لكن تابع التاريخ لكل رد وتفهم ايش أقصد,,

وبجد أنا عاجز عن شكركم وشكر كل الأعضاء على كلامهم الجميل ربي يوفقكم جميعاً

تحياتي