تسجيل الدخول

مشاهدة النسخة كاملة : فهمني غلط؟؟

بويوسف الميلاني
13-03-2009, 02:46 PM
طيري الرمادي (فرخ) تعب قلبي وانا اعلمه كلمة ياالله....راح صوتي

علما اني خذ لي من وانا اعلمه هذي الكلمه تقريبا اسبوعين...

لكن اذا ابيه يطلع على ايدي اقوله (فوق ــ قوق)...

وفي النهاية قاعد يقول ( فوق ــ فوق)....ويخربط بكلام بنفس طويييل

وش رايكم اترك كلمه فوووق واخليه يصعد بدون كلمه...؟؟؟

وش رايكم اغير كلمه يالله..؟؟؟

وهل الطير غبي..؟؟:(
bady2006
13-03-2009, 03:16 PM
اخوي كم صارله عندك
وكم عمره تقريبا
لان الببغاء اكثر شي يتكلم بعد 6 اشهر
وإذا انته مستعجل عليه سجل صوتك وحطه بغرفه بروحه وشغل المسجل
وإن شاء الله بيكلم اصبر عليه شوي

تحياتي لك
مجنون عويشق
13-03-2009, 03:20 PM
السلام عليكم

والله مشكله


اذا كنا نريد ان نجعل الطيور تفهم مثل البشر ....


اخوي يوسف ...شيء طبيعي ...انه يقول كلمة فوق فوق ..زفهو ربط الكلام مع الفعل وهذا جعل عملية حفظ الكلمه اسهل ...

والعكس بالنسبه لكلمة يالله ....

رجو انك فهمت موجز الحديث


تحيه طيبه
بويوسف الميلاني
13-03-2009, 04:34 PM
اخوي مجنون وشفيك شبيت علي....
تراك غالي
بس استفساار...

الطير معي له شهر وعمره 8 شهور...
مجنون عويشق
13-03-2009, 05:57 PM
ههههههههههه..

ماشبيت عليك ياشيخ ...بس اقصد ابيك تفهمها وهي طايره .......يعني الكلام مع الفعل افضل من كلام فقط ...


تحيه طيبه ^_^
وعـــد الهـــوى
13-03-2009, 06:00 PM
له شهر وعمره 8شهور
تدري انه انجاز بما نه نطق كلمة فوق في المده هذي
......................................
انا صبرت على طير عندي سنه بعدها انفكت الشفره
...........................
يعني بغبغائك ماشالله عليه ذكي
حاول تعلمه بالربط مع المطلوب افضل
سكر
14-03-2009, 03:36 AM
بو يوسف

ما شاء الله على ببغائك

وما شاء الله عليك

هذا دليل انك مدرب ممتاز ما دام انه تكلم بهذي السرعة.

نصيحتي لك ركز على التوليف أكثر من الكلام.

لأنه كل ما ولف كل ما صار يحاول يفهمك أكثر.

كلمة فوق قالها لأنه فهمها وحبها. وطبعاً مثل ما قال اخوي مجنون عويشق كلمة فوق قالها لأنه فيه ارتباط بين كلمة وبين فعل معين.

يعني هو ما يسمعها الا اذا جيت بتطلعه.


اما يالله, بدون ارتباط بفعل ما بتكون سهله عليه
واذا ما قال يالله الحين يمكن يقولها بعدين. حتى لو ما كانت مرتبطه بفعل مكرر.

لا تيأس بس حاول تعلمه كلمة ثانية مع كلمة يا الله.

واعطيه فترة شهر على الأقل حتى يتقن الكلمة, ولا تستعجل.

واصل الله يعافيك ويعينك

تقبل تحياتي