مشكلة نتف الريش

[qadsiafans]

بسم الله الرحمن الرحيم

لدي مشكلة

احد الببغاوات الافريقيه لدي اصبحت تنتف ريشها فجأة

صحيت اليوم من النوم ولا اشوفها ناتفه ريشها حول العنق

واصبحت تعض بصورة مفاجاه مع العلم انها مدربه ولم تكن تعض

ارجو الافاده

[الخبراء]

هي واحد من اثنين يا انه نفسيه يا انه يبي يغير ريش

بس لو تفصل يعني هو ينتف الريش و با منقاره ولا طاح عادي

هذا الي اعرفه

[qadsiafans]

^^^
لا ينتفه بمنقارة
وصاير يعض

[qadsiafans]

?????

[الخبراء]

اكيد انه نفسيه ولا زعلن على شي

بس عندي لك حل خله الاخير انك ترشه با زيت زيتون ولا يجي ريشه ابد ( الغيني مروشه با زيت زيتون من الحاله الي به الحين يقطع الجرايد الي با البيت ) ما لقى شي يخربه

[qadsiafans]

كليوم ارشه بماء
وحاليا وضعته مع كاسكو اخر بنفس القفص
لكنه مستمر بنتف الريش

[أبو ريـــــــــــــان]

أخوي طيرك اكيد فية حاجة صارت معة وسببت له هذي الحالة ياليت تذكر علشان نعرف مثلا ممكن تكون معودة على حاجة معينة وحرمتة منها بدون ماتنتبة او يكون متعود على احد فيكم واختفا عنة او يكون متعود على صاحبة الاولي إذا انت مشترية هذي الايام من احد ويكون فاقدة .

واحب اقول لك لازم تلحقة بدري قبل ماتتطور معة هذي الحالة لانها صعبة ويعتبر مرض مزمن وصعب الشفاء منة في الحالات المتقدمة الا برحمت الله

[qadsiafans]

لا اخوي صارله اكثر من سنه عندي

وماكو شي تغير عليه

[ولد داني]

اخوي الكريم ... الحق على طيرك .. انا صارت معي ,, قالو لي فيه نفسيه وقالو من التغذيه وماخلو شي الا حطه فيه ... وفي النهايه هلك الطير الا شوي صار مايقدر يشيل روحه { يعني صار هزيل بمعنى الكلمه } حتى الحب الشمسي ميستطيع ان يكسره .. حصلت فيه حشرات تمص دمه ..... وهذا الي يخليه ينتف ريشه ... انتبه اخوي لطيرك .

[qadsiafans]

^^^
زشنو سويتله ؟

[qadsiafans]

ننطر حل الخبراء

[كشكوش]

سلام عليكم
اخوي شف اذا كان الطير مدرب ادهن على المكان الا مافيه ريش زيت الزيتون الاصلي واذا مهو مدرب
حاول تمسكه بمنشفه او قفاز وادهن عليه الزيت كل يومين وشوف اش النتيجه

[كشكوش]

سلام عليكم
اخوي شف اذا كان الطير مدرب ادهن على المكان الا مافيه ريش زيت الزيتون الاصلي واذا مهو مدرب
حاول تمسكه بمنشفه او قفاز وادهن عليه الزيت كل يومين وشوف اش النتيجه

[Q8 Sailer]

السلام عليكم اخوي ...


شوف ياطويل العمر اول شي وخر الكاسكو الثاني اللي عندك عنه ..

لأني احتمال تكون حساسيه بالطائر .. .

هذا اول شي وثاني شي اذا تقدر تصوره علشان نقدر نحكم ان كان حساسيه أو حاله نفسيه

واتمنى انك تصوره لنا .. ..

ومع السلامه ...

[qadsiafans]

وديته البيطري قال حساسية

[Q8 Sailer]

ما اقول الا الله يعيينك ...

انا عندي واحد فيه حساسيه صار له اشهر وقاعد احاول بكل الطرق اني اعالجه ...

حاول انك تسبحه بماي بحر ...

[qadsiafans]

^^^
بالنسبة لماي البحر

سالت البيطري قال ان ماي البحر يزيد من حالة نتف الريش الي عنده

الي عندك عطيته ادوية وفيتامينات ؟

[Q8 Sailer]

هلا اخوي قدساوي .. اول شي (على راسي لأنك تشجع القادسيه:)):>>)

والله ياخوي انا الحين قاعد اعطيه فيتامينات وقاعد اعاجله ويوميا ارش عليه الدوى ...
واللي لاحظته ان ماقام ينتف ريشه وان شاء بيتحسن ..
اسم الدوا ياخوي اهو Pluck No More

جان تعرف الجينكواات .. اللي بسوق الحمام .. روح اسألهم عندهم الدوا هذا .. واذا ماحصلته قولي وانا احاول ادوره لك .. :))

[qadsiafans]

قاعد اعطيه ادوية

بس سؤالي شكثر يبيله على يرد يطلع الريش نفس قبل

[Q8 Sailer]

والله ياخوي ممكن يبيله شهر شهرين .. الله والعالم ..

انا توه وقف تنتيف وناطر الريش يطلع عليه ..

حسب علمي يبيله فتره شهر شهرين ... تقريبا جذي .. هذا اللي قالي اياه البيطري ..

انا قريت على الدوى اللي عندي ان كاتبين عليه ان بعد 20 يوم راح يوقف حك وتنتيف ...

وشوف الريش متى يطلع ممكن 20 يوم أو اكثر ... :)

طول بالك وتفائل بالخير يا اخوي ..

واسف على الاطاله ..

[لوتيه]

لالالا ماعليك من كلام البيطري هذا خراط و لا يعرف شي
لا حساسيه و لا هم يحزنون هذا فيه حاله نفسيه مسكين نفس الخبلا لي عندي
و ماسويتلها اي شي البيطري قال حاله نفسيه و بس ..
و الحين الحمد الله حالتها تحسنت و ريشها طلع و بس شوي و بيكتمل كل شي في ريشها بس جناحها شوي مخربط انته حوطها و عطها اهتمام اكثر
والمثل قايلنها اسئل مجرب و لا تسئل طبيب :)

[لوتيه]

لالا مب 20 يوم و يطلع كمل عندي كم شهر لين طلع الريش :) بس يمكن على حسب الحاله...

[Q8 Sailer]

ترا في شي اسمه حساسيه وممكن اللي عندج كان فيه حاله نفسيه .. :) والله العالم لأن اللي عندي قام يطلع ماده بيضه من ريشه ماكانت تطلع له :)...

اهو تنتيف الريش يا من الحساسيه أو ان حاله نفسيه :) ..


:) والله كريم ...
مشكوره لوتيه :)) ..

[لوتيه]

هههههههههههههههههههههههههههههههه سيلر اكيد قاعد تقول هاي على كيفها تقول حاله نفسيه :)
صح كلامك يمكن بعد حاله نفسيه :)
و يمكن تكون بعد حاله نفسيه >>>> مصره




لا

امزح
بس صح كلامك يمكن حساسيه الله العالم يوديه البيطري و يخبرنا ..

[qadsiafans]

مشكورين ..

لكن ما اعتقد حاله نفسية كلشي متوفر له

اعتقد ان حساسية لانه بعد الدوا ما قام ينتف

[Q8 Sailer]

شنو نوع الدوى اللي تستخدمه ؟

[Q8 Sailer]

هههههههههههههههههههههههههههههههه سيلر اكيد قاعد تقول هاي على كيفها تقول حاله نفسيه :)
صح كلامك يمكن بعد حاله نفسيه :)
و يمكن تكون بعد حاله نفسيه >>>> مصره




لا

امزح
بس صح كلامك يمكن حساسيه الله العالم يوديه البيطري و يخبرنا ..


هههههههههه اخت لوتيه طولي بالج :))

الطير انا موفر له كل شيء و 24 ساعه تقريبا بره القفص والعب معاه وامسح على راسه وقبل لا اطلع اشغل له تلفزون احط على قناة العفاسي وامشي عنه .. :) شلون بتكون حاله نفسيه ؟ :))

اهي حساسيه وان شاءالله بتعدي .. :)

[لوتيه]

مطوله بالي بس كنت امزح :)
و ان شاااااااااااااااء الله انه يصير بخير في اقرب وقت :)

[qadsiafans]

والله مادري شسمة
البيطري حطلة الدوا على رقبته

[Q8 Sailer]

أي بيطري تروح ؟ شسمه ؟ :)) ...

ياريتك تفيدني لأني بودي الامزوني والافريقي بفحصهم اثنينهم :) ..

واسف على ازعاجك :))

[Q8 Sailer]

مطوله بالي بس كنت امزح :)
و ان شاااااااااااااااء الله انه يصير بخير في اقرب وقت :)

الله يسمع منج يا اخت لوتيه واشكرج على تفاعلج معانا :)) ...

اتمنى انج تحطين لنا صور الببغاء مالج :)) ..