تسجيل الدخول

مشاهدة النسخة كاملة : قطوتي ولدت ساعدوني.

لولي الحلوه
14-03-2009, 07:57 PM
السلام عليكم
قطوتي ولدت الخميس
وجابت ماشالله  الله يخليهم
المشكله هي ضعيفه وانا احس انها مافيها حليب كثير بس اشوف عيالها يرضعو كيف اتاكد بوجود الحليب
وكمان فيه واحد من عيالها صغير مره مايعرف يمسك الحلمه حاولت معاه مايعرف ولو مسكها يرضع شويه بس
انا خايفه يموت هل اشتري حليب وارضعه حتى لوكان يرضع شوي من الام وارضع اخوانه كمان
اما الام اليوم ينزل منها دم هل طبيعي كذا
وماتاكل غير انا اكلها
جاوبوني بليز ومشكوره.
عاشقة القطاو
14-03-2009, 08:33 PM
هلا

اختي

لولي الحلوة

المشكله هي ضعيفه وانا احس انها مافيها حليب كثير بس اشوف عيالها يرضعو كيف اتاكد بوجود الحليب

ما في اي مشكلة بعد الحمل تضعف شوي بس انتي غذيها زين و ان شاء الله خير , اما عن الحليب اذا العيال

يرضعون عادي ...خلاص..اما كيف تتأكدين ما ادري..و الله


وكمان فيه واحد من عيالها صغير مره مايعرف يمسك الحلمه حاولت معاه مايعرف ولو مسكها يرضع شويه بس

قربيه من الثدي و ان شاء الله يرضع ..

انا خايفه يموت هل اشتري حليب وارضعه حتى لوكان يرضع شوي من الام وارضع اخوانه كمان

اذا تحسينه ما يشرب الى شوي اشتري له رضاعة و شربيه ...و اذ اخوانه عادي يرضعون احسن عنه خلاص

لاتعطين اخوانه عطيه هو .

اما الام اليوم ينزل منها دم هل طبيعي كذا

ايه طبيعي بعد الولادة ينزل دم كمن يوم و يوقف

وماتاكل غير انا اكلها

ايه تتدلع عليج ..


و أنا بنت ..
لولي الحلوه
14-03-2009, 09:07 PM
مشكورة اختي عاشقه القطاوه
والله يعطيكي العافيه
sisi_moon
15-03-2009, 01:09 AM
زي ماقالت لج عشووقه

واذا شفتي العيال بطنهم ملياان ومنتفخ يعني في حليييب

لان لو مافي حليب كان شفتي بطنهم ممسوووح وصايرين ضعاااف

والصغير منهم .. يمكن بس يتهيأ لج انه مايرضع

كذا انا كنت مع ساندي .. افكرها ماترضع لانها اقل منهم في الحجم

بس ماشاءالله يوم كبروا شوي صارت هي أطول وحده فيهم هههها

.. بس اذا انتي ملاحظتها ماتررضع بجد .. رضعيها بالرضاااعه او أحسن . دايما لما تشووفين الام بروحها ومحد من العيال وياها او قليل منهم .. وديها عشان ترضع براحتهاا .. انا كذا كنت اسوي

لان كانوا خمسه ماشاءالله ويتسببون في بعض
لولي الحلوه
15-03-2009, 04:54 AM
مشكوووووووره مشرفتنا الغاليه

وانا اشتريت حليب مخصص لهم وبحاول معاه ارضعه اذا شفته مايرضع كويس .........
عاشقة القطاو
15-03-2009, 02:21 PM
العفو و لو ..واجبنا
ثويمر
15-03-2009, 02:49 PM
بالنسبه للصغير اللي مايرضع كويس
في حل واحد كويس ...

انو الام لما ترضع اخوانو كويس وينامو تاخذينها هي وياه بمكان وتخلينها ترضعو لوحدو ... عاد هو يختار اي مكان على راحتو ويرضع ... انا كنت اسوي زي كذا مع واحد من اولاد قطتي ... لانو كان مايقدر على اخوانو وماكان يقدر يرضع زين .... بس كم يوم وبعدين صارت الام سبحان الله تاخذو بمكان وترضعو لوحدو لين يشبع ...

سوي كذا وراح يمشي الوضع كويس .. لانو حليب الام هو الافضل لو من الصناعي .

عالبركه ويتربو بعزك انشالله
بالتوفيق
majid2
15-03-2009, 03:08 PM
كلامكم صح
لولي الحلوه
16-03-2009, 07:40 AM
اشكر كل من رد علي

وجزاكم الله الف خيررررررررررررررررررررررر