قصتي مع فووص

[BaBy J]

السلام عليكم
كيفك الحال ؟ عساكم طيبيين
هذا اول موضوع لي ومن اولها شكوى واسئله بس تحملوا اختكم شوي
فووص ببغاء رمادي كان لاختي من عام 2004
وما كان يطيقني ولا انا اطيقه لانه دايم يعضني
على نهاية السنه الي فاتت انقلب كرهه لي الى حب غريب :eek:ومخيف, لانه كره اختي تماما
هل حبه المفاجئ لي طبيعي؟؟؟؟؟
السؤال الاول وخلصنا منه
الثاني انه يموت ويعشق شي اسمه عض ....وبصراحه انا اكتفيت اثاره وجروح:( ماني عارف ايش اسوي له؟هل اتحمل الي انا فيه ؟؟ ولا في طريقه تنسيه العض ؟؟
اسفه بس قربت اخلص
اختي الحلوه عودته انه ياكل شوكولاته:p بانواعها وانا خايفه على صحته ...انا اعطيه تمره بدل الشوكولاته ... هل طريقتي احسن ولا تاذيه ؟؟
اتمنى احد يساعدني وينصحني ومشكورين
اختكم;) ياسمين

[افريكانو]

و عليك السلام و رحمة الله وبركاته

مرحبا بكي في المنتدي و ان شاء الله تفيدين و تستفيدين من المنتدي

و بالنسبه لاستفساراتك

بالنسبة للحب المفاجئة لك و كره اختك اكيد انه شاف شي من اختك او انه قللة الاهتمام فيه و انتي غيرتي اسلوبك معاه او شي من هذا القبيل لو تراجعين نفسك سوف تكتشفين السبب

و بالنسبة للعظ يمكنك اتباع النهر انك تنهرينه عند العظ كقول لا او عيب بصوت متوسط و تغير ملامح و جهك كلما اراد عظك و حبسه في القفص 10 دقايق الى خمس عشر دقيقة كعقاب حتى يعرف انه معاقب و انه كل ما عظك سوف تعاقبينه و ان العظ غير مرغوب به . و مع الوقت راح يترك العظ ان شاء الله

و بالنسبة للشوكولاته نعم ما انصحكي اعطاءه لان لا فائدة له و الله اعلم ان مضر اما التمر جيد و مفيد للببغاء و طريقتك احسن


تقبلي مروري و اجتهادي

ابو منيرة

[BaBy J]

مشكور يا ابو منيره ما قصرت وجزاك الله خير

[سماوي الجبه]

مساء الخير ، يحبك شي عادي جدا هذا، وثاني شي كيف يحبك ويعضك في نفس الوقت مستحيل، احتمال تقومين بحركات تنرفزه ولكن مستحيل يعضك وهو يحبك،

[عبادي والجو هادي]

بالنسبه للعض كلام افريكانو اوكي

والشوكلاته مسسسسسسسسسسسسسسسسسسمم يجيب له سم و ضار

وعندك المواضيع المثبته راح تفيدك

[سكر]

يقولك الحب أعمى :D

الأخوان اجتهدو لكن باب الاحتمالات واسع جداً

المهم الحين انه يحبك, والأهم اننا نقدر نخليه يكرهنا أو يحبنا على حسب تعاملنا وعلى حسب الضروف.

أما العض, هذا اسمه دلع, لو يبغى يعضك بجد ما بتلاقي مكان تحطي فيه الدبلة :D

لكن هذا اسمه لعب بالنسبة له, يحب يجرب يمسك اصباعك مثلاً بمنقارة بس مشكلتك انتي تسحبي يدك بسرعة, وهذا يخليه يشد عليه عشان ما تفلت يدك منه.

مثل الطفل لما يلعب بلعبته يكون يلعب فيها بشويش لكن اذا شافك تحاولي تسحبيها منه يشد عليها وممكن تنقطع بسبب الشد بينك وبينه.
طريقتي اللي اعملها في هذي الحالة اني ما اسحب يدي, لكني امسك منقاره بأصاعي وأشد عليه كأني أمسح خشمه من الزكام :D

بعد فترة ينبسط مرة من هذي الحركة, لكن في البداية تحملي شوي حتى يفهم ويتعود.

على العموم تقدري تدهني اصباعك بعسل وتقربيه من فمه, بيحاول يعضك بس ما بتحسي بأي ألم لأن عضته بتكون خفيفة جداً, لا تسحبي يدك لمده ثواني وبعدين شيليها.
كرري العملية وردي علينا.

أما الشوكلاته, دائماً أقرا كلام كثير انها تسبب التسمم, وفي كل موضوع أرد عليهم وأقول هذي معلومة خاطئة, على الأقل في ببغائي.
أعطيه ولا يقول لا وصحته عال العال.
يمكن تختلف الأنواع أو حسب الأعمار, الله أعلم.
وتقدري تستغلي الشوكلاته في تدريبه على عدم العض, انك تكسري كسرة صغيرة جداً وتخليها تعلق على راس اصباعك وتمديه للببغاء, هو بيلمس اصباعك بلسانه أكثر من مرة وبعدين بيتعلم يسحبها بدون ما يعضك.

انتظر ردك بعد التجربة

تحياتي

[BaBy J]

سماوي الجبه
مشكور على الرد انا ما احاول استفز فوص مهما كانت الظروف .حتى بعامله زي البني ادامي
عبادي والجو هادي <<<اسم رايق
مشكور على الرد اخوي . صديقه لي بتقول انه ممكن يجيب له السكري <<الابر لاحقتنا لاحقتنا
سكر
مشكور اخوي على الرد ,عضه مو شديد بس بيترك اثر
بجرب طريقة العسل ممكن تنفع بس شوكولاته احسه ينجن لما اعطيه
ان شاء الله اجرب