باركولي اليوم شريت ببغاء

[mns2009]

السلام عليكم اليوم شريت ببغاء كاسكو فرخ عين سودة :)
شريته من سوق القطيف
يوم كنت هناك كان في أكثر من ببغاء هولندي محجل وكلها خرابيط
بس شفت فرخين أنا متأكد أنها هولندية و لا حظة عليها أنها مسيفة يعني نحيفة
حتى الببغاء الهولندي الي كان عندي ومات يوم جبته كان مسيف
المهم شريت ببغاء مصيود حجم كبير أو سوبر جامبوا
بس عندي كم أستفسار
أحس أن منقاره كبير شوي ولونه فاتح جدا
وبس أخذته كان في جنبي واحد هاوي نصحني أشتري
دواء للوقاية من الأمراض لانه فرخ ومصيود وأسم الدواء ((فاليمايسين))
لونه أحمر حتى البياع قال أنه كويس
أيش تنصحوني أطعمه الحين بس حب شمسي ولا أشياء أخرى
لاني خايف يختلف عليه الأكل ويمرض
وأبغى اقتراحاتكم أيش أسميه

[r_3ly]

نعم اعطيه هذا الدواء كل 3اسابيع لتنشيط الطير واعطيه حاليا حب شمسي مافي مشكلة

[سيف 2009]

الله يباركلك بالطير أخوي ومعوض خير بالطير اللي مات قبل ..

وأتمنى أنك تضع صورته للتمييز أكثر من عمر الطير .

نصائح للتغيذية المعتاده :ـ

الحب الشمسي

السيسبان

الخضروات

الفواكه


ويوجد بالأسواق الحبوب ذره مجففه تباع بالأخياش أو بالكيلو :ـ ينصح أن تخمرها بماء حار لمده 5 أو 6 ساعات بعد تنظيفها جيداً لتلافي المبيدات الحشريه سابقاُ وثم طبخها لمده قليله ، وعلى حسب الطير أذا كان الببغاء صغير جداً فعليك أن تطبخ الذره جيدا حتى تكون مهروسه وسهله الأكل .

وكذلك الباليله يجب غسلها ثم تخميرها بماء حار ومن ثم طبخها وكما ذكرت لك في السابق .

والله يباركلك بالطير مره أخرى وأتمنى أن تضع صوره الطير لنفيدك أكثر لعمره والتغذيه المناسبه له .

[الفارسي100]

مبروك والله يحفظه لك

[بريق العيون]

الف مبروك

[mns2009]

ألف شكر على الردود الحلوة وأن شاء الله في أقرب فرصة بنزل صور للطير

[بودلال]

السلام عليكم

اولا مبروك عليك ومنها للاعلى

ثانيا اذا عمره اقل من سنه عطه كل يومين سيريلاك وجبه وحده العصر

وخل الحب يكون موجوده عنده

ثالثا الدواء الي تقصده سائل لونه اصفر غامج اذا اهو هذا فيتامين للكاسكو وهذا ممتاز جدا

ولازم كل شهر تعطيه كورس الكورس يعني ثلاث ايام ورى بعض تحطه مع الماي

ورابعا عطه شوي تفاح برتقال زره حمص ترى هذول افضل اكل للكاسكو

خامسا اتمنى ان اكون افدتك واي خدمه انا حاضر

[Madrid Spirit]

مبارك عليك الطير

اخوي راجع الموضوعين ( هؤلاء لافراخ الكاسكو )

الاول هنا

http://www.2zoo.com/vb/showthread.php?t=93972

و الثاني هنا

http://www.2zoo.com/vb/showthread.php?t=94061

باذن الله منهم ستعرف تفصيل الدواء و تركيبته و استخدامه

[الخبراء]

على البركه الطير و ان شاء الله تنزل مقطع وهو يتكلم


بس ما شفتك ( مسوي تعرفه انت وخشك )

[mns2009]

على البركه الطير و ان شاء الله تنزل مقطع وهو يتكلم


بس ما شفتك ( مسوي تعرفه انت وخشك )

افااااااااااااااااااااااااااااا
ليش ماقلتلي انك بالقطيف كنا التقينا

[الخبراء]

افااااااااااااااااااااااااااااا
ليش ماقلتلي انك بالقطيف كنا التقينا


والله لو اني داري انك تبي تروح كان كان قيلك

ما فات الى الشر المره الجايه اذا بغيت اجي لم الشرقيه با اقولك ان شاء الله ( ما ينعطاء وجه )

[سكر]

ألف مبرووك وربي يعطيك خيره ويكفيك شره
ان شاء الله تتوفق في تربيته وتحافظ عليه.

بس بسألك

سألت صاحبه ايش كان يأكله والا لا؟؟

أرجو الرد للأهمية.

تحياتي

[abdr]

اذا كان منقاره كبير فهاذا من يوم ما كان صغير كان يعطى فيتامينات

[mns2009]

ألف مبرووك وربي يعطيك خيره ويكفيك شره
ان شاء الله تتوفق في تربيته وتحافظ عليه.

بس بسألك

سألت صاحبه ايش كان يأكله والا لا؟؟

أرجو الرد للأهمية.

تحياتي

الله يبارك فيك اخوي سكر وبالنسبة للاكل
والله ما سالته بس شفت في علبة الاكل حب شمسي ويوم رحت البيت حطيت له حب
والطير حط راسه بالعلبة ماقام إلا وخالصها
وماشاء الله شهيته تمام

[mns2009]

اذا كان منقاره كبير فهاذا من يوم ما كان صغير كان يعطى فيتامينات

اخوي هو مصيود كيف ياخذفيتامينات

[لوتيه]

بالبركه عليك و الله يحفظه لك ...
الله يعطيك خيره و يكفيك شره ...