اسهال مع دم !!

[أفنان]

السلام عليكم

انا عضوة جديدة معاكم بالمنتدى وللأسف ببدا مشاركاتي بمشكلة

عندي قطوة عمرها شهر وثلاث اسابيع .. جاها من يومين اسهال شديد ومن امس لاحظت ان الاسهال معاه دم !!!

على فكرة القطوة ما تاكل عادي احنا نغصبها عالاكل بالرضاعة .. نرضعها زبادي ونهرس معاه بعض الاوقات اكل القطاوة الصغار .. بس الحين من سهلت وقفنا اكل القطاوة وصار بس زبادي
وايضا نلحسها جبن كاسات هو الشي الوحيد اللي تاكلها بدون غصب بس ما تاكل واجد تلحس ملعقة والا ملعقتين صغار باليوم
واليوم لما اشتد الاسهال ما اعطيناها غير رز مسلوق ومطحون نعطيها اياه بالقطارة بالغصب طبعا
ولسحت شوي بس جبن كاسات

ايش اسوي معاها ؟ والله خايفة تموت علي :(

وهذي صورة للدم ... تكرمون ...

http://www.2zoo.com/vb/attachment.php?attachmentid=733&stc=1&d=1153422885

اعطوني حل ولا تقولون بيطري لأني وديتها امس وقال مافيها شي !!! ما ادري مين معطيه شهادة !!

[قهوه مره]

اولا القطوه صغيره على الاكل
و اذا امها موجوده يكفيها الرضاعه
و اذا امها مو موجوده اعطوها حليب
و في حليب خاص للقطاوه تلاقينه عند البيطري او في الماركتز في قسم اكل البتس
و وديها البيطري يكون احسن بس انتبهي لا يطعمها قبل لا تخلص شهرين

[أفنان]

قهوة مرة .. اول شي مشكورة على ردك يعطيك العافية

القطوة امها مو معاها .. واللي شريتها منه يقول انه فاطمها وكانت تاكل عنده

والبيطري قال لي اكليها زبادي يمسك البطن .. وحطيها عند الاكل يمكن تتعود تاكل من نفسها بس ما اكلت

وبالنسبة للحليب دورت حليب القطاوة الصغار بمحلات الحيوانات اللي اعرفها وعند البيطري وحتى السوبرماكتات الكبيرة سيفوي و بنده بس مالقيته ! اذا احد يعرف محل يبيعه بالشرقية اكون شاكرة له ..
انا كنت اعطيها حليب خاص للأطفال الرضع وهو حليب اسمه "كوكيز" بس وقفناه عنها لأنه قالوا لي مو زين لها يسبب اسهال
والبيطري وديتها امس قال مافيها شي دامها تمشي وتتحرك عادي !!!

[قهوه مره]

انا بالشرقيه و راح احاول اجيب اسم المحلات الي تبيعه

[فطوم]

الله يشفيها انشاءالله
اما بالنسبه لعمرها فهي كبيره المفروض تبدى تاكل والقطط تبدى تاكل من عمر ال5 اسابيع
وانتو كنتوا غلطانين لمه غصبتوها على الاكل كان المفروض تجوعونها وتخلون الاكل يمها واهي بتاكل

اما بخصوص الحليب فانضحك من تتحسن صحتها اقطع عنها الحليب لانه مضر بالقطط وحاول استبداله اب جبن مثلا لكن لاتكثرين لانه في نسبه دهون

وبالصيدليه يبيعون بودره كالسيوم هم هذي زينه

بخصوص الاسهال القطط بهالعهمر غالبا ماتعاني من هالمشكله ودامج وديتيها البيطري لاتخافين عليها
هل عطاج مكمل غذائي او شي؟؟

[أفنان]

مشكورة اختي فطوم يعطيك العافية
بس ان جوعناها خفنا تموت لانها ضعيفة كانت
انا وديتها البيطري بس ما عطاها ولاااا شي
وان شاءالله يااارب تتحسن صحتها

مشكورة اختي

[فطوم]

اي حبيبتي اهي اذا ياعت راح تاكل غصبن عليهاااا لاتخافين:)

وانشالله الله يشفيييييييها وتشوفين عيالها وعيال عيالها:)

[أفنان]

ياااااااااااااااااااااااااااارب اميييييييييييييييين
مشكورة خيتو فطوم تعبتك معاي

[الصولجان]

اختي العزيزة انا انصحك نصح شديد بصيدلية جوزل الطبية
بالدمام شارع الملك سعود
انا مجرب كل شئ عندهم مشالله
وذا بغيتي اي شئ احنا حاضرين
تحياتي لك

[قطو_Q8te]

الدم ينزل في حال اجنه ميته بالبطنـ
او بالعه شي مثل شعر و شيء فينزل معاه دم
تأكدي انه الاسهال مافيه خيوط شعر او شيء واخذيها علبيطري بسرعه

وتوها صغيره عوديها على جبن قلاصات او كيري

[قطقوطه]

جت هالحاله لتوتا وكان السبب تلبك بالمعده وديها لبيطري شاطر افضل لك
بس اعطيها بيبي لايت(من الصيدليه جيبيه) وشربيها ياه بدال المويه وعطيها اكل دجاج مسلوق ولبن زبادي ووقفي اي اكل ثاني

[فطوم]

بصراحه هذا الدم شكله غريب!
انصحك تودينها لطبيب ثاني

[عاشقة_فرفورة]

سلام عليكم اختيه .. وماتشوف الشر قطوتج وياااااارب تتعافى باسرع وقت وانا مثلج اختيه مبتدئ مع القطط ماعندي خبرة افيدج فيها الا اني ادعيلج ولقطوتج الله يشفيها ويحفضها من كل شر وان شاء الله تكون بخير والله المستعان..

عاشقة فرفورة

[أفنان]

الف شكر للجميع

اليوم لاحظت ان الدم راح .. ولكن لسه فيها اسهال
والقطوة صارت كله نايمة ودايخة وما تلعب ولا شي :( والله قلبي يعورني عليها لما اشوفها
المشكلة ماعندنا الا بيطري واحد وهو بيطري جدة ومو فاتح الجمعة والا كان وديتها اليوم ..
حتى ان وديتها بيقول لي نفس الكلام مافيها شي !!! بكرة بوديها وبشوف
يارب تعيش :( وتتحسن حالتها :(:(

[قطو_Q8te]

عليج بالزبادي

[shanti]

اتمنى من الله ان يتمم لها الشفاء

حاولي ان لا تدخل بحاله جفاف حتى لا تفقيديها لا سمح الله
اما بخصوص ايقاف مرحله الاسهال وجب عليك شراء دواء فلاجيل 250 ملغم وتعطى نصف حبه كل 6 ساعات لمده 3 ايام متتاليه مع اتباع اعطاءها حميه اللبن الزبادي كل ساعتين مخلوط بمحلول الجفاف بيبي لايت

اتمنى لك ولقطتك الصحه والعافيه

[أفنان]

اشكر الجميع على ردودهم المفيدة

الأخ shanti
ما يضر الدواء بالقطط الصغيرة ؟ خاصة ان قطتي عمرها شهر وثلاث اسابيع فقط

[shanti]

لا يوجد اي ضرر ولكن بما انها صغيره تختلف جرعتها من نصف حبه الى ربع حبه ... اتمنى لها الشفاء

[أفنان]

اشكرك shanti
القطوة وديتها قبل قليل للبيطري و تنومت عندهم .. قالوا لي بكرة اجي اخذها
والدكتور شاك ان يمكن فيها ديدان وقال بيركب لها مغذي
الله يستر وتقوم بالسلامة وتعيش ياااااااااااااااارب

[أفنان]

خلاااص القطوة مااااااااتت :( لا حول ولا قوة الا بالله

[كاتي]

اختي العزيزة أفنان
قلتي حليب :eek: :eek: :eek: :eek:
:( :( :( :( لا لا لا no no no :( :( :( :(
اذا كنت بالدمام دوري بالسوبر ماركت
المشكلة ناسية اسمه ايش

[أفنان]

اختي كاتي
انا اول ما شريتها من راعيها قال لنا عطوها حليب السعودية او حليب اولكر
وانا عطيتها مثل ما قال حليب السعودية بس لما شفت الاسهال مستمر والدكتور قال لا تعطينها حليب على طول وقفتتت
حتى قبل ما تموت بكم يوم جبت لها حليب البودرة المخصص للقطاوة الصغار
بس خلاص ماتت القطوة وش بايدي اسوي بعد :(